Mumbai Crime: धक्कादायक घटना! आधी मुंबईच्या मॉलमध्ये फिरला, अन् थेट तिसऱ्या मजल्यावरुन टाकली उडी

  77

अचानक तिसऱ्या मजल्यावरुन उडी टाकून तरुणाने संपवलं आयुष्य 


मुंबई : मुंबईतील घाटकोपर परिसरात असणाऱ्या एका प्रसिद्ध मॉलमध्ये सोमवारी सकाळी एका व्यक्तीने आत्महत्या केल्याची धक्कादायक घटना घडली. या मृत व्यक्तीचं नाव दीपक जोशी (वय 38) असे होते. मॉलच्या तिसऱ्या मजल्यावरुन खाली उडी मारुन दीपकने आत्महत्या केली. या घटनेनंतर तातडीने पार्कसाईट (Parksite) पोलिसांनी घटनास्थळी येऊन पंचनामा करुन दीपकचा मृतदेह ताब्यात घेतला. दिपक जोशी हे काही दिवसांपासून मानसिक तणावात होते. त्याच तणावाखाली त्यांनी मॉलवरून उडी मारत आत्महत्या केलीय. याप्रकरणाचा पुढील तपास सध्या पोलिसांकडून सुरु आहे.



सोमवारी सकाळी ११.३० ची घटना


मॉलमध्ये सोमवारी सकाळी घडलेल्या या प्रकारामुळे एकच खळबळ उडाली आहे. दीपक जोशी तिसऱ्या मजल्यावरुन खाली पडल्यानंतर त्याचा मृतदेह रक्ताच्या थारोळ्यात पडला होता. हे थरारक दृश्य पाहून मॉलमधील दुकानदार आणि ग्राहकांना धक्का बसला. मिळालेल्या माहितीनुसार, सकाळी ११. ३० च्या सुमारास मॉलच्या मुख्य लॉबीमध्ये अचानक स्फोट झाल्यासारखा आवाज आला. त्यामुळे लोक प्रचंड घाबरले. मात्र, थोड्यावेळातच सगळा प्रकार लक्षात आला. आम्हाला लॉबीत एक तरुण जमिनीवर पडलेला दिसला. त्या तरुणाचं डोकं फुटलं होतं आणि त्यामधून रक्तस्राव सुरु होता. त्यानंतर पोलिसांनी येऊन त्याचा मृतदेह ताब्यात घेतला, अशी माहिती या प्रत्यक्षदर्शी तरुणाने दिली.



दीपक घाटकोपरच्या काम लेनमधील बारोटवाडी येथे राहतात. दीपकच्या घरी त्याचे आई-वडील आणि पत्नीसह राहत होता. दीपकचा मुलगा कच्छमध्ये त्याच्या मामाच्या घरी राहतो आणि तिथे शिकतो. दीपक हा त्याच्या आई-वडिलांचा एकुलता एक मुलगा होता. दीपकने यापूर्वी दोन-तीन वेळा आत्महत्येचा प्रयत्न केला होता, अशी माहितीसुद्धा समोर आली आहे.


बारोटवाडीतील रहिवाशांनी सांगितलं की, दीपक लहानपणापासूनच मानसिकदृष्ट्या कमकुवत होता. तो शक्य त्या मार्गाने पैसे कमविण्याचा प्रयत्न करायचा आणि त्याचा प्रयत्न फसायचा. १० वर्षांपूर्वी बनावट नोटा छापल्याप्रकरणी दीपकलाही पोलिसांनी अटक केली होती. याशिवाय कर्ज घोटाळा आणि अनेक आर्थिक घोटाळ्यांमध्ये त्याचा सहभाग होता. त्याचे वडील लहानसहान कामं करायचे. तर आई लोकांच्या घरी स्वयंपाक करायची. दीपक जोशी याची बायको कुटुंबाच्या उदरनिर्वाहासाठी हातभार लावण्यासाठी बायको लहान मुलांना सांभाळण्याचे काम करत होती. मात्र, दीपकला झटपट आणि खूप पैसा कमवायचा होता. याआधीही त्याने वाशी पुलावरून उडी मारून आत्महत्येचा प्रयत्न केला होता, मात्र मच्छिमारांनी त्याला वाचवले होते. दरम्यान जोशी यांनी टोकाचं पाऊल अजून कोणत्या कारणाने उचललं त्याचे दुसरे काही कारण आहे का, कोणत्या कारणामुळे ते मानसिक तणावाखाली होते याचा पोलीस तपास करत आहेत.

Comments
Add Comment

मुंबईत आंदोलन करण्यास मनोज जरांगे पाटील यांना न्यायालयाची मनाई

मराठा आरक्षणप्रश्नी मनोज जरांगे पाटील यांना आझाद मैदान येथे उपोषण करण्यास हायकोर्टाने मनाई केली आहे. मराठा

एसटी कर्मचाऱ्यांचा ऑगस्टचा पगार गणेशोत्सवापूर्वी

मुंबई : राज्य शासनाच्या इतर कर्मचाऱ्याप्रमाणे एसटीच्या सुमारे ८३ हजार कर्मचारी व अधिकाऱ्यांचा ऑगस्ट महिन्याचा

आता मेट्रो-३ रविवारीही सकाळी साडेसहा वाजल्यापासून सुरू

मुंबई : कुलाबा-वांद्रे-सीप्झ ही मेट्रो ३ ची सेवा आता रविवारी सकाळी साडेसहा वाजल्यापासून सुरू होणार आहे. मेट्रो ३

गणेशोत्सवाच्या सुट्टीत खुले राहणार 'जिजामाता उद्यान'

मुंबई: गणेशोत्सवाच्या सुट्टीतही 'जिजामाता उद्यान' बुधवारी पर्यटकांसाठी खुले राहणार आहे. मात्र २८ ऑगस्ट या दिवशी

'आपले सरकार' पोर्टलवरील सेवा व्हॉट्सअ‍ॅपच्या माध्यमातून द्याव्यात', मुख्यमंत्र्यांचे निर्देश

मुंबई : राज्य शासनाच्या विविध विभागांकडून नागरिकांना सेवा पुरवल्या जातात, या सेवांसाठी आपले सरकार हे पोर्टल

Hartalika 2025: अखंड सौभाग्य आणि सुखी वैवाहिक जीवनासाठी केले जाते हरतालिकेचे व्रत

मुंबई : हिंदू धर्मातील महत्त्वाच्या सणांपैकी एक असलेला हरतालिका व्रताचा सण यंदा २६ ऑगस्ट २०२५ रोजी साजरा होत