प्रहार    

पोलादपूर तालुक्यात पर्यावरण दिन ठरला ‘प्रदूषण दिन’

  47

पोलादपूर तालुक्यात पर्यावरण दिन ठरला प्रदूषण दिन

खासगी ठेकेदार नेमल्याने हातरिक्षा चालकांचे आर्थिक नुकसान


पोलादपूर : जगभरात ५ जूनचा दिवस हा पर्यावरण दिन म्हणून साजरा होत असताना पोलादपूर तालुक्यात मात्र प्रदूषण दिन ठरला आहे. शिवराजधानी रायगडावर राज्याभिषेक दिनाच्या नियोजनबद्ध वर्धापन दिनासाठी पोलादपूर तालुक्यातील प्रशासन तत्परतेने रवाना झाले असताना प्रदूषणकारी असामाजिक तत्त्वांनी पोलादपूर तालुक्यात कापडे बुद्रुक व वाकण खांबेश्वरवाडी दरम्यान रसायनयुक्त सांडपाणी आणि आंबेनळी घाटातील कुंभळवणे फाट्याजवळ संरक्षक कठड्यालगत सुमारे हजारभर रासायनिक घनकचऱ्याची पोती उघड्यावरच टाकण्यात आल्याचे उघडकीस आले आहे.


चार वर्षांपूर्वी पोलादपूर तालुक्यातील कशेडी घाटालगत रासायनिक सांडपाणी टाकण्याचे प्रकार सातत्याने घडत असताना आता प्रदूषणकारी असमाजिक तत्त्वांनी आता पोलादपूर तालुक्यातील वाकण खांबेश्वरवाडीतील नदीपात्रालगत मोठ्या प्रमाणात रासायनिक सांडपाणी सोडल्याचे जागतिक पर्यावरण दिनी उघडकीस आले. यावेळी वाकण ग्रुपग्रामपंचायतीचे सरपंच जंगम यांनी दूषित पाण्याचे नमूने तपासण्यासाठी प्राथमिक आरोग्य केंद्र पितळवाडीकडे सोपविण्यात आले असून या पाण्याच्या नमून्यांचा पिण्यायोग्य आहे अथवा कसे याबाबतचे अहवाल प्राप्त झाल्यानंतर पाण्याचा पिण्यासाठी वापर करावा अथवा नाही याबाबत निर्णय घेतला जाईल, अशी माहिती दिली.



पोलादपूर तालुक्यातील विविध नळपाणीपुरवठा योजनांच्या जॅकवेल नदीपात्रालगत असून काही विंधन विहिरींच्या पाण्यासही रासायनिक सांडपाण्याचा रंग आणि गंध तसेच चव येत असल्याने हे दूषित पाणी नागरिकांच्या आरोग्यास हानीकारक असण्याची शक्यता निर्माण झाली आहे. पोलादपूर तालुक्यातील पोलादपूर वाई सुरूर रस्त्यावरील आंबेनळी घाटाच्या कुंभळवणे फाट्याजवळ संरक्षक कठड्यालगत दरीच्या बाजूला सुमारे हजारभर रासायनिक घनकचऱ्याची पोती उघड्यावरच टाकण्यात आली असून यामध्ये रिऍक्टरमधील ऍश म्हणजेच राख असण्याची शक्यता आहे.


पोलादपूर पोलिसांसमोर आव्हान


शिवराजधानी रायगडावर राज्याभिषेक दिनाच्या नियोजनबद्ध वर्धापन दिनासाठी पोलादपूर तालुक्यातील पोलीस, महसूल, आरोग्य व पंचायत समितीतील प्रशासन तत्परतेने रवाना झाले असताना पर्यावरण दिनाला प्रदूषण दिनामध्ये बदलणाऱ्या या केमिकल वेस्ट डिस्ट्रॉयर्सना शोधून कडक कारवाई करण्याचे आता पोलादपूर पोलिसांसमोर आव्हान उभे राहिले असून प्रशासनानेही नागरिकांच्या जीविताशी खेळणाऱ्या या प्रदूषणकारी समाजकंटकांविरुद्ध
कडक कारवाईचे हत्यार उपसण्याची गरज स्पष्ट झाली आहे.

Comments
Add Comment

जिल्ह्यातील परहूर गावात नवीन कारागृहाची उभारणी

हिराकोट किल्ल्यातील कारागृहात कैद्यांना अडचणींचा करावा लागतोय सामना अलिबाग : रायगड जिल्ह्याचे मुख्यालय

गणेशोत्सवाच्या पार्श्वभूमीवर अन्न-औषध प्रशासन सज्ज

खाद्य रंगांसह वर्तमानपत्रांचाही वापर न करण्याच्या व्यावसायिकांना सूचना अलिबाग : गणेशोत्सवाच्या

अलिबाग तालुक्यात स्मार्टमीटर बसविण्याला वेग

१५ हजारांहून अधिक मीटर बदलले ग्राहकांना वीजबिलात घट होण्याची शक्यता अलिबाग : विविध राजकीय पक्षांसह वीज

नगरपालिकेत समाविष्ट होण्यास वरसोली ग्रामपंचायत उत्सुक

कुरूळ ग्रामपंचायत अनुत्सुक; हद्दवाढीबाबत मागविल्या हरकती अलिबाग : नगरपालिकेच्या हद्दीलगतच्या

Accident News: किल्ले रायगडाच्या पायथ्याशी एस. टी. बसेसची भीषण धडक, दोन चालकांसह ९ प्रवासी जखमी

महाड: महाड एसटी बस आगारातून सुटलेली महाड सांदोशी आणि माणगाव वरून आलेली माणगाव किल्ले रायगड या दोन एस. टी. बसेसची

स्मार्ट मीटरची जबरदस्ती झाल्यास गुन्हे

कर्जत : कर्जत तालुक्यात वारंवार वीजपुरवठा खंडित होत असतो. या समस्येबाबत शनिवारी ‘कर्जत तालुका वीज ग्राहक संघर्ष