घणसोलीच्या गवळीदेव परिसरात पर्यटनाला बंदी

विकासकामांमुळे प्रशासनाचा निर्णय; पर्यटकांमध्ये नाराजी


वाशी : नवी मुंबई महापालिकेच्या वतीने गवळीदेव परिसराचा विकास करण्यात येत आहे. त्यामुळे गवळीदेव परिसरात पर्यटनाला बंदी घालण्यात आली आहे. प्रशासनाच्या निर्णयामुळे पर्यटकांमधून नाराजी व्यक्त करण्यात येत आहे.



फेसाळलेला धबधबा, हिरवाईने नटलेला डोंगर असे वर्णन गवळीदेव परिसराचे केले जाते. घणसोली शहराच्या पूर्व सीमेवर कल्याण आणि नवी मुंबईच्या मध्यभागी ‘घणसोलीचा वॉटरफॉल’ म्हणजेच ‘गवळीदेव धबधबा’ पर्यटनस्थळ मागील अनेक वर्षांपासून पर्यटकांना आकर्षित करीत आहे. गवळीदेव धबधब्याला येथील नागरिक ‘घणसोली टेकडी’ही म्हणतात. एका बाजूला औद्योगिक परिसर असल्याने या ठिकाणी धबधबा असेल, असे कुणाला वाटणारही नाही; मात्र हा डोंगर जसजसे आपण वर चढत जातो, तसतशी येथील निसर्गसौंदर्याने नटलेल्या वनराईचे दर्शन होत जाते. काहीसा डोंगर चढल्यानंतर समोर दिसतो तो उंच कड्यावरून कोसळणारा फेसाळलेला धबधबा. या धबधब्यावर येण्याची सर्वोत्तम वेळ पावसाळ्यात असते. अन्यथा, इतर ऋतुमध्ये हा धबधबा एक शांत टेकडी म्हणून ओळखली जाते. हिवाळा आणि उन्हाळ्यात सभोवतालचे जंगल क्षेत्र फिरता येऊ शकते.


गवळीदेव पर्यटनस्थळाचा विकास अनेक वर्षांपासून रखडला होता. अखेर वनविभागाच्या सहकार्याने नवी मुंबई महापालिकेच्या माध्यमातून या परिसराचा विकास करण्याचे काम मागील काही दिवसांपासून सुरू आहे. पालिकेने या आधी गवळीदेव पर्यटनस्थळाच्या ठिकाणी प्रवेशद्वार, दीपस्तंभ उभे केले आहे; मात्र आता पालिकेकडून गवळीदेव पर्यटनस्थळाच्या ठिकाणी स्वच्छतागृहे, पाण्याची व्यवस्था, डोंगर कड्यांना संरक्षण कठडे, डोंगर माथ्यावर चढण्यासाठी आकर्षक पायऱ्या, विहिरी, तलावांची स्वच्छता, पर्यटन विश्रांती कक्ष, थकलेल्या पर्यटकांसाठी आणि निसर्गाचा आस्वाद घेण्यासाठी बसण्याची व्यवस्था, पक्षीप्रेमींसाठी माहिती फलक, पथदिवे, कचराकुंडी, ठिकठिकाणी देखभाल दुरुस्ती करण्यात येणार आहे. या ठिकाणी पालिकेकडून ही कामे प्रगतिपथावर सुरू आहेत.

Comments
Add Comment

Navi Mumbai Vashi Fire : नवी मुंबईत दिवाळीच्या रात्री 'अग्नितांडव'! वाशी-कामोठ्यात दोन मोठ्या दुर्घटना; ६ वर्षांच्या चिमुकलीसह चौघांचा बळी, माय-लेकीचाही अंत!

नवी मुंबई : नवी मुंबईतील वाशी परिसरामध्ये सेक्टर १४ मधील एम. जी. कॉम्प्लेक्समधील रहेजा रेसिडन्सी या निवासी

खारघर, तळोजा परिसरातील जलपुरवठा होणार सुरळीत

सिडकोकडून नागरिकांना िदलासादायक निर्णय खारघर  : खारघर आणि तळोजा परिसरातील वाढत्या पाणीटंचाईच्या

नवी मुंबईतील १३रेल्वे स्थानके म. रे. कडे जाण्याची शक्यता

मध्य रेल्वे (म.रे) मार्गावरील हार्बर मार्गिकेची स्थानकांच्या देखभाल आणि दुरुस्तीवरून सिडको आणि रेल्वे

महावितरणच्या संपाला नवी मुंबईतील ८० टक्के कर्मचाऱ्यांचा पाठिंबा

नवी मुंबई (प्रतिनिधी) : खासगीकरण आणि फेररचनेच्या मुद्द्यांवर संयुक्त कृती समितीने आंदोलन पुकारले आहे. या

मोदींच्या हस्ते नवी मुंबई आंतरराष्ट्रीय विमानतळाचे उद्घाटन

नवी मुंबई : पंतप्रधान नरेंद्र मोदी यांच्या हस्ते नवी मुंबई आंतरराष्ट्रीय विमानतळाचे उद्घाटन झाले. मोदींनी बटण

Navi Mumbai International Airport: नवी मुंबई आंतरराष्ट्रीय विमानतळाचे उद्घाटन ८ ऑक्टोबर रोजी होणार, जागांच्या किंमतीवर 'अशाप्रकारे' परिणाम होणार

नवी मुंबई:बहुप्रतिक्षित नवी मुंबई आंतरराष्ट्रीय विमानतळ (NMIA) चे उद्घाटन ८ ऑक्टोबर २०२५ रोजी पंतप्रधान मोदी