भारतात ३,३९५ अ‍ॅक्टिव्ह कोविड रुग्ण! केरळ पुन्हा आघाडीवर, महाराष्ट्र दुसऱ्या क्रमांकावर

  43

नवी दिल्ली : देशात सध्या एकूण ३,३९५ अ‍ॅक्टिव्ह कोविड रुग्णांची नोंद असून, गेल्या २४ तासांत चार मृत्यू झाल्याचे केंद्रीय आरोग्य मंत्रालयाने शनिवारी जाहीर केले. या मृत्यूंपैकी प्रत्येकी एक मृत्यू दिल्ली, कर्नाटक, केरळ आणि उत्तर प्रदेशात झाला आहे.


आरोग्य मंत्रालयाने दिलेल्या तपशीलानुसार, दिल्लीतील ७१ वर्षीय वृद्धाचा मृत्यू न्यूमोनिया, सेप्टिक शॉक आणि ऍक्युट किडनी इंज्युरीमुळे झाला. कर्नाटकमधील ६३ वर्षीय पुरुष सेप्टिक शॉक, मल्टी ऑर्गन डिसफंक्शन सिंड्रोम , न्यूमोनिया आणि ARDS यामुळे दगावले. केरळमध्ये ५९ वर्षीय पुरुष, ज्यांना हृदयविकार, टाइप-२ श्वसन विकृती, सेप्सिस, नव्याने ओळखलेला मधुमेह होता, त्यांचा मृत्यू झाला. उत्तर प्रदेशातील २३ वर्षीय युवक, ज्यांना आधीपासूनच काही गंभीर आजार होते, त्यांचा एम्स ऋषिकेश येथे उपचारादरम्यान मृत्यू झाला.



कोविडचे प्रमाण सध्या कमी असले तरी केरळ, महाराष्ट्र, दिल्लीसह काही राज्यांत रुग्णसंख्येत वाढ दिसून येते. नागरिकांनी खबरदारी बाळगणे आणि प्रशासनाने नियमित आरोग्य तपासणी करणे गरजेचे आहे.



राज्यानुसार अ‍ॅक्टिव्ह रुग्णांची आकडेवारी


🔸 केरळ – १,३३६
🔸 महाराष्ट्र – ४६७
🔸 दिल्ली – ३७५
🔸 गुजरात – २६५
🔸 कर्नाटक – २३४
🔸 पश्चिम बंगाल – २०५
🔸 तामिळनाडू – १८५
🔸 उत्तर प्रदेश – ११७
🔸 राजस्थान – ६०
🔸 पुडुचेरी – ४१
🔸 मध्य प्रदेश – १६


केंद्र सरकारने २ जूनपर्यंत तयारीचा अहवाल मागवला


देशात पुन्हा एकदा कोविड-१९ च्या रुग्णसंख्येत वाढ होत असताना केंद्रीय आरोग्य मंत्रालयाने दिल्लीसह अनेक राज्ये आणि केंद्रशासित प्रदेशांना प्रतिबंधात्मक उपाययोजना हाती घेण्याचे आदेश दिले आहेत. केरळ, महाराष्ट्र, दिल्ली, गुजरात, तामिळनाडू आणि कर्नाटक यासारख्या राज्यांमध्ये ९०% पेक्षा अधिक अ‍ॅक्टिव्ह रुग्ण आढळले आहेत.


२९ मे रोजी आरोग्य सचिव पुण्य सलीला श्रीवास्तव यांनी मुख्यमंत्र्यांना लिहिलेल्या पत्रात, सध्याच्या हवामानामुळे श्वसन संस्थेशी संबंधित आजारांमध्ये वाढ झाली आहे, हे नमूद केले. त्यामध्ये इन्फ्लूएंझा, SARS-CoV-2, RSV यांसारख्या विषाणूंमुळे एक्यूट रेस्पिरेटरी इल्लनेस (ARI) चे प्रमाण वाढत आहे. सध्याचे ओमिक्रॉनचे JN.1, XFG, LF 7.9 व्हेरियंट सौम्य लक्षणांसह (उष्णता, खोकला, घसा खवखवणे) आढळत आहेत आणि अनेक प्रकरणे नैसर्गिकरित्या बरी होत आहेत, असेही त्यांनी स्पष्ट केले.



