मुख्यमंत्री ‘माझी शाळा सुंदर शाळा’ अभियान
पालघर : मुख्यमंत्री माझी शाळा सुंदर शाळा टप्पा दोन अभियानांतर्गत तालुक्यातून आणि जिल्हास्तरावर क्रमांक पटकाविणाऱ्या जिल्हा परिषदेच्या २७ आणि खासगी २७ अशा एकूण ५४ शाळांना शासनाकडून रोख बक्षीस देण्यात आले आहे. पारितोषिक स्वरूपात लाखो रुपयांचा निधी मिळाल्याने विद्यार्थ्यांच्या शैक्षणिक हिताच्या दृष्टीने शाळांमध्ये विविध प्रकारची कामे केली जाणार आहेत. भारतरत्न डॉ. बाबासाहेब आंबेडकर आदर्श शाळा योजनेअंतर्गत मुख्यमंत्री माझी सुंदर शाळा अभियान राज्यात २०२३- २४ मध्ये राबविण्यात आले. हे अभियान मोठ्या प्रमाणात यशस्वी झाले असून या अभियानातील काही उपक्रमांची नोंद "गिनीज बुक ऑफ वर्ल्ड रेकॉर्ड"मध्ये घेण्यात आली आहे. त्यामुळे शासनाने २०२४- २५ मध्ये सुद्धा मुख्यमंत्री माझी शाळा सुंदर शाळा टप्पा दोन हे स्पर्धात्मक अभियान नवीन उपक्रमांसह राज्यात राबविण्याचे निर्देश दिले.
शासकीय व स्थानिक स्वराज्य संस्थांच्या शाळा यांचा एक गट आणि उर्वरित इतर सर्व व्यवस्थापनांच्या शाळा यांचा एक गट अशा दोन वर्गवारीत हे अभियान राबविण्यात आले. या अभियानात यशस्वी ठरलेल्या शाळांना रोख स्वरूपात पारितोषिक देण्यात आले. दरम्यान, पालघर जिल्ह्यातील एका तालुक्यातील तीन अशाप्रकारे आठ तालुक्यांमधील ४८ शाळांची निवड करण्यात आली असून संबंधित शाळांना तालुका स्तरातून प्रथम, द्वितीय आणि तृतीय क्रमांकाचे बक्षीस देण्यात आले आहे. तालुक्यातून प्रथम क्रमांक पटकाविणाऱ्या शाळांना ३ लाख रुपये, द्वितीय २ लाख रुपये आणि तृतीय क्रमांक पटकविणाऱ्या शाळेला १ लाख रुपये बक्षीस म्हणून देण्यात आले आहेत.
मुंबई : भारत-पाकिस्तान यांच्यातील तणावामुळे आयपीएल सामने स्थगित करण्यात आले होते. मात्र आता या दोन्ही देशात युद्धविराम झाल्यानंतर पुन्हा आयपीएल ...
हिरडपाडा शाळा बक्षिसास ठरली पात्र
जिल्हास्तरावर प्रथम क्रमांक पटकावून ११ लाखांच्या बक्षिसास पात्र ठरलेल्या शाळेमध्ये शासकीय शाळा गटात जिल्हा परिषद शाळा झरी धांगडपाडा क्रमांक २ तर, खासगी शाळा गटात अनुदानित माध्यमिक आश्रम विद्यालय झरी या शाळांचा समावेश आहे. द्वितीय क्रमांक आणि ५ लाखांच्या बक्षिसास पात्र ठरलेल्या शाळेमध्ये शासकीय शाळा गटातून जिल्हा परिषद शाळा विलोशी आणि खासगी शाळा गटातून एस. पी. एच. हायस्कूल आणि पी. जी. ज्युनिअर कॉलेज या शाळेचा समावेश आहे तसेच जिल्हा परिषद अर्नाळा किल्ला या शाळेने शासकीय गटातून तिसरा क्रमांक आणि ३ लाखांचे बक्षीस मिळविले असून खासगी शाळा गटातून एकलव्य माध्यमिक आश्रम शाळा हिरडपाडा ही शाळा या बक्षीसास पात्र ठरली आहे.