फ्लॉय ९१ कंपनीच्या संकेतस्थळावर सोलापूर ते गोवा आणि गोवा ते सोलापूर असे सोमवार, शुक्रवार, शनिवार आणि रविवार असे चार दिवसांचे वेळापत्रक व तिकिटांचे दर प्रसिद्ध करण्यात आले आहेत. सोलापूर ते गोवा मार्गासाठी प्रारंभिक तिकीट दर दोन हजार ४७५ रुपये आणि ५ टक्के जीएसटी असे आहेत. या दरामध्ये मागणीनुसार वाढ होऊ शकते.
सोलापूर येथील विमानसेवेमुळे पंढरपूर, तुळजापूर, अक्कलकोट आणि गाणगापूर या प्रसिद्ध तीर्थक्षेत्राशी गोवा जोडले जाणार आहे. गोवा येथील भाविकांना सोलापूरला येण्याची तसेच सोलापूरच्या पर्यटकांना गोव्याला जाण्याची सुविधा या विमानसेवेमुळे निर्माण झाली आहे.