Kesari Chapter 2 : अक्षय कुमारचा 'केसरी 2' फ्लॉप! ६ दिवस उलटूनही गल्ला रिकामीच

  93

मुंबई : बॉलीवूड (Bollywood) चित्रपटसृष्टीत सातत्याने नवनवीन चित्रपट प्रेक्षकांच्या भेटीस येत आहेत. गेल्या काही दिवसांत तिकिट काउंटरवर तीन दिग्गज सुपरस्टारचे चित्रपट प्रदर्शित झाले. पहिल्या ईदला सलमान खानचा 'सिकंदर', दुसऱ्या १० एप्रिलला सनी देओलचा 'जाट' आणि तिसऱ्या दिवशी अक्षय कुमारचा (Akshay Kumar) 'केसरी चॅप्टर २' (Kesari Chapter 2) हा चित्रपट प्रदर्शित झाला. त्यामुळे बॉक्स ऑफिसचा गल्ला कोणाचा भरणार हे पाहणं महत्त्वाचं होत. मात्र सलमान खानचा सिकंदर चित्रपट प्रेक्षकांच्या पसंतीस न उतरल्यामुळे तो सुरुवातीलाच फ्लॉप होत असल्याची माहिती मिळाली. दरम्यान, जाट चित्रपट मंद गतीने एकामागून एक विक्रम मोडत आहे. तर अक्षय कुमारचा 'केसरी २' प्रदर्शित होऊन ६ दिवस उलटल्यानंतरही त्याचा गल्ला रिकामाच असल्याचे दिसत आहे. त्यामुळे अक्षय कुमार पुन्हा फ्लॉप होत असल्याची चिन्हे दिसून येत आहे.



'केसरी २' बॉक्स ऑफिसवर (Kesari Chapter 2 Collection) दररोज सरासरी कलेक्शन करत होता. त्यानंतर सनी देओलच्या 'जाट' चित्रपटाशी टक्कर झाल्यानंतर चित्रपटाने दररोज कोट्यवधींची कमाई केली. पण आता 'केसरी २' चा वेग मंदावला असून या चित्रपटाच्या कलेक्शनमध्ये आता मोठी घट होत असल्याचे समोर आले आहे.



'केसरी २'ची आतापर्यंतची कमाई  


'केसरी २' च्या सहाव्या दिवसाच्या कलेक्शनचे सुरुवातीचे आकडे समोर आले आहेत. त्यानुसार अक्षय कुमारच्या चित्रपटाने आतापर्यंत बॉक्स ऑफिसवर ३.२० कोटी रुपये कमावले आहेत. आता चित्रपटाचं एकूण कलेक्शन ४२.२० कोटी रुपये झाले आहेत. चित्रपटाचं बजेट १५० कोटी रुपये असून 'केसरी २'ची ही कमाई बजेटच्या एक तृतीयांशही नाही. अशा परिस्थितीत अक्षय कुमारच्या खात्यात आणखी एक फ्लॉप चित्रपट जमा होणार आहे, असे दिसत आहे. (Kesari Chapter 2 Collection)



सातव्या दिवशी किती होईल कमाई?


'केसरी चॅप्टर २' १८ एप्रिल रोजी बॉक्स ऑफिसवर प्रदर्शित झाला. चित्रपटाने सहाव्या दिवशी म्हणजे बुधवारी ३.४३ कोटी रुपये कमावले. सहाव्या दिवशी कमाईत मोठी घट झाली. करण सिंग त्यागी दिग्दर्शित या चित्रपटाची सुरुवात एक अंकी कमाईने झाली. सातव्या दिवसाचे आकडे बाहेर आले आहेत आणि ते अजूनही खूपच कमी आहेत. अंतिम आकडेवारी सायंकाळी समोर येईल.

Comments
Add Comment

विजय देवरकोंडावर होणार पोलीस कारवाई ?

  दाक्षिणात्य अभिनेता विजय देवरकोंडा नेहमीच त्याच्या अनोख्या अंदाजामुळे आणि चित्रपटांमुळे चर्चेच्या

रश्मिकाच्या या लूकने प्रेक्षक घाबरले; श्रीवल्लीचा उग्र अवतार पाहिला का ?

अभिनेत्री रश्मिका मंदाना कायमच निरनिराळ्या अंदाजात प्रेक्षकांसमोर येऊन त्यांची मन जिंकते. नॅशनल क्रश असणारी

सावरकरांचं ‘संगीत संन्यस्त खड्ग’ पुन्हा रंगमंचावर

मुंबई :'संगीत संन्यस्त खड्ग' हे नाटक सावरकर दर्शन प्रतिष्ठानच्या वतीने नव्या स्वरूपात रंगमंचावर येणार आहे.या

दादरमध्ये सुरांच्या रूपात अवतरणार पंढरपूर

मुंबई : सध्या संपूर्ण महाराष्ट्रात वारीच्या निमित्ताने भक्तिपूर्ण वातावरण पाहायला मिळत आहे. देवाला आळविण्याचा

'त्या गे व्यक्तीने मला नको तिथे स्पर्श केला...', अभिषेक कुमारचा धक्कादायक अनुभव

मुंबई: 'बिग बॉस १७' मुळे घराघरात पोहोचलेला अभिनेता अभिषेक कुमारने (Abhishek Kumar) नुकताच कास्टिंग काऊचचा एक धक्कादायक

प्रेक्षक म्हणतात झी मराठीवर जुने दिवस नव्याने येणार ....तेजश्री प्रधानच सिनेसृष्टीतील बड्या अभिनेत्यासोबत पुनरागमन

     सध्या झी मराठीवर एका ट्रेलर ने धुमाकूळ घातला आहे आणि तो ट्रेलर म्हणजे तेजश्री प्रधान आणि सुबोध भावे यांची