मुंबई: बिझनेसमन आणि अभिनेत्री करिश्मा कपूरचे एक्स पती संजय कपूर यांचे गुरूवारी रात्री इंग्लंडमध्ये हृदयविकाराच्या झटक्याने निधन झाले. ते ५३ वर्षांचे होते. या धक्कादायक बातमीनंतर करिश्माची बहीण करीना कपूर, सैफ अली खान आणि जवळची मैत्रीण मलायका अरोरा रात्री उशिरा करिश्माच्या घरी पोहोचले आणि तिचे सांत्वन केले.
करीना आणि सैफ करिश्माच्या घरी
संजय कपूर यांच्या निधनाची बातमी मिळताच करीना कपूर आपला पती सैफ अली खानसोबत गुरूवारी रात्री उशिरा करिश्माच्या मुंबई येथील घरी गेले. करीना आणि सैफ यांच्या चेहऱ्यावर दु:ख दिसत होते. दरम्यान, करिश्मा कपूरने अद्याप एक्स पतीच्या निधनाबाबत कोणतेही विधान केलेले नाही.
मलायका आणि अमृताही करिश्माच्या घरी गेले
यातच मलायका अरोरा आणि अमृता अरोरा या दोघीही करिश्माच्या घरी दिसल्या. अमृताचे पती शकील लदाकही तिच्यासोबत होते.
संजय कपूर यांचे हृदयविकाराच्या झटक्याने निधन
मिडिया रिपोर्टनुसार, पोलो खेळताना संजय कपूर यांचे हृदयविकाराच्या झटक्याने निधन झाले. या बातमीला सुहेल सेठ यांनी दुजोरा दिला
२०१६मध्ये झाला होता करिश्मा-संजय कपूर यांचा घटस्फोट
संजय आणि करिश्मा यांनी २००३मध्ये लग्न केले होते. त्यानंतर २०१६मध्ये त्यांचा घटस्फोट झाला. करिश्मा २०१०मध्ये दिल्ली येथून आपल्या घरी मुंबईला आली होते. येथे तिचा मुलगा कियानचा जन्म झाला. २०१४मध्ये दोघांनी आपले नाते संपुष्टात आणण्याचा निर्णय घेतला. यानंतर संजयने प्रिया सचदेवशी लग्न केले. त्यांना एक मुलगा आहे.