देवळा : ऑपरेशन सिंदूरच्या यशानंतर व भारतीय सेनेच्या सन्मानार्थ देवळा शहरातून शनिवार (दि .२४) रोजी सकाळी १० वाजता तिरंगा यात्रा काढण्यात आली. येथील सुट्टीवर आलेले तसेच माजी सैनिक, राष्ट्रप्रेमी नागरिकांसह सर्वपक्षीय पदाधिकारी व विद्यार्थीवर्गाने यावेळी उपस्थित होते. माजी सैनिकांच्या नेतृत्वाखाली ही रॅली काढण्यात आली. या तिरंगा रॅलीत शाळा, महाविद्यालयातील अनेक विद्यार्थी तसेच महिला देखील सहभागी झाल्या होत्या. प्रत्येकाच्या हातात तिरंगा ध्वज व भारत माता की जय च्या जयघोषात निघालेल्या रॅलीने सगळ्यांचे लक्ष वेधून घेतले. शिवस्मारक, बसस्थानक, पाच कंदील, सुभाषरोड व बाजारपेठेतून ही रॅली पुन्हा शिवस्मारकाजवळ आली. यावेळी सिंदूर ऑपरेशनबद्दल तसेच भारतीय सैनिकांनी बजावलेल्या कामगिरीबाबत माहिती सांगत एकजुटीचे आवाहन करण्यात आले.
यावेळी उपनगराध्यक्ष संजय आहेर, नगरसेवक जितेंद्र आहेर, माजी उपनगराध्यक्ष अतुल पवार, दिनकर निकम, भाजपचे तालुका अध्यक्ष किशोर आहेर,अशोक आहेर, प्रमोद पाटील, माजी सैनिक मांगु लोखंडे, देवानंद वाघ, दिलीप पाटील, प्रतीक आहेर, संदीप देवरे, स्वप्नील पाटील, एन.डी. पाटील, डॉ.रमणलाल सुराणा, प्रदीप सुराणा, योगेश आहिरे, पंकज गांगुर्डे, जगन्नाथ माळी, प्रमोद शेवाळकर, मनोज गुजरे, शंकर निकम, शब्बीर शेख, तुषार गुंजाळ, वैद्यनाथ देवरे, समाधान महाजन, अरुणा खैरणार,नीलिमा आहेर, बाळासाहेब आहेर, मनोज आहेर, समाधान सोनजे,नईम शेख यांच्यासह देवळा तालुक्यातील अकेडमीचे तसेच महाविद्यालयाचे व क्लासेसचे विद्यार्थी,विविध संस्थांचे प्रतिनिधी व नागरिक सहभागी झाले होते.
