वडाच्या झाडाचे प्रतीकात्मक चित्र रेखाटून पूजन
ठाणे :वटपौर्णिमेच्या निमित्ताने पतीच्या दीर्घायुष्याची प्रार्थना करणाऱ्या सुहासिनींनी यंदा पर्यावरण रक्षणाचा मंत्र हृदयात बाळगून एक अभिनव संकल्प केला आहे. दरवर्षी वडाच्या फांद्या कापून पूजा करण्याऐवजी, यंदा त्या वडाच्या झाडाचे प्रतिकात्मक चित्र रेखाटून पूजन करणार आहेत.
तिसरा व अंतिम लकी ड्रॉ आज काढणार मुंबई : महावितरणच्या लकी डिजिटल ग्राहक योजनेचा तिसरा व अंतिम लकी ड्रॉ ऑनलाईन पद्धतीने दि. १० जून रोजी काढण्यात येणार ...
या उपक्रमामुळे झाडांच्या फांद्या तोडण्याची गरजच उरणार नाही. परिणामी, वड वृक्षाचं रक्षण होणार असून, पर्यावरणसंवर्धनात महिलांचा ‘खारीचा वाटा’ अधिक ठळकपणे समोर येणार आहे.
शहरीकरणाच्या वाढत्या लाटेत ठाणे शहरात वड, पिंपळ आणि उंबर यासारखी स्थानिक झाडं जवळजवळ अदृश्य होऊ लागली आहेत. परिणामी, महिलांना वटपौर्णिमेला पूजनासाठी झाडाच्या फांद्या तोडाव्या लागतात, ज्यामुळे झाडांना इजा पोहचते.
या पार्श्वभूमीवर, यंदा अनेक महिलांनी पर्यावरणपूरक वटपौर्णिमा साजरी करण्याचा निर्धार केला आहे. काहींनी प्रतिकात्मक वडाच्या झाडाचं चित्र रेखाटण्याचा, तर काहींनी रंगवलेले पोस्टर तयार करून पूजन करण्याचा मार्ग स्वीकारला आहे. या उपक्रमामागे पर्यावरणप्रेमी आणि सजग नागरिकांचा सक्रिय सहभाग असून, श्रद्धा जपणारा हा उपक्रम भविष्यासाठी मार्गदर्शक ठरेल.
