मुंबई: भगवान हनुमानाचा जन्मदिवस हा हनुमान जयंती म्हणून साजरा केला जातो. या वर्षी हनुमान जयंती १२ एप्रिलला शनिवारी साजरी केली जात आहे. पुराणानुसार हनुमानला श्रीरामांचे परमभक्त म्हणून ओळखले जाते.
या दिवशी भक्तीभावाने हनुमानाची पूजा, उपासना केली तर जीवनातील संकटे दूर होतात. यावेळेस हनुमान जयंती खूप खास मानली जात आहे. कारण या दिवशी चंद्र तूळ राशीत प्रवेश करणार आहे तर मंगळ नक्षत्र परिवर्तन करत आहे.
याशिवाय या दिवशी चैत्र पोर्णिमा, चित्रा नक्षत्र आणि वज्र योग यांचा दुर्लभ संयोग होत आहे. यामुळे काही राशींसाठी चांगले परिणाम देणारा ठरणार आहे.
वृषभ
हनुमान जयंती वृषभ राशीच्या लोकांसाठी अनुकूल असणार आङे. अचानक लाभ होण्याची शक्यता आहे. प्रत्येक कामात यश मिळेल. उत्पन्नाचे स्त्रोत वाढतील. तसेच समाजात प्रतिष्ठाही वाढेल.
कर्क
हनुमान जयंतीला बनत असलेल्या विशेष योगामुळे कर्क राशीच्या लोकांना शुभ लाभ होणार आहेत. मान-सन्मान तसेच पद प्राप्ती होईल. हनुमानाच्या कृपेने आरोग्य चांगले राहील आणि नशिबाची पूर्ण साथ मिळेल.
कन्या
हनुमान जयंती कन्या राशीच्या लोकांसाठी सौभाग्यापेक्षा कमी असणार नाही. आर्थिक लाभाचे योग प्रबळ आहेत. व्यवसायात चांगला लाभ होईल. वैवाहिक जीवनात सुख-शांती राहील. तसेच दीर्घकाळापासून प्रलंबित असलेली कामे पूर्ण होतील.