मुंबई: राज्यभरात पावसाने चांगलाच जोर धरला आहे. मुंबई तसेच उपनगरातही रात्रीपासूनच पावसाची जोरदार हजेरी पाहायला मिळत आहे. पुढील ३ ते ४ तासांत मुंबईत मध्यम ते मुसळधार पाऊस कोसळण्याचा अंदाज हवामान खात्याकडून वर्तवण्यात आला.
कल्याण-डोंबिवलीतही जोरदार पाऊस पडत आहे. मुंबई तसेच उपनगरांमध्ये जोरदार पावसाला सुरूवात झाली आहे. दरम्यान, पावसामुळे मध्य रेल्वेची वाहतूक थोडी उशिराने सुरू आहे.
पावसामुळे मुंबईतील काही सखल भागांमध्ये पाणी साचायला सुरूवात केली आहे. दरम्यान, नोकरदार वर्गाने पावसाचा अंदाज घेऊनच घराबाहेर पडावे.
पुण्यातही पावसाला सुरूवात
मुंबईप्रमाणेच पुण्यातही सकाळपासून पावसाला सुरूवात झालीये. अनेक भागात संततधार सुरू आहे. आज पुण्यात दिवसभर पावसाचा इशारा दिला आहे. तसेच घाटमाथ्यावर मुसळधार पाऊस चालू आहे.
मुंबईला ऑरेंज अलर्ट
हवामान विभागाने मुंबईला आज ऑरेंज अलर्ट जारी केला आहे. मुंबईत मुसळधार ते अतिमुसळधार पावसाचा अंदाज हवामान खात्याने वर्तवला आहे.
