भाईंदर : मीरा-भाईंदर शहरातील गरजू विद्यार्थ्यांना महापालिकेच्या शाळेत चांगल्या दर्जाचे शिक्षण मिळावे यासाठी पटसंख्येच्या तुलनेत आकृतीबंध नियमानुसार आवश्यक शिक्षकांची पूर्ण पदे असल्याने आता नवीन शैक्षणिक वर्षासाठी महापालिका शाळेचे शिक्षक सज्ज झाले आहेत. मीरा-भाईंदर शहरातील आदिवासी पाडे, ग्रामीण भाग यातील सर्वसामान्य पालक आपल्या पाल्यांना पालिकेच्या शाळेत पाठवतात.
ठाणे : उन्हाळ्याला सुरुवात झाली असून वाढत्या तापमानानुसार पाण्याच्या पातळीत घट होत चालली आहे. अशातच ऐन उन्हाच्या कडाक्यात नागरिकांना पाणीटंचाईच्या ...
शहरात महापालिकेच्या ३६ शाळा असून त्यात २२ मराठी माध्यमाच्या, ४ हिंदी माध्यमाच्या, गुजराती आणि उर्दू माध्यमाच्या प्रत्येकी ५ असा सामावेश असून ८,५०० विद्यार्थी शिक्षण घेत आहेत. त्यांच्यासाठी १४३ शिक्षक कार्यरत आहेत. महापालिकेच्या आकृतीबंध नियमानुसार २२५ शिक्षकांची पदे मंजूर आहेत. महापालिकेने १४३ स्थायी शिक्षकांसोबत ६३ शिक्षण सेवक, ३५ ठोक मानधनावर शिक्षकांची नियुक्ती केली आहे. त्यामुळे शिक्षकांची संख्या २४१ झाली आहे. त्यामुळे नवीन शैक्षणिक वर्षात विद्यार्थ्यांना अधिक चांगल्या प्रकारे शिक्षण देण्यासाठी महापालिकेचे शिक्षक सज्ज झाले आहेत.