प्रतिनिधी: रिझर्व्ह बँक ऑफ इंडिया (RBI) ने शुक्रवारी रेपो दरात (Repo Rate ) दरात कपात केल्यानंतर आता त्याचा परिणाम बँकेच्या धोरणात्मक निर्णयांवर दिसून येत आहे. नुकत्याच मिळालेल्या माहितीनुसार, बँक ऑफ बडोदा (Bank of Baroda) ने आपल्या कर्जदरात (Lending Rate) ५० बेसिस पूर्णांकाने (50 Basis Points) कपात केली आहे. त्यामुळे आता बँक ऑफ बडोदाकडून कर्जावरील व्याजदरात कपात होणार आहे. त्यामुळे सर्वसामान्य कर्जदारांना मासिक हप्ता (EMI) मध्ये कटोती होणार आहे. याशिवाय एचडीएफसी बँकेने आपल्या मार्जिनल दर (Marginal Rates) मध्ये १० बेसिस पूर्णांकाने घट केल्याने त्याचा मोठा लाभ गृहकर्जधारक व इतर कर्जधारकांना मिळू शकतो.
याआधी पंजाब नॅशनल बँक (PNB) ने देखील ५० बेसिस पूर्णांकाने आपल्या कर्जदरात ५० बेसिस पूर्णांकाने घट केली होती. एचडीएफसीने दिलेल्या अधिकृत माहितीनुसार, जून ७ पासून एमसीएलआर (MCLR) चे नवे दर लागू झाले आहेत. त्यामुळे व्याजदर ढोबळमानाने ८.९० टक्क्यावर पोहोचले आहेत. दोन वर्ष व त्यापुढील वर्षासाठी ९.१० टक्क्यांवर व्याजदर पोहोचू शकतो.
यापूर्वी आरबीआयने अपेक्षित २५ बेसिस पूर्णांकाने रेपो दरात कपात न करता ०.५० टक्क्याने कमी केल्याने बाजारात मोठ्या प्रमाणात तरलता (Liquidity) वाढू शकते. त्यातूनच चलन पुरवठ्यात वाढ झाल्याने कर्जाबरोबरच अर्थव्यवस्थेला त्याचा फायदा मोठ्या प्रमाणात होऊ शकतो. आरबीआयच्या सहा सदस्यीय समितीने बहुमताने दरात कपात करण्याचा रक्कम घेतला. त्यामुळे आता ६ टक्क्यांवरून रेपो दरात ५.५० टक्क्यांवर घट झाली आहे.
तसेच कॅश रिझर्व्ह रेशोमध्ये १०० बेसिस पूर्णांकाने कपात करून तो ३ टक्क्यांपर्यंत कमी केला ज्यामुळे आता बँकिंग व्यवस्थेत आधीच असलेल्या अतिरिक्त तरलतेत २.५ लाख कोटी रुपयांची भर पडली आहे.