साखरपुड्याच्या आधी रिंकूने परिवारासोबत बुलंदशहरमधील चौधेरा वाली विचित्र देवी मंदिरात जाऊन आशीर्वाद घेतला. रिंकू आणि प्रिया यांचे प्री–एंगेजमेंट फोटोशूट झाले. ते सोशल मीडियात शेअर करण्यात आले. ठरलेल्या वेळी रिंकू आणि प्रिया छान तयार होऊन सभागृहात आले.
साखरपुड्यासाठी रिंकूने क्लासिक पांढरी शेरवानी आणि प्रियाने गुलाबी रंगाची लेहंगा परिधान केला होता. मान्यवरांच्या उपस्थितीत भारतीय क्रिकेटपटू रिंकू सिंह आणि समाजवादी पक्षाच्या खासदार प्रिया सरोज यांनी एकमेकांना अंगठ्या घातल्या. याप्रसंगी प्रियाच्या डोळ्यात आनंदाश्रू दिसले. रिंकूनं प्रियाला अडीच लाख रुपयांची अंगठी घातली. रिंकू-प्रियाचे लग्न १८ नोव्हेंबर २०२५ रोजी वाराणसीत होणार आहे.
रिंकू आणि प्रियाच्या साखपुड्यासाठी आले मान्यवर
रिंकू आणि प्रियाच्या साखपुड्याला समाजवादी पक्षाचे अध्यक्ष अखिलेश यादव, डिंपल यादव, जया बच्चन, इकरा हसन, राम गोपाल यादव यांच्यासह अनेक मोठे नेते उपस्थित होते.