भारताच्या हायपरसोनिक ग्लाईड क्षेपणास्त्राच्या चाचण्या प्रगतीपथावर

नवी दिल्ली : 'ऑपरेशन सिंदूर'च्या निमित्ताने भारतीय सैन्याच्या प्रगत तंत्रज्ञानाची पाकिस्तान विरोधात यशस्वी चाचणी झाली. संपूर्ण जग या चाचणीचे साक्षीदार झाले. भारताने १०० तासांच्या हवाई युद्धात पाकिस्तानवर सरशी साधली. पाकिस्तानच्या हवाई संरक्षण यंत्रणेचे नुकसान झाले. या कारवाईची जगाने दखल घेतली. पाठोपाठ डीआरडीओ विकसित करत असलेल्या भारताच्या हायपरसॉनिक ग्लाईड क्षेपणास्त्राबाबतचे वृत्त आले आहे. भारताच्या हायपरसॉनिक ग्लाईड क्षेपणास्त्राच्या चाचण्या प्रगतीपथावर आहेत. डीआरडीओने याबाबत प्रसारमाध्यमांना माहिती दिली आहे.



हायपरसोनिक म्हणजे आवाजाच्या वेगापेक्षा पाचपट जास्त वेग. या प्रचंड वेगाने उडण्यास सक्षम असलेल्या क्षेपणास्त्राचे वैशिष्ट्य म्हणजे ते प्रक्षेपित केल्यानंतर लक्ष्याचा मार्ग शोधत आवश्यकतेनुसार ग्लाईड करत स्वतःच्या मार्गात बदल करण्यास सक्षम आहे. भारत विकसित करत असलेले हायपरसोनिक ग्लाईड क्षेपणास्त्र प्रक्षेपित करण्यास सोपे आहे. शत्रूच्या अनेक प्रकारच्या हवाई संरक्षण यंत्रणेला भेदू शकते. भारताने ओडिशाच्या किनाऱ्यावरील एपीजे अब्दुल कलाम बेटावरून लांब पल्ल्याच्या हायपरसोनिक क्षेपणास्त्राची एक चाचणी काही महिन्यांपूर्वी घेतली आहे. क्षेपणास्त्रात आणखी बदल करुन ते अधिकाधिक प्रभावी आणि संहारक करण्याचे काम सुरू आहे.

भारताने हायपरसोनिक ग्लाईड क्षेपणास्त्रासाठी स्वदेशी इंजिन विकसित केले आहे. या इंजिनच्या मदतीने क्षेपणास्त्र वेगाने लक्ष्यावर हल्ला करण्यास सक्षम आहे. भारताने विकसित केलेले क्षेपणास्त्रासाठीचे इंजिन वेगवेगळ्या आव्हानांना सामोरे जात सलग एक हजार सेकंद कार्यरत राहते हे चाचणीतून सिद्ध झाले आहे. यामुळे क्षेपणास्त्र अधिक प्रभावी करण्यास मदत झाल्याचे डीआरडीओने सांगितले.

याआधी भारताने जमिनीवरुन आणि आकाशातून प्रक्षेपित करता येतील आणि जमिनीवरील तसेच आकाशातील लक्ष्य भेदू शकतील अशा प्रकारची ब्राह्मोस आणि आकाश क्षेपणास्त्र विकसित केली आहेत. सुधारित आवृत्त्यांमुळे ब्राह्मोस हे क्रुझ क्षेपणास्त्र जमिनीखालून, जमिनीवरुन, पाण्याखालून, पाण्यावरुन आणि आकाशातून प्रक्षेपित करत जमिनीखाली, जमिनीवर, पाण्याखाली, पाण्यावर, आकाशात असलेले लक्ष्य पाठलाग करुन नष्ट करू शकते. सुखोई ३० एमकेआय या लढाऊ विमानातून ब्राह्मोस क्षेपणास्त्र प्रक्षेपित करता येते. भारताच्या इतर लढाऊ विमानांतूनही ब्राह्मोस क्षेपणास्त्र प्रक्षेपित करण्याचे तंत्रज्ञान विकसित करण्याचे काम युद्धपातळीवर सुरू आहे. अस्त्र, अस्त्र मार्क २, अस्त्र मार्क ३, रुद्रम २, रुद्रम ३, रुद्रम ४, आधुनिक ड्रोन, टी-७२ अजय टँक आणि टी-९० भीष्म टँक आदी अनेक शस्त्रांची निर्मिती तसेच अनेक शस्त्रांच्या आधुनिकीकरणाचे काम वेगाने सुरू असल्याचेही डीआरडीओने सांगितले.
Comments
Add Comment

लग्नासाठी वेळेवर ब्लाऊज शिवून दिला नाही, टेलरला ७ हजारांचा दंड

अहमदाबाद: अहमदाबादमधील एका टेलरला लग्नाच्या कार्यक्रमासाठी वेळेत ब्लाउज शिवून न दिल्याबद्दल मोठा आर्थिक

तेल आयात सोडा, ट्रम्प यांच्या नाकावर टिच्चून भारताचा रशियाबरोबर विमान निर्मितीचा ऐतिहासिक करार

देशात तयार होणार सुखोई सुपरजेट नवी दिल्ली : गेल्या काही दिवसांपासून अमेरिका आणि भारतामधील व्यापारी संबंध ताणले

चक्रीवादळ 'मोंथा'मुळे देशभरातील हवामान बदलणार

पुढील पाच दिवसांत काही राज्यांना पावसाचा इशारा! मुंबई : बंगालच्या खाडीत उफाळलेलं मोंथा चक्रीवादळ, अरबी

फॉरेन्सिकचं ज्ञान वापरून खून लपवण्याचा प्रयत्न, पण हुशार पोलिसांनी बिंग फोडले!

नवी दिल्ली : यूपीएससीची तयारी करणाऱ्या ३२ वर्षीय तरुणाची त्याच्याच प्रेयसीनं हत्या केल्याचा धक्कादायक प्रकार

पाकिस्तान-अफगाणिस्तानात तणाव असतानाच राष्ट्रपती द्रौपदी मुर्मू घेणार राफेलमधून झेप!

नवी दिल्ली : भारताच्या राष्ट्रपती द्रौपदी मुर्मू उद्या, म्हणजेच २९ ऑक्टोबर २०२५ रोजी, हरियाणातील अंबाला हवाई दल

8th Pay Commission : केंद्रीय कर्मचाऱ्यांसाठी 'बंपर' भेट!; ८वा वेतन आयोग अखेर मंजूर; 'या' तारखेपासून होणार लागू, किमान वेतनात होणार 'इतकी' वाढ!

नवी दिल्ली: केंद्र सरकारने अखेर आज ८ व्या वेतन आयोगाला मंजुरी दिली आहे. यामुळे ५० लाख केंद्रीय सरकारी कर्मचारी