US Tarrif : अमेरिकेत आयात होणाऱ्या चिनी मालावर आता २४५ टक्के आयात शुल्क लागू

  151

वॉशिंग्टन : अमेरिकेत आयात होणाऱ्या चिनी मालावर आता २४५ टक्के आयात शुल्क (टॅरिफ) लागू होणार आहे. इतर देशांवर वाढीव आयात शुल्क लागू करण्याचा निर्णय अमेरिकेने स्थगित केला आहे. यामुळे चीनमधून अमेरिकेत आयात होणाऱ्या वस्तू आणि सेवांच्या किंमतीत आता प्रचंड वाढ होणार आत. या उलट इतर देशांतून आयात होणाऱ्या वस्तूंवर तुलनेत कमी आयात शुल्क असेल. यामुळे चिनी वस्तू आणि सेवा अमेरिकेत महाग होणार आहे. याचा चिनी मालाच्या खरेदीवर प्रतिकूल परिणाम होण्याची शक्यता आहे. चिनी मालाच्या खरेदीत घट होण्याची तसेच चिनी मालाला असलेली अमेरिकेतली मागणीच कमी होण्याची शक्यता व्यक्त होत आहे.



अमेरिकेने सुधारित आयात शुल्क (टॅरिफ) धोरण जाहीर केले. यानंतर भारतासह अनेक देशांनी आयात शुल्क या मुद्यावर अमेरिकेशी बातमीत करण्याची तयारी दाखवली. यामुळे अमेरिकेने संबंधित देशांवरील वाढीव आयात शुल्काचा निर्णय स्थगित केला. पण चीनने अमेरिकेच्या सुधारित आयात शुल्क (टॅरिफ) धोरणाला प्रत्युत्तर म्हणून अमेरिकेच्या चीनमध्ये आयात होणाऱ्या मालावर (वस्तू आणि सेवा) वाढीव आयात शुल्क लागू केले. या निर्णयाचे पडसाद उमटले. अमेरिकेने चिनी मालावर एकूण २४५ टक्के आयात शुल्क (टॅरिफ) लागू होईल, असे जाहीर केले. अध्यक्ष डोनाल्ड ट्रम्प यांच्या स्वाक्षरीने नवा आदेश जारी झाला.



ट्रम्प यांनी सुधारित आयात शुल्क (टॅरिफ) जाहीर करण्याआधी चिनी मालावर अमेरिकेत वीस टक्के आयात शुल्क लागू होते. ट्रम्प यांनी चिनी मालावर आधी १२५ टक्के आयात शुल्क लागू केले. यामुळे चीनवरील एकूण आयात शुल्क १४५ टक्के झाले. आता यात आणखी १०० टक्क्यांची वाढ करुन अमेरिकेने चिनी मालावर (वस्तू आणि सेवा) एकूण २४५ टक्के आयात शुल्क (टॅरिफ) लागू होईल, असे जाहीर केले.
Comments
Add Comment

न्यूयॉर्कमध्ये भारतीयांना घेऊन जात असलेल्या बसला अपघात, पाच ठार

न्यूयॉर्क : अमेरिकेतून एक दुःखद बातमी आली आहे. न्यूयॉर्क राज्य महामार्गावर एका बसचा अपघात झाला. नायगरा

अमेरिकेत ५.५ कोटी व्हिसाधारकांवर धोक्याची टांगती तलवार, नियमांचे उल्लंघन केल्यास रद्द होणार व्हिसा

वॉशिंग्टन: अमेरिकेत स्थायिक झालेले किंवा तिथे व्हिसावर वास्तव्यास असलेल्या ५.५ कोटी परदेशी नागरिकांच्या

दक्षिण अमेरिकेत ८ रिश्टर क्षमतेचा भूकंप

वॉशिंग्टन डीसी : भारतीय वेळेनुसार शुक्रवारी सकाळी सात वाजून ४६ मिनिटांनी दक्षिण अमेरिकेत ८.० रिश्टर क्षमतेच्या

'श्री गणेश करूया...' म्हणत रशियन राजदूताने सुरू केली अमेिरकेवर टीका

भारत संबंधांवर परिणाम होणार नसल्याची रशियाकडून हमी मॉस्को : रशियाकडून भारताला मिळणाऱ्या कच्च्या तेलाची आयात

गाझा पट्टीत इस्रायलचे सैनिक, गाझा ताब्यात घेणार

गाझा : इस्रायलच्या सैन्य तुकड्या गाझा पट्टीत घुसू लागल्या आहेत. शक्य तितक्या लवकर संपूर्ण गाझा पट्टी ताब्यात

युद्ध संपणार! पुतिन आणि झेलेन्स्की यांच्यातील भेट लवकरच, व्हाईट हाऊसमध्ये बैठकीनंतर ट्रम्प यांची घोषणा

वॉशिंग्टन: रशिया आणि युक्रेन यांच्यातील युद्ध थांबवण्यासाठी अमेरिकेचे राष्ट्राध्यक्ष डोनाल्ड ट्रम्प यांनी