प्रहार    

Mahua Moitra Ties The Knot : दोन नेते जर्मनीत भेटले अन् गुपचूप विवाहबंधनात अडकले

  60

Mahua Moitra Ties The Knot : दोन नेते जर्मनीत भेटले अन् गुपचूप विवाहबंधनात अडकले

गेल्या काही दिवसांपासून अभिनेत्री शिवांगी वर्मा आणि ७० वर्षीय अभिनेता गोविंद नामदेव यांचा विवाह जोरदार चर्चेत होता. मात्र आता आम्ही तुम्हाला अशा एका लग्नाची गोष्ट सांगणार आहोत की त्याने तुम्ही थक्क व्हाल. हे दोन्ही राजकारणी भारतीय आहे, मात्र लग्नाचा बार उडवून दिलाय तो जर्मनीत. तर चला जाणून घेऊया कोण आहेत हे राजकारणातले दोन चेहरे.



कोंबडा झाकला तरी आरवायचा राहत नाही. तसंच काहीसं या गुपचूप केलेल्या लग्नाबाबत होतं. तृणमूल काँग्रेसच्या फायरब्रँड समजल्या जाणाऱ्या नेत्या आणि खासदार महुआ मोईत्रा पुन्हा एकदा जोरदार चर्चेत आहेत. यावेळी त्यांनी केंद्रावर किंवा राजकीय घडामोडींवर भाष्य केलेलं नाही. हो, तुम्हाला आता उत्सुकता लागली असेलच. सांगतो. खासदार महुआ मोईत्रा यांनी बिजू जनता दलाचे नेते पिनाकी मिश्रा यांच्याशी लग्नगाठ बांधलीय. बरं का, हा विवाहसोहळा भारतात नव्हे तर चक्क जर्मनीत पार पडलाय. अतिशय खासगीत हा विवाहसोहळा संपन्न झाला. या विवाहाचे फोटो आता व्हायरल होत आहेत. व्हायरल झालेल्या फोटोत महुआ गोल्ड आणि हलक्या गुलाबी रंगाच्या साडीत, तर पिनाकी पारंपरिक पोशाखात दिसत आहेत. दोघांनीही एकमेकांचा हात धरलाय आणि त्यांच्या चेहऱ्यावर आनंद ओसंडून वाहत आहे.



सद्या दोघांनीही लग्नाबाबत भाष्य केलेलं नाही. पिनाकी मिश्रा हे बिजू जनता दलाचे नेते. ते ओडिशातील पुरी लोकसभा मतदारसंघाचे खासदार आहेत. हेच पिनाकी मिश्रा सर्वोच्च न्यायालयाचे वकीलही आहेत. त्यांची पहिली पत्नी संगीता मिश्रा आणि त्यांच्यातील नातंही संपुष्टात आल्याची चर्चा आहे. पिनाकी मिश्रा यांची कंपनी हॉटेल क्षेत्रात कार्यरत आहे. मिश्रा हे २०१४ मधील देशातील सर्वात श्रीमंत खासदार होते.


पिनाकी मिश्रा आणि महुआ मोईत्रा या दोघांचेही हे दुसरे लग्न आहे. महुआ मोईत्रा यांचं पहिलं लग्न डॅनिश फायनान्सर लार्स ब्रॉर्सन यांच्याशी झालं होतं. मात्र ते जास्त दिवस टिकलं नाही. मोईत्रा यांचा जन्म १२ ऑक्टोबर १९७४ रोजी आसामध्ये झाला होता. त्यांनी इन्वेस्टमेंट बँकर म्हणून करियरची सुरुवात केली होती. मात्र २०१० मध्ये त्यांनी ममता बॅनर्जी यांच्या टीएमसीमध्ये प्रवेश केला. खासदार महुआ मोईत्रा यांनी जर्मनीत गुपचूप लग्न करून सगळ्यांना आश्चर्याचा धक्का दिलाय. राजकारणातले हे दोन दिग्गज आता एका नव्या प्रवासाला सुरुवात करत आहेत. त्यांच्या या लग्नाला काहींनी शुभेच्छा दिल्या, तर काहींनी हे लग्न राजकीय की प्रेमाचं? असा खोचक सवाल उपस्थित केलाय. असो. दो दिल जर्मनी में मिले असं म्हटलं तर वावगं ठरणार नाही.

Comments
Add Comment

Minta Devi: काँग्रेसची पोलखोल! बिहारमधील '१२४ वर्षीय' मिंटा देवी कॅमेऱ्यासमोर आल्या, काय म्हणाल्या पहा...

बिहार: बिहारमध्ये राहणाऱ्या मिंटा देवीचा फोटो आणि नावाचा वापर करून काँग्रेसने मंगळवारी आंदोलन केले होते. या

Stray Dog Shelter : कुत्र्यांमुळे मृत्यू झालेल्यांना परत आणणार आहात का? सुप्रीम कोर्टाने प्राणीप्रेमींना धरले फैलावर; काय आहेत कोर्टाचे कडक आदेश?

नवी दिल्ली : मुंबईत कबुतरखान्यावरून सुरू असलेला वाद थंड पडलेला नाही, तसेच दुसरीकडे दिल्ली-एनसीआरमध्ये भटक्या

केदारनाथच्या भाविकांवर पोलिसांकडून लाठीचार्ज; गर्दी नियंत्रणाबाहेर

देहरादून : केदारनाथ धाम यात्रेसाठी भाविकांची मोठ्या प्रमाणात गर्दी होत आहे. खराब हवामानाच्या पार्श्वभूमीवर

'सोनिया गांधी यांचे नाव भारतीय नागरिक होण्यापूर्वीपासून मतदार यादीत होते', भाजपचा मोठा आरोप,

नवी दिल्ली: भाजपने काँग्रेस नेत्या सोनिया गांधी यांच्यावर गंभीर आरोप केले आहेत. राहुल गांधी यांच्या मतचोरी

Jagannath Temple : जगन्नाथ पुरी मंदिर उडवण्याची धमकी! भिंतीवर लिहिला संदेश, भाविकांमध्ये घबराट, पोलीस अलर्ट

ओडिसा:  ओडिसामधील पुरी येथील जगन्नाथ मंदिर हे प्रसिद्ध मंदिरापैकी एक आहे. मात्र, हे जगन्नाथ मंदिर उडवण्याची धमकी

पंतप्रधान मोदी सप्टेंबरमध्ये अमेरिका दौऱ्यावर जाण्याची शक्यता

नवी दिल्ली : अमेरिकेच्या करवाढीच्या निर्णयामुळे निर्माण झालेल्या तणावाच्या पार्श्वभूमीवर पंतप्रधान नरेंद्र