ढाका: बांगलादेशच्या अंतरिम सरकारचे मुख्य सल्लागार मुहम्मद यूनुस यांनी देशातील पुढील राष्ट्रीय निवडणुकीची घोषणा केली आहे. त्यांनी शुक्रवारी म्हटले की देशातील पुढील निवडणूक एप्रिल २०२६च्या पहिल्या पंधरवड्यात होणार आहे. ईद-उल अजहाच्या पूर्व संध्येला त्यांनी देशाला संबोधित करताना निवडणुकीची घोषणा केली आहे.
युनूस म्हणाले, निवडणूक आयोग लवकरच एक विस्तृत रोडमॅप जारी करणार आहेत. अंतरिम सरकारने तीन मुख्य उद्देशांसह पदभार सांभाळला होता, सुधारणा, न्याय आणि निवडणूक.
मुहम्मद युनूसने म्हटले की, सरकारने सर्व राजकीय पक्षांना सांगितले आहे की आगामी निवडणूक देशाच्या इतिहासात सर्वात स्वतंत्र, निष्पक्ष,प्रतिस्पर्धी आणि स्वीकारार्ह असली पाहिजे. निवडणुकीबाबत बऱ्याच दिवसांपासून अनेक तारखांबाबत चर्चा केल्या जात होत्या. त्या चर्चांना अखेर पूर्णविराम मिळाला आहे. मुहम्मद युनूस यांनी आधी सल्ला दिला होता की सुधारणांच्या गतीच्या आधारावर डिसेंबर २०२५ आणि जून २०२६ यादरम्यान कधीही निवडणुका होऊ शकतात.
शेख हसीना सरकारचे झाले होते तख्तपालट
गेल्या वर्षी बांगलादेशात मोठ्या प्रमाणात हिंसाचार झाला होता. यानंतर ऑगस्ट महिन्यात पंतप्रधान शेख हसीना यांच्या नेतृत्वातील आवामी लीग सरकारला धक्का दिला होता. शेख हसीना यानंतर भारतात आल्या होत्या. मिळालेल्या माहितीनुसार, या संपूर्ण विद्रोहानंतर बांगलादेशातील ही पहिली निवडणूक आहे.