या आयपीओत प्रत्येक प्रवर्गाचा (Category)हिस्सा निश्चित करण्यात आला होता.मार्केट मेकर (Market Maker)यांना एकूण आयपीओतील गुंतवणूकीपैकी ५.१९% हिस्सा गुंतवता येईल तर पात्र संस्थात्मक गुंतवणूकदार (Qualified Institutional Investors QIB)यांना ४६.६७% वाटा गुंतवणूकीसाठी उपलब्ध असणार आहे तर अँकर (Anchor)गुंतवणूकदारांना २७.९३% वाटा,एक्स अँकरसाठी १८.७४% वाटा व किरकोळ गुंतवणूकदारांसाठी (Retail Investors)साठी ३३.४८% वाटा उपलब्ध असणार आहे.एकूण विक्रीसाठी १६२०००० शेअर्स उपलब्ध असतील.
पी अशरफ,पी कुन्हीमोहम्मद,फातीमा जासना कोटेकट्टू हे कंपनीचे प्रवर्तक (Promoter)आहेत.या आयपीओतील गुंतवणूकीनंतर प्रवर्तकांचा हिस्सा ७६.८५ % वरून ५६.३३% टक्के जाणार आहे.अँकर गुंतवणूकदारांसाठी बोलीसाठी (Bidding) साठी अंतिम मुदत २० जून देण्यात आली आहे.२०१८ साली या कंपनीची स्थापना एक दागिने कंपनी म्हणून झाली होती.मुख्यतः या कंपनीचा व्यवसाय दागदागिने,ब्रेसलेट, नेकलेस, बांगड्या व तत्सम उत्पादने आहे.मल्लपुरम येथे कंपनीचे मुख्य कार्यालय आहे.
कंपनीने दिलेल्या माहितीनुसार,कंपनीला ३१ मार्च २०२४ मधील २४६.८४ कोटींच्या तुलनेत महसूलात (Revenue) मध्ये घट होत ३१ डिसेंबर २०२४ मध्ये १७५.५३ कोटी इतका प्राप्त झाला होता. तर कंपनीला मार्च २०२४ मधील करोत्तर नफा (Profit After Tax PAT) यामध्ये ३.३२ कोटींच्या तुलनेत घटत ३१ डिसेंबर २०२४ पर्यंत १.८५ कोटी प्राप्त झाला होता. सध्या कंपनीचे बाजार भांडवल (Market Capitalisation) हे ५६.८५ कोटी रुपये आहे.
कंपनीने दिलेल्या माहितीनुसार,या आयपीओतील मिळालेल्या निधीचा वापर अथवा विनिमय भांडवली खर्चासाठी,नवीन सामग्री खरेदी करण्यासाठी,थकबाकी चुकवण्यासाठी,व इतर दैनंदिन कामकाजासाठी करण्यात येणार आहे.