मुंबई: दालचिनीला इंग्रजीत सिनॅमन असे म्हणतात. अनेक लोक दालचिनीचा वापर मसाल्यांमध्ये करतात. मात्र तुम्हाला माहीत आहे का की दालचिनीमध्ये मँगनीज, व्हिटामिन के, आर्यन, कॅल्शियम आणि मॅग्नेशियम असते. याशिवाय यात व्हिटामिन ए, व्हिटामिन सी आणि अनेक बी व्हिटामिन्स असतात.
यामुळे पचनसंस्थेत सुधारणा येते. तसेच दालचिनीमुळे मेटाबॉलिज्म बूस्ट होते. ब्लड शुगर नियंत्रणात येण्यास मदत होते. तसेच हृदयाचे आरोग्यही चांगले राहते. सूज कमी होण्यास मदत होते.
दालचिनीमध्ये सूज रोखण्याचे गुण असतात यामुळे शरीराचे अनेक आजारांपासून रक्षण होण्यास मदत होते. तसेच पेशींना बळ देण्याचे कामही होते.
दालचिनीमध्ये पॉलिफेनॉलसह अनेक अँटीऑक्सिडंट असतात. अँटीऑक्सिडंट तुमच्या शरीराला मुक्त कणांपासून होणाऱ्या ऑक्सिडेटिव्हपासून बचाव करतात.
रिसर्चनुसार, दालचिनीच्या १.५ ग्रॅमचे दररोज सेवन केल्यास मेटाबॉलिक डिसीज जसे ट्रायग्लिसराईड, टोटल कोलेस्ट्रॉल, खराब कोलेस्ट्रॉल आणि ब्लड शुगरचा स्तर कमी होण्यास मदत मिळते.
दालचिनीचे सेवन केल्यास हृदयरोगाची जोखीम कमी होण्यास मदत होते. दालचिनीचे सेवन तुम्ही कसेही करू शकता. सकाळी रिकाम्या पोटी दालचिनीचे पाणी उकळून प्यायल्याने फायदा होते. यासाठी तुम्ही दालचिनीचा तुकडा अथवा त्याची पावडर पाण्यात उकळून चहाप्रमाणे पिऊ शकता.