नमित मल्होत्रा यांच्या ‘रामायण’च्या सेटवरून यशचा पहिला लूक

  47

मुंबई : भारतीय चित्रपटसृष्टीतील सर्वात मोठ्या आणि बहुप्रतिक्षित प्रोजेक्टपैकी एक असलेल्या रामायणमध्ये आता अ‍ॅक्शन, मायथॉलॉजी आणि भव्यतेचा अफलातून संगम पाहायला मिळणार आहे. या भव्य सिनेमात रॉकिंग स्टार यश ‘रावण’च्या भूमिकेत झळकणार असून, त्यांचा पहिला लूक सध्या चर्चेचा विषय ठरत आहे.

या प्रोजेक्टचे निर्माता आहेत नमित मल्होत्रा आणि दिग्दर्शन करत आहेत नितेश तिवारी. यश या सिनेमात केवळ मुख्य भूमिकेत नाही, तर ते को-प्रोड्यूसर देखील आहेत. त्यांची निर्मितीसंस्था Monster Mind Creations आणि नमित मल्होत्रा यांची Prime Focus Studios मिळून रामायण साकारत आहेत.

यश सध्या शूटिंगमध्ये व्यस्त आहे. हॉलीवूडचे अ‍ॅक्शन डायरेक्टर गाई नॉरिस यांच्यासोबत काम करत आहे. गाई नॉरिस हे Mad Max: Fury Road आणि The Suicide Squad यांसारख्या ब्लॉकबस्टर सिनेमांसाठी प्रसिद्ध आहेत आणि आता ते रामायणसाठी अ‍ॅक्शन सीन डिझाईन करत आहेत.

सेटवरून नुकत्याच समोर आलेल्या फोटोंमध्ये यश फिट आणि युद्धासाठी सज्ज अशा लूकमध्ये दिसत आहेत. त्याचा हा ट्रान्सफॉर्मेशन एक वेगळाच रावण समोर आणतो – असा रावण जो ताकद, करिष्मा आणि आधुनिकतेचं प्रतीक आहे.

या सिनेमाचे शूटिंग तीन भागांमध्ये होणार असून, पहिला भाग दिवाळी २०२६ मध्ये प्रदर्शित होईल, तर दुसरा भाग दिवाळी २०२७ मध्ये रिलीज होणार आहे. यश या पहिल्या भागासाठी सुमारे ६०ते ७० दिवसांचे शूटिंग करणार आहे.

रामायण ही एक ऐतिहासिक कथा असून, ती जागतिक स्तरावर पोहचवण्याचा उद्देश या प्रोजेक्टमागे आहे. या सिनेमात रणबीर कपूर आणि यश प्रमुख भूमिकेत असतील आणि त्यांच्यासोबत असेल वर्ल्ड-क्लास व्हिज्युअल इफेक्ट्स टीम, भव्य सेट्स आणि कलाकारांची मोठी फौज असेल.
Comments
Add Comment

Parineeti Chopra Pregnancy News : गुडन्यूज!"आमचं छोटं युनिव्हर्स येतंय", चड्ढा कुटुंबात लवकरच छोटं पाहुणं...परिणीतीच्या पोस्टने इंस्टाग्राम हँग

बॉलीवूडमधील चर्चेत असलेल्या पॉवर कपलपैकी एक, अभिनेत्री परिणीती चोप्रा आणि आमदार राघव चड्ढा यांनी अखेर

महाराष्ट्रीय भाऊ'ची 'बिग बॉस'मध्ये एन्ट्री, सलमान खानने केली खास मराठमोळा 'पाहुणचार'

मुंबई : प्रसिद्ध स्टँड-अप कॉमेडियन, ज्याला 'महाराष्ट्रीय भाऊ' म्हणून ओळखले जाते, त्या प्रणित मोरेने 'बिग बॉस 19'च्या

'क्रांतिज्योती विद्यालय-मराठी माध्यम' लवकरच प्रेक्षकांच्या भेटीला, अलिबागमध्ये चित्रीकरणाला सुरुवात

अलिबाग: दिग्दर्शक हेमंत ढोमे यांचा मातृभाषेतील शिक्षणाचे महत्त्व सांगणारा नवा चित्रपट 'क्रांतिज्योती

Bigg Boss 19 मध्ये आंतरराष्ट्रीय तडका, माईक टायसन आणि द अंडरटेकरची एन्ट्री होणार?

मुंबई : टीव्हीवरील लोकप्रिय रिॲलिटी शो "बिग बॉस" चा

संत विचारांनी भारावलेली कथा ‘फकिरीयत’

‘फकिरीयत’ या आगामी हिंदी चित्रपटाचा भव्य ट्रेलर आणि संगीत प्रकाशन सोहळा नुकताच प्रभादेवी येथील रवींद्र नाट्य

‘जागरण गोंधळ’ या गाण्याला गणेश चंदनशिवे यांचा आवाज

अभिनेता ललित प्रभाकर आणि अभिनेत्री हृता दुर्गुळे ही जोडी ‘आरपार’ या सिनेमातून पहिल्यांदाच मोठ्या पडद्यावर