Giorgia Meloni : विमान-रेल्वे...सर्व काही ठप्प; मेलोनींच्या इटलीमध्ये आणीबाणीसारखी परिस्थिती

  113

रोम : जॉर्जिया मेलोनी यांच्या नेतृत्वातील इटलीमध्ये बहुतांश वाहतूकदारांनी (ट्रांसपोर्टर्स) ९ ते १२ एप्रिलदरम्यान देशव्यापी संप पुकारला आहे. या संपात विमान कंपन्यांपासून ते रेल्वे अन् खासगी क्षेत्रातील लोकांनी भाग घेतला आहे. त्यामुळेच चार दिवस देशभरात आणीबाणीसारखी परिस्थिती निर्माण झाली आहे. मेलोनी सरकार हा संप संपवण्याच्या दिशेने पाऊले उचलत आहे.


मिळालेल्या माहितीनुसार, बजेट एअरलाइन इझीजेटच्या फ्लाइट असिस्टंटनी ९ एप्रिल रोजी चार तासांच्या देशव्यापी संपाची घोषणा केली आहे. सकाळी १०.३० ते दुपारी २.३० वाजेपर्यंत हा संप चालला. कामगार करार सुधारण्यासाठी सुरू असलेल्या चर्चा अयशस्वी झाल्याचे संघटनांचे म्हणणे आहे. इझीजेटने अद्याप कोणतीही उड्डाणे रद्द केलेली नसली तरी, प्रवाशांना त्यांच्या उड्डाणांबद्दल माहिती एअरलाइनकडून घेण्याचा सल्ला देण्यात आला आहे.



या संपामुळे रेल्वे प्रवाशांनाही मोठ्या अडचणींचा सामना करावा लागू शकतो. एसआय-कोबास युनियनने १० एप्रिल रोजी रात्री ९ ते ११ एप्रिल रोजी रात्री ९ पर्यंत २४ तासांचा रेल्वे संप पुकारला आहे. या गाड्या चालवणारी कंपनी ट्रेनॉर्डने म्हटले आहे की, या संपामुळे प्रादेशिक आणि लांब पल्ल्याच्या सेवांवर परिणाम होऊ शकतो. मात्र, काही अत्यावश्यक सेवा सकाळी ६ ते ९ आणि संध्याकाळी ९ ते रात्री ९ या वेळेत सुरू राहतील.


या संपांमुळे मेलोनी सरकारसमोर अडचणी निर्माण झाल्या आहेत. केवळ कामगार संघटनाच संतप्त नाहीत, तर सामान्य जनताही गैरसोयींमुळे त्रस्त आहे. वाहतूक क्षेत्रातील या अशांततेचा इटलीच्या प्रतिमेवरही परिणाम होत आहे, विशेषतः देश पर्यटन हंगामाकडे वाटचाल करत असताना हा संप पुकारल्यामुळे मोठे नुकसान होऊ शकते. आता मेलोनी सरकार या संकटाचा कसा सामना करते आणि प्रवाशांना लवकरच दिलासा मिळतो का हे पाहणे बाकी आहे.

Comments
Add Comment

लंडनमध्ये भारतीय रेस्टॉरंटला आग; पाच जण जखमी

लंडन: लंडनमध्ये एका भारतीय रेस्टॉरंटमध्ये आग लावल्याची धक्कादायक घटना समोर

स्वातंत्र्यदिनी युक्रेनचा रशियाच्या अण्वस्त्र प्रकल्पावर ड्रोन हल्ला; मोठा स्फोट होऊन आग

मॉस्को: युक्रेनने रशियाच्या ऊर्जा प्रकल्पांवर पुन्हा एकदा मोठा ड्रोन हल्ला केला आहे. युक्रेनच्या स्वातंत्र्य

न्यूयॉर्कमध्ये भारतीयांना घेऊन जात असलेल्या बसला अपघात, पाच ठार

न्यूयॉर्क : अमेरिकेतून एक दुःखद बातमी आली आहे. न्यूयॉर्क राज्य महामार्गावर एका बसचा अपघात झाला. नायगरा

अमेरिकेत ५.५ कोटी व्हिसाधारकांवर धोक्याची टांगती तलवार, नियमांचे उल्लंघन केल्यास रद्द होणार व्हिसा

वॉशिंग्टन: अमेरिकेत स्थायिक झालेले किंवा तिथे व्हिसावर वास्तव्यास असलेल्या ५.५ कोटी परदेशी नागरिकांच्या

दक्षिण अमेरिकेत ८ रिश्टर क्षमतेचा भूकंप

वॉशिंग्टन डीसी : भारतीय वेळेनुसार शुक्रवारी सकाळी सात वाजून ४६ मिनिटांनी दक्षिण अमेरिकेत ८.० रिश्टर क्षमतेच्या

'श्री गणेश करूया...' म्हणत रशियन राजदूताने सुरू केली अमेिरकेवर टीका

भारत संबंधांवर परिणाम होणार नसल्याची रशियाकडून हमी मॉस्को : रशियाकडून भारताला मिळणाऱ्या कच्च्या तेलाची आयात