Raja Raghuvanshi Murder Case: सोनम आणि तिच्या प्रियकराला १३ दिवसांसाठी न्यायालयीन कोठडी

  37

शिलाँग: राजा रघुवंशी हत्या प्रकरणात (Raja Raghuvanshi Murder Case) शिलाँग न्यायालयाने शनिवारी सोनम रघुवंशी (Sonam Raghuvanshi) आणि तिचा प्रियकर राज कुशवाह (Raj Kushwah) यांना १३ दिवसांसाठी न्यायालयीन कोठडी सुनावली आहे. सोनम आणि राज हे राजा रघुवंशीच्या हत्येतील मुख्य आरोपी आहेत. या दोघांवर आता न्यायालयीन कारवाई करण्यात येत असून, आज झालेल्या सुनावणीत या दोघांनाही न्यायालयीन कोठडी सुनावण्यात आली आहे.


हनिमूनच्या नावाखाली मेघालय येथे येऊन सोनम रघुवंशी हिने आपला प्रियकर आणि तीन किलर कॉंट्रॅक्टरसह पती राजा रघुवंशीची निर्घुण हत्या केली. या खळबळजनक हत्या प्रकरणात सोनं आणि राज बरोबरच आणखी तीन आरोपी आकाश, विशाल आणि आनंद यांनादेखील यापूर्वीच अटक करण्यात आली होती. तसेच त्यांच्यावरदेखील  न्यायालयीन कोठडी सुनावण्यात आली आहे. सहाय्यक सरकारी वकील तुषार चंदा यांनी एएनआय या वृत्तसंस्थेशी बोलताना सांगितले की, 'न्यायालयाने दोन्ही आरोपींना १३ दिवसांसाठी न्यायालयीन कोठडी सुनावली आहे. या प्रकरणाच्या अधिक चौकशीसाठी पोलिसांनी कोठडी मागितली नाही. तपास अधिकाऱ्यांनी न्यायालयीन कोठडीची मागणी केली. यानुसार न्यायालयाने १३ दिवसांची न्यायालयीन कोठडी सुनावली आहे.'



कुटुंबाने सोनमची सखोल चौकशी करण्याची मागणी केली


राजा रघुवंशीचा मोठा भाऊ सचिन रघुवंशीने सोनमवर तिच्या सुरुवातीच्या आठ दिवसांच्या कोठडीत पोलिस तपासकर्त्यांची दिशाभूल केल्याचा आरोप केला आहे. या हत्येच्या कटाची संपूर्ण व्याप्ती उघड करण्यासाठी त्याने पोलिस कोठडी वाढवावी आणि आणखीन सखोल चौकशी व्हावी अशी मागणी केली आहे. सोनमने महत्त्वाचे तपशील लपवले असल्याचा आरोप करत अधिक सखोल चौकशीसाठी सर्व आरोपींना इंदूरला हलवण्याची मागणी त्यांनी केली होती. 



सोनमचे कुटुंबीय आणि हत्याकांड संबंधित सर्व आरोपींची नार्को चाचणी करण्याची मागणी


सचिन रघुवंशी यांनी सोनमच्या कुटुंबाची आणि जवळच्या सहकाऱ्यांची नार्को चाचणी करण्याची मागणी देखील केली, त्यांनी आरोप केला की ते देखील या कटात सहभागी असू शकतात. सचिन रघुवंशी यांच्या मते, एवढा मोठा कट एकट्याने रचणे सोपे नाही. त्याच्या जवळच्या लोकांची सखोल चौकशी केली पाहिजे.



एक हनिमून जो जीवघेणा ठरला


इंदूर येथील वाहतूक व्यवसायिक राजा रघुवंशी यांनी ११ मे रोजी सोनम रघुवंशी लग्न केले. २० मे रोजी हे जोडपे हनिमूनसाठी मेघालयला गेले होते. २३ मे रोजी राजा बेपत्ता झाला आणि २ जून रोजी पूर्व खासी हिल्स जिल्ह्यातील सोहरा (चेरापुंजी) येथील धबधब्याजवळील खोल दरीत त्याचा कुजलेला मृतदेह आढळला. यानंतर बेपत्ता सोनमचा शोध सुरू झाला. दरम्यान, मिळत गेलेल्या काही पुराव्याच्या आधारे सोनमनेच आपल्या पतीची हत्या केल्याचा संशय तपासकर्त्यांना येऊ लागला. त्यानंतरव सोनमने ८ जून रोजी उत्तर प्रदेशातील गाजीपूर जिल्ह्यात पोलिसांसमोर आत्मसमर्पण केले. तिचा प्रियकर राज कुशवाह, त्याचे साथीदार विशाल चौहान, आकाश राजपूत आणि आनंद कुर्मी यांना मध्य प्रदेश आणि उत्तर प्रदेशातील वेगवेगळ्या ठिकाणाहून अटक करण्यात आली.

Comments
Add Comment

Amarnath Yatra 2025: अमरनाथ यात्रेबद्दल सरकारचा मोठा निर्णय, एक आठवड्याआधीच यात्रा थांबवली! 'हे' आहे कारण

खराब हवामान आणि यात्रा मार्गांची बिघडलेली अवस्था जबाबदार श्रीनगर : वार्षिक अमरनाथ यात्रा आज (दिनांक ३ )

देवाला भेटण्यासाठी ५ व्या मजल्यावरून मारली उडी, महिलेची आत्महत्या

हैदराबाद: तेलंगणाची राजधानी हैदराबादमध्ये एका धक्कादायक घटनेने खळबळ उडाली आहे. हिमायतनगर येथील ४३ वर्षीय पूजा

Operation Akhal: जम्मू-काश्मीरमधील कुलगाममध्ये ३ दिवसांपासून चकमक सुरू, आतापर्यंत ३ दहशतवादी ठार; २ दहशतवाद्यांना घेराव

कुलगाम: जम्मू-काश्मीरमधील कुलगाममध्ये ३ दिवसांपासून लष्कराचे ऑपरेशन अखल सुरू आहे. याद्वारे एके-४७ रायफल, एके

लष्करी अधिकाऱ्याकडून स्पाइसजेटच्या कर्मचाऱ्यांना लाथा-बुक्क्यांनी मारहाण, श्रीनगर विमानतळावर नेमके घडले काय?

एका कर्मचाऱ्याच्या पाठीच्या कण्याला फ्रॅक्चर आणि जबड्याला गंभीर दुखापत श्रीनगर: जम्मू काश्मीरमधील श्रीनगर

‘इस्राो’ची मंगळ तयारी

नवी दिल्ली : ३१ जुलै रोजी इस्रोने लडाखच्या त्सो कार या दुर्गम आणि मंगळ ग्रहासारख्या भासणाऱ्या प्रदेशात आपल्या

सैन्याच्या शौर्याचा काँग्रेसकडून सतत अपमान

पंतप्रधान नरेंद्र मोदी यांचा वाराणसीत आरोप वाराणसी  : ऑपरेशन सिंदूर पूर्णपणे यशस्वी झाले आहे, पहलगामचे