शॉक लागल्यामुळे १३ वर्षांच्या मुलीचा तडफडून मृत्यू

रत्नागिरी : राजापूर तालुक्यातील धाऊलवल्ली येथे शॉक लागून १३ वर्षांच्या स्वरांगी गिजमचा तडफडून मृत्यू झाला. जेव्हा ही घटना घडली त्यावेळी स्वरांगी घरात एकटी होती. स्वरांगीच्या घरातील सर्व सदस्य वेगवेगळ्या कामांच्या निमित्ताने बाहेर होते. एकटी असलेली स्वरांगी टेबल फॅन सुरू करुन वारा व्यवस्थित यावा यासाठी अॅडजस्ट करत होती. नेमक्या त्याचवेळी शॉक लागला आणि स्वरांगीचा मृत्यू झाला. टेबल फॅनची वायर शॉर्ट झाल्यामुळे ही दुर्दैवी घटना घडली.

स्वरांगी धाऊलवल्ली येथील आनंदीबाई गोखले विद्यालयात शिकत होती. स्वरांगीच्या पश्चात मोठी बहीण आई वडील असा परिवार आहे.

शॉक लागून घरात एक मृत्यू झाल्याची माहिती मिळताच पोलीस घटनास्थळी पोहोचले. पंचनामा करण्यात आला. घटनेची नोंद नाटे सागरी पोलीस ठाण्यात करण्यात आली.