नवी दिल्ली : पहलगाम दहशतवादी हल्ला आणि पाकिस्तानच्या दहशतवादी ठिकाणे उद्ध्वस्त केल्यानंतर भारतात सातत्याने गुप्तहेर पकडले जात आहेत. केवळ आसाममध्ये आतापर्यंत ७३ पाकिस्तानी एजंट्सना पकडण्यात आले आहे. आसामचे मुख्यमंत्री हिमंत बिस्वा यांनी ही माहिती दिली.
एक्सवर केलेल्या एका पोस्टमध्ये म्हटले की चिरांग आणि होजई जिल्ह्यातून एका-एका व्यक्तीला अटक करण्यात आली आहे. ऑपरेशन सिंदूरप्रमाणेच राष्ट्र विरोधींना पकडणे आणि त्यांना दंड करण्याचे आमचे मिशन सुरू आहे. ७३ पाकिस्तानी एजंटना आतापर्यंत अटक करण्यात आली आहे.
याआधी विपक्षी एआययूडीएफचे आमदार अमीनुल इस्लामला पहलगाम दहशतवादी हल्ल्याप्रकरणी पाकिस्तान आणि त्यातील कटात सहभागाबद्दल देशद्रोहाच्या आरोपाखाली अटक केली होती. याप्रकरणी जामीन मिळाल्यानंतर एनएसएकडून ताब्यात घेण्यात आले. पोलीस चौकशी सुरू आहे.
आसामचे मुख्यमंत्री हिमंत बिस्वा सरमा यांनी २ मेला दहशतवादी हल्ल्यानंतर पाकिस्तान झिंदाबाद अशी घोषणा देणाऱ्यांविरुद्ध कडक कारवाईची धमकी दिली होती. तसेच देशद्रोहींविरुद्ध ही कारवाई सुरूच राहील असेही त्यांनी स्पष्ट केले होते.