घरी कुणाची आजारी आई, तर कुणाचे लहान बाळ... तरी २४ तास लॅबमध्येच! फॉरेन्सिक तज्ञांची कर्तव्यदक्षता पणाला

विमान अपघातातील मृतांची ओळख पटवण्यासाठी फॉरेन्सिक टीमचे समर्पण


अहमदाबाद: विमान अपघाताची चौकशी फॉरेन्सिक तज्ज्ञांकडून केली जात आहे.  विमान अपघातातील मृतांची ओळख पटवण्यासाठी आणि त्यांचा मृतदेह कुटुंबियांकडे सुपूर्द करण्यासाठी फॉरेन्सिक टीमने दिवसरात्र एकत्र केली आहे. ३६ लोकांच्या या टीमने गेले दोन दिवस लॅबमध्ये अक्षरशः स्वतःला वाहून घेतले असल्याची माहिती समोर आली आहे. विमान अपघातात मृत्युमुखी पडलेल्या प्रवाशांच्या मृतदेहांची अवस्था इतकी वाईट आहे की, त्यांची ओळख पटण्यासाठी नातेवाईकांचा डीएनए घेतला जात आहे. ही प्रक्रिया देखील इतकी क्लिष्ट आहे की, यामध्ये थोडासाही विलंब झाला तर पुरावा नष्ट होण्याची दाट शक्यता आहे. ज्यामुळे फॉरेन्सिक तज्ञांची कर्तव्यदक्षता आता पणाला लागली आहे. (Dedication of FSL Forensic Experts)


गुरुवारी झालेल्या विमान आपघातानंतर, दुसऱ्या दिवशी घटनास्थळाहून आतापर्यंत एकूण २७० जणांचे मृतदेह आढळून आले. ज्यामध्ये विमानाचे प्रवासी तर आहेच त्यासोबत विमान जिथे कोसळले त्या बीजे मेडिकल कॉलेजच्या डॉक्टरांचादेखील समावेश आहे. हा अपघात इतका भीषण होता की, यात मृत पावलेल्या लोकांची ओळख पटवणे डॉक्टरांसाठी एक मोठे आव्हानच बनले आहे.  उच्च तापमानामुळे पुरावे नष्ट होण्याचा धोका आहे, ज्यामुळे वेगाने काम करणे आवश्यक असल्याचे तज्ज्ञांकडून सांगितले जात आहे. आतापर्यंत २५० हून अधिक मृतांच्या नातेवाईकांकडून डीएनए नमुने घेण्यात आले असून, मृतदेहासोबत त्यांचे डीएनए टेस्ट केले जात आहेत. येत्या काही दिवसांत सर्व मृतदेहांची ओळख पटवण्यासाठी फॉरेन्सिक टीममधला प्रत्येकजण सचोटीने आपले कार्य करत आहे. त्यामुळे त्यांच्या कार्याचे  कौतुक केले जात आहे. या संदर्भात सोशल मिडियावर एक पोस्ट व्हायरल होत आहे, ज्यामध्ये फॉरेन्सिक टीममधील काही लोकांच्या समर्पणाची माहिती शेअर केली आहे.






या पोस्टद्वारे एफएसएल फॉरेन्सिक तज्ञांच्या समर्पणाचे कौतुक केले आहे. यात असे म्हंटले आहे की, "३६ समर्पित फॉरेन्सिक तज्ञांच्या टीमने केलेले त्यांचे वैयक्तिक बलिदान खरोखरच उल्लेखनीय आहे. असेच एक उदाहरण म्हणजे एका फॉरेन्सिक तज्ञाची आई ज्याची आई सध्या तिच्या आयुष्याची झुंज देत आहे, तिचे हृदय पूर्णतः निकामी झाले असून, फक्त २०% हृदय कार्यरत आहे, तिच्यावर तातडीने शस्त्रक्रिया करण्याची गरज आहे. असे  असूनही, ही तज्ञ डीएनए चाचणी प्रयत्नांसाठी वचनबद्ध आहे. शिवाय, टीममधील ८ महिला तज्ञ आहेत जी ३ वर्षे किंवा त्यापेक्षा कमी वयाच्या मुलांच्या माता आहेत. त्यांच्या लहान मुलांची काळजी घेण्याच्या आव्हानांना न जुमानता, त्यांनी त्यांच्या कुटुंबाच्या गरजा बाजूला ठेवून या महत्त्वाच्या कामावर लक्ष केंद्रित केले आहे. त्यांची निस्वार्थीपणा आणि कर्तव्याप्रती समर्पण त्यांच्या व्यावसायिकता आणि करुणेचा पुरावा आहे. आम्ही या अज्ञात नायकांना सलाम करतो जे त्यांच्या वैयक्तिक संघर्षांना न जुमानता, या दुर्घटनेने प्रभावित कुटुंबांना मदत करण्यासाठी दिवसरात्र अथक परिश्रम करत आहेत.


आपल्या व्यक्तिगत अडचणी बाजुला ठेवून फॉरेन्सिक टीममधील तज्ञा  विमान आपघातातील मृतांच्या नातेवाईकांच्या समस्या आणि वेदना सोडवण्यात व्यस्त आहे.  माणुसकी आणि कर्तव्याला जागणाऱ्या या फॉरेन्सिक अधिकाऱ्यांचे समर्पण किती मोठे आहे, हे यामधून समजते.

Comments
Add Comment

तरुणांसाठी ६२,००० कोटी रुपयांची मोठी योजना; मोदी आज करणार सुरू

नवी दिल्ली: पंतप्रधान नरेंद्र मोदी आज देशातील तरुणांना कौशल्ये, शिक्षण आणि रोजगार (Skilling, education, and employment) देण्यासाठी अनेक

सावधान! भारतात ५० लाखांहून अधिक लोकांना चिकनगुनियाचा मोठा धोका

नवी दिल्ली: डासांमुळे होणाऱ्या चिकनगुनिया नावाच्या एका व्हायरल आजाराने भारतात सुमारे ५१ लाख (५.१ दशलक्ष) लोकांना

१,२०० कोटींच्या गोवा जमीन घोटाळ्यात शिवशंकर मायेकरला ED कडून अटक

नवी दिल्ली: सक्तवसुली संचालनालयाने (ED) आज सांगितले की, यशवंत सावंत आणि इतरांशी संबंधित असलेल्या जमीन

दहशतवाद्यांचा 'धर्म' नाही, आम्ही दहशतवादाला मारलं: राजनाथ सिंह यांचा सर्जिकल स्ट्राईकवर जोर

नवी दिल्ली: संरक्षण मंत्री राजनाथ सिंह यांनी आज २०१६ चा सर्जिकल स्ट्राईक, २०१९ चा बालाकोट हवाई हल्ला आणि ऑपरेशन

अरबी समुद्रात धडकणार शक्ती चक्रीवादळ, सतर्कतेचा इशारा

मुंबई : अरबी समुद्रात तयार झालेले कमी दाबाचे क्षेत्राने आता वादळाचे रूप धारण केले आहे. येत्या २४ तासात हे

Madhya Pradesh : कफ सिरप नाही, विष! औषधामुळे ११ चिमुकल्यांचा दुर्दैवी मृत्यू; मध्य प्रदेश-राजस्थान हादरले, दोन्ही सिरपवर तात्काळ बंदी

मध्य प्रदेश : मध्य प्रदेश आणि राजस्थानमधील सरकारी आरोग्य केंद्रांमधून वाटण्यात येत असलेल्या एका कफ सिरपमुळे (Cough