Haryana News : भयंकर घटना! एकाच कुटुंबातील ७ जणांनी केलं विषप्राशन

  75

हरियानातील पंचकूलामध्ये राहणाऱ्या कुटुंबाने उचलले टोकाचे पाऊल


हरियाणामधील पंचकुलाच्या सेक्टर-२७ मध्ये एक हादरवून टाकणारी घटना समोर आली आहे. डेहराडूनमधील एका कुटुंबातील सात जणांनी कारमध्ये विषप्राशन करून आत्महत्या केली. सेक्टर २७ मधील एका घराबाहेर रस्त्यावर उभ्या असलेल्या कारमध्ये सर्वांचे मृतदेह आढळल्याने एकच खळबळ उडाली. पोलिसांनी सात मृतदेह ताब्यात घेतले आहेत. आजोबा, आई-वडिल आणि मुलांचा मृत्यू झाला आहे. सर्व सातही मृतदेहांच पोस्टमार्टम करण्यात येईल, असं अधिकाऱ्याने सांगितलं.


पंचकूलामध्ये राहणाऱ्या या कुटुंबामध्ये एक जोडपं, त्यांची तीन मुलं आणि कुटुंबातील वृद्धांचा समावेश आहे. ज्या कारमध्ये हे सर्व मृतदेह मिळाले, त्या कारचा नंबर डेहराडूनचा आहे. पोलिसांनी गुन्हा नोंदवून तपास सुरु केलाय. सूत्रांकडून मिळालेल्या माहितीनुसार, कुटुंबावर खूप मोठं कर्ज होतं, म्हणूनच त्यांनी हे टोकाचं पाऊल उचललं.


मिळालेल्या माहितीनुसार, डेहराडून येथील रहिवासी प्रवीण मित्तल हे त्यांच्या कुटुंबासह पंचकुला येथील बागेश्वर धाम येथे आयोजित हनुमान कथा कार्यक्रमात सहभागी होण्यासाठी आले होते. कार्यक्रम संपल्यानंतर घरी परतताना त्यांनी सामूहिक आत्महत्या केली आहे. मृतांमध्ये प्रवीण मित्तल (४२), प्रवीण यांचे पालक, प्रवीणची पत्नी आणि दोन मुली आणि एका मुलगा यांचा समावेश आहे.



घटनास्थळावरून पोलिसांना एक सुसाईड नोटही सापडली आहे. पोलीस या प्रकरणाचा तपास करण्यात व्यस्त आहेत. सध्या हे सातही मृतदेह पंचकुला येथील खासगी रुग्णालयांच्या शवागारात ठेवण्यात आले आहेत. पंचकुला डीसीपी हिमाद्री कौशिक आणि डीसीपी अमित दहिया घटनास्थळी पोहोचले असून अधिक तपास करत आहेत. फॉरेन्सिक टीमही घटनास्थळी पोहोचली आहे.



कुटुंबावर मोठं कर्ज


पंचकुला डीसीपी हिमाद्री कौशिक यांनी दिलेल्या माहितीनुसार, एकाच कुटुंबातील ७ जणांनी कारमध्ये विषप्राशन करून आत्महत्या केली. धीरेंद्र शास्त्री यांच्या हनुमान कथेला उपस्थित राहण्यासाठी हे कुटुंब डेहराडून येथून आलं होतं. कुटुंबावर खूप कर्ज होतं. कदाचित म्हणूनच हे पाऊल उचलण्यात आलं असावं. सध्या सर्व मृतदेह शवविच्छेदनासाठी पाठवण्यात आले आहेत आणि पुढील कारवाई सुरू आहे.



अख्ख्या कुटुंबानेच आत्महत्या का केली?


तपासात पोलिसांना समजलं की, प्रवीणने अलीकडेच डेहराडून येथे टूर अँड ट्रॅव्हलचा व्यवसाय सुरु केला होता. त्याने व्यवसायामध्ये बराच पैसा टाकला होता. पण यश मिळालं नाही. व्यवसाय पूर्णपणे लॉसमध्ये गेल्याने प्रवीण कर्जात बुडाला होता. कुटुंबाचा खर्च भागवणही दिवसेंदिवस त्याच्यासाठी कठीण झालं होतं. म्हणून संपूर्ण कुटुंबाने जीवन संपवलं.

Comments
Add Comment

अजित डोवाल यांनी घेतली अमित शहांची भेट

नवी दिल्ली : केंद्रीय गृहमंत्री अमित शहा यांनी सोमवारी संसद भवनात अंतर्गत सुरक्षेसंदर्भात सुमारे ३० मिनीटे

Operation Mahadev मध्ये मारल्या गेलेल्या दहशतवाद्यांकडे सापडल्या 'या' गोष्टी! कधी आणि कसा रचला गेला पहलगाम हल्ल्याचा कट? सर्व झाले उघड

नवी दिल्ली: पहलगाममध्ये झालेल्या दहशतवादी हल्ल्यामागे पाकिस्तान असल्याचा आता स्पष्ट झाले आहे. पहलगाम

सच्चा भारतीय असं बोलणार नाही, सर्वोच्च न्यायालयाने राहुल गांधींना फटकारले

नवी दिल्ली : सर्वोच्च न्यायालयाने राहुल गांधींविरुद्धच्या मानहानीच्या एका खटल्याला स्थगिती दिली. ही स्थगिती

काँग्रेसच्या महिला खासदारानं केली तक्रार, पोलीस अलर्ट, तपास सुरू

नवी दिल्ली : दिल्लीच्या चाणक्यपुरीत मॉर्निंग वॉक करताना चोरट्याने सोनसाखळी चोरली अशी तक्रार काँग्रेसच्या

झारखंडचे माजी मुख्यमंत्री शिबू सोरेन यांचे निधन

नवी दिल्ली : झारखंडचे माजी मुख्यमंत्री शिबू सोरेन यांचे सोमवारी ४ ऑगस्ट २०२५ रोजी सकाळी प्रदीर्घ आजाराने निधन

Amarnath Yatra 2025: अमरनाथ यात्रेबद्दल सरकारचा मोठा निर्णय, एक आठवड्याआधीच यात्रा थांबवली! 'हे' आहे कारण

खराब हवामान आणि यात्रा मार्गांची बिघडलेली अवस्था जबाबदार श्रीनगर : वार्षिक अमरनाथ यात्रा आज (दिनांक ३ )