Pune : रुग्णालय पैशांसाठी अडल्यामुळेच गेला गर्भवतीचा बळी

  86

पुणे : पुण्याचे दिनानाथ मंगेशकर रुग्णालय डिपॉझिटच्या १० लाख रुपयांसाठी अडून बसले. तनिषा भिसे या महिलेवर त्यांनी आवश्यक ते उपचार केले नाही. रक्तस्राव वाढला, तनिषा भिसे यांची तब्येत खालावली. नंतर त्यांना दुसऱ्या रुग्णालयात नेण्यात आले. पण तोपर्यंत वेळ निघून गेली होती. यामुळे सूर्या रुग्णालयाने उपचार केले तरी तनिषा यांना वाचवणे त्यांना शक्य झाले नाही. या प्रकरणात मंगेशकर रुग्णालय पैशांसाठी अडल्यामुळेच गरोदर असलेल्या तनिषा भिसे यांचा मृत्यू झाला; असा अहवाल आहे. तनिषा भिसेंचा मृत्यू हा माता मृत्यू आहे. या प्रकरणात माता मृत्यू अन्वेषण समिती सखोल चौकशी करेल आणि दोषींवर कायद्यातील तरतुदींनुसार कारवाई होईल; अशी माहिती राज्य महिला आयोगाच्या अध्यक्ष रुपाली चाकणकर यांनी दिली.



पुण्यात राहणाऱ्या तनिषा भिसे या गरोदर महिलेची वैद्यकीय फाईल दिनानाथ मंगेशकर रुग्णालयात होती. मंगेशकर रुग्णालयात प्रॅक्टिस करणारे डॉक्टर घैसास तनिषा भिसेंवर उपचार करत होते. डॉक्टरांनीच तनिषा यांना प्रसूतीसाठी २ एप्रिल ही तारीख दिली होती. पण २८ मार्च रोजी रक्तस्राव सुरू झाल्यामुळे तनिषा भिसे यांना घरच्यांनी तातडीने मंगेशकर रुग्णालयात नेले. डॉक्टरांनी प्रसूतीसाठी शस्त्रक्रिया करावी लागेल, असे सांगितले. प्रसूतीसाठी सिझेरियन करण्याआधी रुग्णालयाने १० लाख डिपॉझिट मागितले. भिसे कुटुंबाने तीन लाख रुपये लगेच जमा करण्याची तयारी दाखवली. उर्वरित रकमेची व्यवस्था पुढील तीन ते चार तासांत करतो नाहीतर दुसऱ्या दिवसापर्यंत नक्की करतो अशी ग्वाही भिसे कुटुंबाने दिली. पण रुग्णालय पैशांसाठी अडून बसले. अखेर नातलगांनी तनिषा भिसे यांना सूर्या रुग्णालयात नेले. तिथे रुग्णालयाने उपचार सुरू केले पण अती रक्तस्राव झाल्यामुळे तनिषा यांचा मृत्यू झाला. प्रसूती झाली पण मातेला वाचवणे सूर्या रुग्णालयाला शक्य झाले नाही.



मंगेशकर रुग्णालयाने पैशांना प्राधान्य दिले यामुळेच गरोदर महिलेने जीव गमावला. आता माता मृत्यू अन्वेषण समिती सखोल चौकशी करेल आणि दोषींवर कायद्यातील तरतुदींनुसार कारवाई होईल; अशी माहिती राज्य महिला आयोगाच्या अध्यक्ष रुपाली चाकणकर यांनी दिली.
Comments
Add Comment

मुंबईत ४ सप्टेंबरपर्यंत आंदोलन करण्याचे जरांगेंचे संकेत!

आंदोलनासाठी एक दिवसाच्या मुदतवाढीनंतर जरांगेची प्रतिक्रिया मुंबई:  मराठा आंदोलक मनोज जरांगे पाटील (Manoj Jarange Patil )

Ajit Pawar Onion Issue: अजित पवारांवर कांद्याची माळ फेकण्याचा प्रयत्न, 'कांदा' प्रश्नावर संभाजी ब्रिगेड आक्रमक

अहिल्यानगर: आज श्रीगोंदा (ahilyanagar) येथे उपमुख्यमंत्री अजित पवारांच्या (Ajit pawar) दिशेने कांद्याची माळ फेकण्याचा प्रयत्न

शिवसेना आमदार अमोल खताळ यांच्यावर हल्ला

संगमनेर : संगमनेर विधानसभेचे शिवसेनेचे आमदार अमोल खताळ यांच्यावर हल्ला झाल्याची घटना गुरुवारी संध्याकाळी ७.४०

विरार दुर्घटना : मृतांच्या कुटुंबियांना ५ लाखांची मदत जाहीर

मुंबई : विरार भागात एक इमारत कोसळून झालेल्या दुर्घटनेत आतापर्यंत 17 जणांचा मृत्यू झालेला आहे, याबद्दल मुख्यमंत्री

Dagdusheth Halwai Ganpati Atharvashirsha : दगडूशेठ गणपतीसमोर ३५ हजार महिलांचे एकत्रित अथर्वशीर्ष पठण; खासदार सुनेत्रा पवारांचीदेखील खास उपस्थिती

पुणे : गणेशोत्सवाच्या दुसऱ्या दिवसाची सुरुवात पुण्यात भक्तिभाव आणि मंत्रोच्चारांच्या गजरात झाली. शहरातील

गडचिरोली जिल्ह्यात चकमक, एवढे जहाल नक्षलवादी ठार

गडचिरोली : महाराष्ट्रातील गडचिरोली जिल्ह्यात सुरक्षा पथक आणि नक्षलवादी यांच्यात चकमक झाली. या चकमकीत चार जहाल