८८ वर्षीय वडिलांवर दुःखाचा डोंगर
अहमदाबाद : अहमदाबादहून लंडनला जाणाऱ्या अपघातग्रस्त विमानाचे कॅप्टन सुमीत सभरवाल यांची निवृत्त होऊन वडिलांची सेवा करण्याची इच्छा होती. मात्र, त्यांची ही शेवटची इच्छा अपूर्णच राहिली. गुजरातमधील अहमदाबाद येथे काल (१२ जून) झालेल्या एअर इंडियाच्या विमान अपघातात २६५ जणांचा मृत्यू झाला आहे. यात विमानातील २४१ प्रवासी तर विमान ज्या भागात कोसळलं तिथल्या २४ जणांचा मृत्यू झाला. यावेळी विमानात १० केबिन क्रू मेंबर्ससह एकण २४२ प्रवासी होते. अपघातात विमानातील फक्त एक प्रवासी वाचला, उर्वरित सर्वांचा मृत्यू झाला.
अहमदाबाद : गुजरातमधील अहमदाबाद येथे काल (१२ जून) झालेल्या एअर इंडियाच्या विमान अपघातात २६५ जणांचा मृत्यू झाला आहे. यात विमानातील २४१ प्रवासी तर विमान ...
मोठं संकट
अहमदाबादमध्ये गुरुवारी झालेल्या विमान अपघातात २६५ जणांचा मृत्यू झाल्याचे पोलिसांनी सांगितले. विमान शहरातील कमी लोकवस्तीच्या भागात पडले. याउलट दाट लोकवस्तीत पडले असते तर मृतांचा आकडा एकदम वाढला असता, असे तज्ज्ञ सांगत आहेत. अनियंत्रित होत असलेले विमान दाट लोकवस्ती ऐवजी विरळ लोकवस्तीच्या भागात पडावे यासाठी मुख्य वैमानिक सुमीत सभरवाल यांनी प्रयत्न केले. यामुळे मोठी जीवितहानी टळली आहे. विमानातील यंत्रणां बंद पडल्या आणि उड्डाणानंतर अवघ्या काही सेकंदात विमान पडले. मिळालेल्या मर्यादीत वेळेत विमान शक्य तेवढे वळवून कमीत कमी वस्ती असलेल्या भागाकडे नेण्याची खबरदारी घेऊन मुख्य वैमानिक सुमीत सभरवाल यांनी त्यांचे कर्तव्य प्रामाणिकपणे पूर्ण केले. या प्रयत्नात त्यांनी प्राण गमावले. पण तज्ज्ञ सबरवाल यांनी घेतलेल्या खबरदारीसाठी त्यांचे कौतुक करत आहेत.
वडिलांना मोठा धक्का
पवईच्या जलवायू विहारमध्ये राहणारे सुमीत सभरवाल राहत होते. सुमीत सभरवाल यांचे ८८ वर्षीय वडील या अपघाताची माहिती कळल्यानंतर हादरून गेले आहेत. विमान उड्डाण करायला तासभर असताना त्यांनी वडिलांना फोन केला होता. लंडनला पोहोचल्यावर फोन करतो, तोवर काळजी घ्या असेही सांगितले होते. त्यांच्या अपघाती मृत्यूनंतर वडिलांनी ही आठवण सांगितली. सुमीत सभरवाल यांच्या गाठीशी ८२०० तासांचा उड्डाणाचा अनुभव होता. त्यांच्या आईचे २ वर्षांपूर्वी निधन झाले होते. त्यानंतर वडिलांचा सांभाळ करण्याची जबाबदारी सुमीत यांच्यावर होती. सभरवाल अविवाहित होते. अशी माहिती आमदार दिलीप लांडे यांनी दिली.
अन्य क्रू मेंबरमध्ये कोण?
या अपघातात क्रू मेंबर अपर्णा महाडिक यांचाही अपघाती मृत्यू झाला आहे. त्या गेली १० वर्षे हवाईसुंदरी म्हणून कार्यरत होत्या. अपर्णा महाडिक या ४० वर्षांच्या होत्या. त्यांना ९ वर्षांची मुलगी आहे. खासदार सुनील तटकरे यांच्या भाच्याच्या त्या पत्नी होत्या. महाडिक यांचे पती एअर इंडियामध्ये कार्यरत आहेत. त्या गोरेगाव येथे राहायच्या. त्यांना एक मुलगी आहे. तर विमानाचे फर्स्ट ऑफिसर क्लाइव्ह कुंदर बोरिवलीमध्ये राहायचे. ते अभिनेता विक्रांत मॅस्सीचे भाऊ होते.