दिल्लीत कोरोनामुळे दोघांचा मृत्यू


दिल्लीमध्ये काल कोविड पॉझिटिव्ह ६० वर्षीय महिलेचा मृत्यू झाला असून, हा सध्याच्या लाटेतील राजधानीतील पहिला मृत्यू आहे. ती महिला लॅप्रोटॉमीनंतर तीव्र आतड्यांच्या अडथळ्याने ग्रस्त होती. तर आज दिल्लीतील ७१ वर्षीय वृद्धाचा मृत्यू न्यूमोनिया, सेप्टिक शॉक आणि ऍक्युट किडनी इंज्युरीमुळे झाला. कोविड निदान हे अपघाती स्वरूपाचे असल्याचे अधिकाऱ्यांनी स्पष्ट केले. मुख्यमंत्री रेखा गुप्ता यांनी सांगितले की, दिल्लीतील १९ कोविड रुग्ण रुग्णालयात दाखल आहेत, मात्र घाबरायचं कारण नाही. “दिल्ली सरकार सज्ज आहे आणि सर्व रुग्णालये तयारीत आहेत,” असे त्यांनी सांगितले.

Comments
Add Comment

Kolkata Rape Case : लॉ विद्यार्थिनीवर बलात्कारप्रकरणी तिन्ही आरोपींना पोलिस कोठडी, ममता सरकार निशाण्यावर

कोलकाता: पश्चिम बंगालमध्ये राज्य सरकार संचालित दक्षिण कोलकाता लॉ कॉलेजशी संबंधित सामूहिक बलात्काराचा एक

MP News : मुख्यमंत्र्यांच्या ताफ्यातील १९ इनोव्हामध्ये भरले २० लीटर डिझेल, मात्र निघालं १० लीटर पाणीच पाणी

डिझेल भरायला गेल्या अन् पाणी भरून आल्या... मध्य प्रदेश : मध्य प्रदेशातून एक धक्कादायक बातमी समोर आली आहे.

JeM Terrorist Killed: उधमपूरमध्ये जैश-ए-मोहम्मदच्या ३ दहशतवाद्यांना शोधण्यासाठी शोधमोहीम सुरू, एक ठार

उधमपूर: जम्मू आणि काश्मीरच्या उधमपूर जिल्ह्यातील एका दुर्गम जंगली भागात सुरक्षा दल आणि दहशतवाद्यांमध्ये चकमक

Jagannath Rath Yatra 2025 : जगन्नाथ रथयात्रेची आजपासून सुरुवात, रथ ओढणाऱ्या दोऱ्यांची आहेत 'खास' नावे

पुरी : ओडिशामधील पुरी येथे दरवर्षी होणाऱ्या जगन्नाथ रथयात्रेला आजपासून म्हणजेच शुक्रवार, २७ जूनपासून झालेली

देशातील ३४५ नोंदणीकृत अमान्यताप्राप्त राजकीय पक्षांची नोंदणी रद्द करण्याची प्रक्रिया सुरू

नवी दिल्ली : देशातील ३४५ नोंदणीकृत अमान्यताप्राप्त राजकीय पक्षांची नोंदणी रद्द करण्याची प्रक्रिया निवडणूक

हिमाचल प्रदेशमध्ये ढगफुटीमुळे पाच जणांचा मृत्यू

कुल्लू : हिमाचल प्रदेशमधील कुल्लू आणि कांगडा जिल्ह्यांसह काही भागांमध्ये ढगफुटी, मुसळधार पाऊस आणि पूर यामुळे