Stock Market Update: गिफ्ट निफ्टी घसरला मात्र सत्राची सुरुवात 'सकारात्मक' सेन्सेक्स ५८.६३ व निफ्टी ९६.३५ अंकांनी उसळला

  55

मुंबई: गिफ्ट निफ्टीच्या नकारात्मक संकेतानंतर पुन्हा बाजारात अस्थिरता कायम आहे. सकाळी प्री ओपन सत्रात सेन्सेक्स ४.८७ अंशाने घसरला होता. सकाळी सत्र सुरू होताना सेन्सेक्स (Sensex) ५८.६३ अंशाने वधारत ८१०५६.८८ पातळीवर पोहोचला आहे तर निफ्टी ५० (Nifty ५०) मध्ये ९६.३५ अंशाने वधारत २४७१६.०५ पातळीवर पोहोचला आहे. तरी अखेरच्या सत्रापर्यंत बाजारात मंदीचे सावट कायम राहण्याची शक्यता आहे. त्यामुळेच बाजारात तज्ज्ञांकडून गुंतवणूकीच्या बाबतीत 'सबुरी' बाळगण्याचा सल्ला गुंतवणूकदारांना मिळत आहे.काल एकाच सत्रात बाजारात गुंतवणूकदारांनी दोन लाख कोटींची कमाई केल्यानंतर आज तुलनात्मकदृष्ट्या संमिश्र वातावरण कायम राहण्याचीच शक्यता वर्तवली जात आहे.


बीएससी (BSE) बँक निर्देशांक १०५.६२ अंशाने घसरत ६२५९८.३८ पातळीवर तर बीएससी मिडकॅप ०.३१ व स्मॉलकॅप निर्देशांकात ०.६९ टक्क्याने वाढ झाली. एनएससी (NSE) मध्ये बँक निर्देशांक ४१.२५ अंशाने वधारत ५५७४२ अंकावर पोहोचला आहे. मिडकॅप व स्मॉलकॅप मध्ये अनुक्रमे १००.६० अंशाने वाढत २५३४५ पातळीवर पोहोचला आहे. काल परदेशी संस्थात्मक गुंतवणूकदारांनी (FII) १०७६ कोटींची गुंतवणूक केली तर घरगुती संस्थात्मक गुंतवणूकदारांनी (Domestic Institutional Investors DII) ने २५६६.८२ कोटींची गुंतवणूक केली‌. परंतु जगातील सर्वात मोठी अर्थव्यवस्था म्हणून ओळखली जाणारी अमेरिकेची खाजगी क्षेत्रातील आर्थिक परिस्थितीत सारे काही आलबेल नाही त्यामुळे सगळ्या अमेरिकन शेअर बाजारात मंदी होती.


काल ' प्रहार' ने केलेल्या विश्लेषणाप्रमाणे एनएससी क्षेत्रीय निर्देशांकात (NSE Sectoral Indices) मध्ये हेल्थकेअर, खाजगी व पीएसयु बँक, मिडकॅप व स्मॉलकॅप, फायनाशिंयल सर्विसेस, आयटी समभागात (Shares) मध्ये तेजी पहायला मिळत आहे.


बीएससी (BSE) व एनएससी (NSE) वर न्यूजेन सॉफ्टवेअर (६.९२%), पीएनसी इन्फ्राटेक (६.५९%),फॅक्ट (५.५३%), जेएसडब्लू इन्फ्रा (३.७%), इटर्नल (३.५१%), डॉ रेड्डीज (२.५८%), सिप्ला (१.६८%), रिलायन्स (१.३६%), ग्रासीम (१.२५%), अदानी पोर्टस (१.२४%), एम अँड एम (०.९५%) या समभागात वाढ झाली असून इंद्रप्रस्थ गॅस (१.७७%), एमएमटीसी (१.६१%), कोचीन शिपयार्ड (१.५१%), हुडको (१.५१%), डिक्सन टेक्नॉलॉजी (१.०९%), बजाज फायनान्स (०.६९%), एक्सिस बँक (०.३३%), इंडसइंड बँक (०.२३%), भारती एअरटेल (०.१७%), श्रीराम फायनान्स (०.११%), हिंदाल्को (०.०७%), टेक महिंद्रा (०.०३%), नेस्ले (०.०१%) समभागात घट दिसून आली आहे.


काल जाहीर झालेला अमेरिकेचा मॅक्रो डेटा देखील कमकुवत होता, ज्यामुळे फेडच्या दर कपातीच्या मुद्द्याला बळकटी मिळाली, परंतु त्याचा वॉल स्ट्रीटवरील अर्थकारणावर परिणाम झाला असे म्हणावे लागेल. आजच्या स्थितीत गुंतवणूकदारांचे लक्ष उद्या जाहीर होणाऱ्या रेपो दराकडे लागले आहे. तरी दिवसभर आज बाजारात काय संकेत मिळतील त्यासाठी दुपारची प्रतिक्षा करावी लागेल.

Comments
Add Comment

Hartalika 2025: अखंड सौभाग्य आणि सुखी वैवाहिक जीवनासाठी केले जाते हरतालिकेचे व्रत

मुंबई : हिंदू धर्मातील महत्त्वाच्या सणांपैकी एक असलेला हरतालिका व्रताचा सण यंदा २६ ऑगस्ट २०२५ रोजी साजरा होत

Mumbai Police: मुंबई पोलिसांची कौतुकास्पद मोहीम, चोरीला गेलेले ८,००० मोबाईल परत मिळवून दिले

मुंबई: मुंबई पोलिसांनी चोरीला गेलेले मोबाईल फोन त्यांच्या मूळ मालकांना परत करण्यासाठी एक विशेष मोहीम सुरू केली

Ganeshotsav 2025: वांद्रे पश्चिम सार्वजनिक गणेशोत्सव मंडळाने साकारले ५२ फूटी काशी विश्वनाथ मंदिर

मुंबई: दरवर्षी प्रसिध्द मंदिरांची हुबेहुब आरास साकारणाऱ्या वांद्रे पश्चिम सार्वजनिक गणेशोत्सव मंडळातर्फे

पंतप्रधान मोदींची पदवी सार्वजनिक करण्याचे आदेश दिल्ली हायकोर्टाने केले रद्द

नवी दिल्ली : पंतप्रधान नरेंद्र मोदी यांची पदवीची माहिती सार्वजनिक करण्याचे केंद्रीय माहिती आयोगाने (सीआयसी)

२५० कोटींचा अलिशान बंगला तयार, रणबीर-आलिया लवकरच करणार गृहप्रवेश

मुंबई : बॉलिवूडचे लोकप्रिय कपल रणबीर कपूर आणि आलिया भट्ट यांचे स्वप्नातील घर अखेर तयार झाले आहे. गेल्या अनेक

मुख्यमंत्री देवेंद्र फडणवीस यांच्या हस्ते ‘अरण्य’ चित्रपटाचे पोस्टर अनावरण

मुंबई : मुख्यमंत्री देवेंद्र फडणवीस यांच्या हस्ते नुकतेच मराठी चित्रपट ‘अरण्य’ च्या पोस्टरचे अनावरण करण्यात