देशताज्या घडामोडीब्रेकिंग न्यूज

Indigo News : रांचीमध्ये विमानाचं आपत्कालीन लँडिंग! ४ हजार फुटांवर प्रवाशांचा जीव धोक्यात

  31

४० मिनिटे हवेत अडकली Flight


रांची: रांचीला जाणाऱ्या इंडिगोच्या विमानाला पक्षी धडकल्याने (Bird Hit IndiGo plane) विमानाचे आपत्कालीन लँडिंग (Emergency Landing) करण्यात आले. हे विमान पटणा वरुण रांचीकडे येत होते. या विमानात १७५ प्रवासी प्रवास करत होते. रांचीतील बिरसा मुंडा विमानतळावर फ्लाइट- ६ ई ६१५२ उतरत असताना ही घटना घडली. पक्षी विमानाच्या पुढच्या भागावर आदळला. त्यानंतर, पायलटने विमान धावपट्टीवर सुरक्षितपणे उतरवले. पक्ष्याच्या धडकेची माहिती मिळताच, विमानतळ प्राधिकरणाची टीम घटनास्थळी पोहोचली. विमानाचे कोणतेही मोठे नुकसान झाले नाही याची खात्री करण्यासाठी तांत्रिक टीम विमानाची तपासणी करत आहे. जोपर्यंत संपूर्ण चौकशी होत नाही तोपर्यंत विमानाला उड्डाण करण्याची परवानगी दिली जाणार नाही, असं अधिकाऱ्यांनी सांगितलं आहे.




४ हजार फूट उंचीवर विमानाला धडकला पक्षी


मिळालेल्या माहितीनुसार, इंडिगोचे विमान सुमारे ४ हजार फूट उंचीवर उड्डाण करत असताना एका गिधाडाला धडकले. त्यानंतर पायलटने तातडीने विमानाचे आपत्कालीन लँडिंग करण्याचा निर्णय घेतला. विमानाचे लँडिंग यशस्वी झाले. तथापि, सर्व प्रवासी सुरक्षित आहेत. इंडिगोच्या या विमानात सुमारे १७५ प्रवासी होते. याबाबत माहिती देताना एका अधिकाऱ्याने सांगितले की, सर्व प्रवासी आणि क्रू मेंबर्स सुरक्षित आहेत.




नेमकं काय झालं?


बिरसा मुंडा विमानतळ संचालक आरआर मौर्य यांनी पीटीआयला सांगितले की, रांचीजवळ इंडिगोच्या एका विमानाला पक्ष्याने धडक दिली. ही घटना घडली तेव्हा विमान येथून सुमारे १० ते १२ नॉटिकल मैल अंतरावर, सुमारे ३ ते ४ हजार फूट उंचीवर होते. हे इंडिगो विमान पाटण्याहून रांचीला येत होते. गिधाडाने विमानाला धडक दिल्याने विमानाचे नुकसान झाले आहे. अभियंते नुकसानीचे मूल्यांकन करत आहेत. ही घटना दुपारी १.१४ वाजता घडली.

Comments
Add Comment

सिक्कीम भूस्खलन : भारतीय लष्कराने ११३ पर्यटकांचा वाचवला जीव

गंगटोक : सिक्कीममधील पूर्णपणे संपर्क तुटलेल्या लाचेन गावापर्यंत पोहचण्यासाठी भारतीय लष्कराने अत्यंत खराब

देशात कोरोनाचे २७६ नवे रुग्ण,७ जणांचा मृत्यू

नवी दिल्ली : देशात गेल्या २४ तासात २७६ नवे कोरोना रुग्ण आढळले असून ७ जणांना कोरोनामुळे मृत्यू झाला आहे. भारतात

पाकिस्तान सीमेवर IAF ड्रिलसाठी हवाई हद्द राखीव; बंदी २३ जूनपर्यंत वाढवली, NOTAM जारी, तुर्की कंपनीवर बंदी

नवी दिल्ली : भारताने ४ जून २०२५ रोजी पाकिस्तानच्या दक्षिण सीमेच्या जवळ भारतीय वायुदलाच्या (IAF) सरावासाठी हवाई हद्द