Dr. Ambedkar Jayanti : डॉ. बाबासाहेब आंबेडकर जयंती निमित्त टूर सर्कीट

मुंबई : भारतरत्न डॉ. बाबासाहेब आंबेडकर यांच्या १३४व्या जयंतीचे निमित्त साधून त्यांच्या कार्याचे महत्त्व समजावून सांगण्यासाठी डॉ. बाबासाहेब आंबेडकर टूर सर्कीट सहलीचे आयोजन करण्यात आले आहे. डॉ. बाबासाहेब आंबेडकर यांच्या जीवनाशी निगडीत महत्त्वाच्या स्थळांचा सहलीत समावेश करण्यात आला आहे. या सहलीचे १४ आणि १५ एप्रिल रोजी मुंबई, नाशिक आणि नागपूर येथे आयोजन करण्यात येणार आहे.



डॉ. बाबासाहेब आंबेडकर टूर सर्कीटमध्ये मुंबईतील दादर येथे असलेली चैत्यभूमी, राजगृह, प्रिंटिंग प्रेस, परळ येथील बीआयटी चाळ, वडाळा येथील डॉ. बाबासाहेब आंबेडकर महाविद्यालय, फोर्ट येथील सिद्धार्थ महाविद्यालय या ठिकाणांचा समावेश आहे. तसेच नाशिकमधील येवले मुक्तिभूमी, त्रिरश्मी लेणी आणि काळाराम मंदिर या ठिकाणांचा समावेश आहे. या व्यतिरिक्त नागपूर येथील दीक्षाभूमी, डॉ. बाबासाहेब आंबेडकर संग्रहालय, कामठी येथील ड्रॅगन पॅलेस आणि नागलोक विहार या स्थळांचा टूर सर्कीटमध्ये समावेश आहे. टूर सर्किटद्वारे डॉ. बाबासाहेब आंबेडकर यांच्या कार्याची माहिती लोकांना देणे आणि त्यापासून प्रेरणा घेण्याची संधी मिळवून देणे हाच उद्देश आहे. डॉ. बाबासाहेब आंबेडकर यांचे सामाजिक समतेसाठीचे काम शिक्षण क्षेत्रातील कार्य आणि संविधाननिर्मितीतील त्यांचे योगदान यांचे महत्त्व सर्वसामान्य नागरिक आणि पर्यटकांपर्यंत पोहोचविण्याचा हा सरकारचा प्रयत्न आहे.



टूर सर्किट म्हणजे सामाजिक समता आणि ज्ञानप्रसाराचे प्रतीक आहे. बाबासाहेबांचे विचार आणि कार्य आजही लाखो लोकांना प्रेरणा देते. या टूर सर्किटद्वारे त्यांच्या जीवनाशी निगडीत स्थळांना भेट देऊन पर्यटकांना त्यांचा समृद्ध वारसा समजण्याची संधी मिळेल, असे पर्यटन मंत्री शंभुराज देसाई म्हणाले.

टूर सर्किट
ठिकाणे : मुंबई, नाशिक आणि नागपूर
कालावधी : १४-१५ एप्रिल
सुविधा : प्रत्येक शहरात दररोज दोन बसद्वारे सहल, टूर गाइड, अल्पोपहार, प्रथमोपचार, पिण्याचे पाणी आणि डॉ. बाबासाहेब आंबेडकर यांच्या जीवनावर आधारित माहिती पुस्तिकेचे वितरण
संपर्क : मुंबई ९९६९९७६९६६ । नाशिक ९६०७५२७७६३ / ९६५७०२१४५६ । नागपूर ९७६४४८१९१३/ ७२१८७८३५१५
Comments
Add Comment

पक्षप्रतिमा जपण्यासाठी अजित पवार संघापासून चार हात दूरच!

मुंबई  : तळेगाव दाभाडे नगर परिषदेच्या नवीन इमारतीच्या उद्घाटनाचा कार्यक्रम सोमवारी पार पडला. हा कार्यक्रम

पश्चिम रेल्वेवर रात्रकालीन ब्लॉक

मुंबई : पश्चिम रेल्वेवर दि. २५ ते २६ ऑक्टोबरच्या मध्यरात्री वसई रोड आणि भाईंदर स्थानकांदरम्यान अप जलद मार्गावर

Mumbai Megablock : मेगा 'ब्लॉक डे' मुंबईकरांना सतावणार! 'लाईफलाईन' लोकलची दुरुस्ती; कोणत्या मार्गांवर सेवा पूर्णपणे बंद राहणार?

मुंबई : मुंबईची लाईफलाइन (Mumbai Lifeline) असलेली उपनगरीय रेल्वे (Suburban Railway) लाखो प्रवाशांना घेऊन अविरत धावत असते. या लोकलच्या

यंदाच्या छठ पुजेत विरोधही होणार मावळ, काय आहे कारण...

मुंबई (खास प्रतिनिधी): मुंबई महापालिका सार्वत्रिक निवडणुकीच्या पार्श्वभूमीवर मोठी यंदा छठ पुजेच्या निमित्ताने

महापालिकेच्या विद्यार्थ्यांसाठी १९,३१७ नवीन टॅबची खरेदी

मुंबई (सचिन धानजी): मुंबई महापालिकेच्या शालेय विद्यार्थ्यांना वाटप करण्यात आलेले टॅब आता जुने झाल्याने नव्याने

पाऊस पडल्यामुळे मुंबईची हवा झाली एकदम 'स्वच्छ'!

मुंबई : मुंबईत रात्री झालेल्या पावसामुळे मुंबईकरांना काही दिवसांपासूनच्या उष्णतेपासून आणि प्रदूषणापासून थोडा