अंकिता लोखंडेच्या ब्लॉगमध्ये उषा ताईंनी एकटेपणाची खंत व्यक्त केली आहे. पवित्र रिश्ता फेम अंकिताने ऑनस्क्रीन सासूबाई म्हणजेच उषा नाडकर्णी यांना घरी बोलावलं होतं. त्यावेळी तिने त्यांच्यासोबत एक ब्लॉग शूट केला. यावेळी त्यांनी पवित्र रिश्ताच्या जुन्या आठवणींना उजाळा देखील दिला. यादरम्यान उषा ताई यांना रडू कोसळले.
उषा ताई म्हणाल्या, 'मी घरी एकटीच असते. मला कधी-कधी फार भिती वाटते की, मला काही झालं तर कोणालाच कळणार नाही. माझ्या भावाचं निधन झालंय. त्याला माहिती असंत तर तो धावत माझ्यासाठी आला असता. परंतु मी आता माझं दु:ख कोणाला सागू.,...' असं म्हणत त्या रडू लागल्या. यावेळी विकी जैन आणि अंकिता भावुक झाल्याचं पहायला मिळालं. उषा नाडकर्णीचा हा भावुक झालेला व्हिडिओ सोशल मीडियावर व्हायरल होत आहे.
यावेळी उषा ताईंचे अंकिताने सांत्वन केले, त्यांना धीर देत त्यांच्या हिम्मतीला दाद देखील दिली. ती म्हणाली, 'आई खूप मजबूत आहे. ती इतक्या वर्षांपासून एकटी राहते. ती खरच खूप स्ट्रॉग आहे.' दरम्यान अंकिताच्या ब्लॉगमध्ये उषा नाडकर्णी आणि अंकिता खूप गप्पा मारताना दिसत आहे. जुन्या आठवणी त्या एकमेकींसोबत शेअर करत आहेत. यावेळी सुशांत सिंगची आठवण देखील काढण्यात आली. अंकिता लोखंडेने सुशांत सिंग राजपुतसोबत २००९ मध्ये पवित्र रिश्ता या मालिकेतून मनोरंजन क्षेत्रात पदार्पण केलं होतं.