वाडा पंचायत समितीचा भ्रष्ट कारभार चव्हाट्यावर

लाच घेताना पंचायत समितीच्या तांत्रिक सहाय्यकास पकडले रंगेहाथ


वाडा : वाडा पंचायत समिती वाडा पंचायत समितीचे तांत्रिक सहाय्यक सुशील कटारे याला विहीरीसाठी ५ लाखांचा निधी मंजूर करण्यासाठी ५ हजारांची लाच घेताना ठाणे लाचलुचपत प्रतिबंधक विभागाने रंगेहाथ पकडून अटक केली. या प्रकाराने पंचायत समितीचा भ्रष्ट कारभार चव्हाट्यावर आला आहे.


यातील तक्रारदार यांनी महात्मा गांधी रोजगार हमी योजनेंतर्गत विहिरीकरिता ५ लाखांचा निधी मंजूर करणेकरिता पंचायत समिती वाडा यांच्याकडे अर्ज केला होता. ही विहीर मंजूर करण्यासाठी तांत्रिक सहाय्यक व वरिष्ठांसाठी १५ हजार रुपये लाचेची मागणी केली होती. तक्रारदार यांची लाच देण्याची इच्छा नसल्याने त्यांनी ठाणे लाचलुचपत प्रतिबंधक विभागाकडे यासंदर्भात तक्रार दाखल केली त्याआनुषंगाने (दि १५ मे रोजी) तक्रारदार यांना त्यांचे तक्रारी प्रमाणे पंचासमक्ष पडताळणी करिता पाठवले असता स्वत:साठी ५ हजार रुपये व वरिष्ठासाठी १५ हजार रुपये लाचेची मागणी केली; परंतु तक्रारदार यांच्याकडे ५ हजार रुपये असल्याचे लोकसेवक कटारे यांना तक्रारदार यांनी सांगितल्याने सदरची रक्कम घेऊन येण्यास सांगितले. त्यानंतर ५ हजार रुपयांची लाच कटारे यांना स्वीकारल्याने त्याना रंगेहाथ पकडून अटक केली. कटारे यांच्याकडून मोबाइल घेण्यात आला असून पुढील निरीक्षण करून तपास करण्यात येत आहे. ही कारवाई ठाणे लाचलुचपत प्रतिबंधक विभागाचे पोलीस निरीक्षक संतोष अंबिके यांच्या नेतृत्वाखाली पोलीस नाईक अभिजित पवार, पोलीस हवालदार सुमडा, योगेश धारणे याच्या पथकाने केली.


दरम्यान, वाडा पंचायत समितीत टक्केवारी घेतल्याशिवाय कामच होत नाही. अनेक फाईली वरिष्ठाच्या टेबलावर महिनोंमहिने पडून असून पैशाशिवाय कामच होत नसल्याचे नागरिकाचे म्हणणे आहे. पंचायत समितीचे गटविकास अधिकारी वैभव शिंदे हे कर्मचाऱ्यांवर नियंत्रण ठेवण्यास अपयशी ठरले असून महिनोमहिने फाईल का पडून आहेत याची खातरजमा केल्यास हे सर्व उघड होईल.

Comments
Add Comment

विरारमध्ये दोन विद्यार्थ्यांची आत्महत्या

विरार : विरार पश्चिमेच्या ओलांडा परिसरातील एका बांधकाम सुरू असलेल्या इमारतीच्या १२ व्या मजल्यावरून उडी मारून

जिल्ह्यातील तीन नगराध्यक्षांचे आरक्षण जाहीर

पालघर नागरिकांच्या मागास प्रवर्गासाठी राखीव पालघर (प्रतिनिधी) : पालघर जिल्ह्यातील डहाणू, जव्हार आणि पालघर या तीन

वसई-विरार पालिकेची अंतिम प्रभाग रचना जाहीर

विरार (प्रतिनिधी): वसई-विरार महापालिकेच्या आगामी निवडणुकीसाठी पालिकेच्या वतीने तयार करण्यात आलेल्या प्रारूप

विरार-सफाळे जलमार्गावर बोट फेऱ्या वाढणार

बंदरे विकास मंत्री नितेश राणेंचे निर्देश विरार (प्रतिनिधी) : मुंबई-अहमदाबाद महामार्गावरील वाहतूक कोंडीतून

वसईत गॅस पाईपलाईन फुटली

वसई : पालघर जिल्ह्यातील वसईमध्ये वसंत नागरी परिसरात शनिवारी चार ऑक्टोबर रोजी सकाळी धक्कादायक घटना घडली.

शहरातील पंधराशे दुर्गामूर्तींचे कृत्रिम तलावात विसर्जन

पर्यावरणपूरक नवरात्र उत्सवाला प्रतिसाद विरार (प्रतिनिधी) : वसई-विरार शहर पालिका कार्यक्षेत्रात दुर्गा देवीच्या