अमेरिकेचे नवे टॅरिफ धोरण जाहीर; मेक्सिको, कॅनडा आणि चीनला फटका तर भारताचे किरकोळ नुकसान

  129

वॉशिंग्टन : अमेरिकेने नवे टॅरिफ धोरण जाहीर केले आहे. या धोरणाचा सर्वाधिक फटका मेक्सिको, कॅनडा आणि चीन या तीन देशांना बसणार आहे. भारताला अमेरिकेने लावलेल्या टॅरिफमुळे ०.०१ टक्के नुकसान होईल असा प्राथमिक अंदाज आहे.





भारत अमेरिकेला ज्या वस्तू निर्यात करतो त्यातील काही वस्तू अमेरिकेत तयार होणाऱ्या उत्पादनासाठी कच्चा माल म्हणून आवश्यक आहेत. तसेच काही भारतातून निर्यात होणाऱ्या वस्तू अमेरिकेत मोठ्या प्रमाणात वापरल्या जातात. या वस्तूंना व्यापक जनहिताचा विचार करुन टॅरिफमधून वगळण्यात आले आहे. यामुळे अमेरिकेच्या नव्या टॅरिफचा भारताला जास्त फटका बसणार नाही. याउलट चीनवर आधीच २० टक्के टॅरिफ होता. आता आणखी ३४ टक्के टॅरिफ लागू होणार आहे. यामुळे चिनी वस्तूंवर अमेरिकेत थेट ५४ टक्के टॅरिफ लागू होणार आहे. या निर्णयाचा फटका चीनला बसणार आहे. चिनी वस्तू अमेरिकेत महाग होणार आहेत.





पंतप्रधान नरेंद्र मोदी माझे मित्र आहेत असे म्हणणाऱ्या ट्रम्प यांनी भारत अमेरिकेसाठी एक महत्त्वाचा देश असल्यामुळे भारताच्या बाबतीतले टॅरिफ धोरण लवचिक ठेवले आहे. निवडक वस्तूंवरच २६ टक्के टॅरिफ लागू केला आहे. यामुळे भारतीयांना जास्त फटका बसणार नाही. ट्रम्प प्रशासनाने युरोपियन यूनियनच्या वस्तूंवर २०, जपानच्या वस्तूंवर २४, दक्षिण कोरियाच्या वस्तूंवर २५, चिनी वस्तूंवर ३४ टक्के टॅरिफ नव्याने लागू केला आहे. अमेरिकेच्या नव्या टॅरिफ धोरणामुळे जगात नवे टॅरिफ युद्ध सुरू होण्याची शक्यता व्यक्त होत आहे. या टॅरिफ युद्धामुळे जागतिक पातळीवर आर्थिक मंदीची भीती व्यक्त होत आहे. अनेक देशांच्या जीडीपी अर्थात विकास दरावर प्रतिकूल परिणाम होण्याचीही शक्यता आहे.

अमेरिकेने लागू केलेल्या नव्या टॅरिफमुळे भारताच्या जीडीपीवर जास्तीत जास्त ०.०१ टक्के प्रतिकूल परिणामाची शक्यता व्यक्त होत आहे. कॅनडा आणि मेक्सिकोतून येणाऱ्या वस्तूंवर अमेरिकेने फेब्रुवारीपासून २५ टक्के टॅरिफ लागू केला आहे. यामुळे मेक्सिकोचा जीडीपी दोन टक्क्यांनी घसरला आहे. ट्रम्प प्रशासनाच्या नव्या टॅरिफमुळे कॅनडाच्या जीडीपीत १.०५ टक्क्यांची घट होण्याची चिन्हं आहेत. व्हिएतनामचा जीडीपी ०.९९ टक्क्यांनी वाढला आहे. थायलंडचा जीडीपी ०.९३ टक्के, तैवानचा जीडीपी ०.६८ टक्के, स्वित्झर्लंडचा जीडीपी ०.५९ टक्के, दक्षिण कोरियाचा जीडीपी ०.५८ टक्के, चीनचा जीडीपी ०.४८ टक्के, जपानचा जीडीपी ०.१९ टक्के, इंडोनेशियाचा जीडीपी ०.२० टक्के ने घसरण्याची शक्यता आहे. अमेरिकेच्या जीडीपीलाही ०.४९ टक्के फटका बसण्याची शक्यता आहे.
Comments
Add Comment

शुभांशू शुक्ला आंतरराष्ट्रीय अंतराळ स्थानकात कोणते प्रयोग करणार ?

आंतरराष्ट्रीय अंतराळ स्थानक : शुभांशू शुक्ला हे अंतराळात गेलेले दुसरे आणि आंतरराष्ट्रीय अंतराळ स्थानकावर

अमेरिकेच्या व्हिसासाठी अर्ज करणाऱ्यांच्या सोशल मीडियातील अस्तित्वाची चौकशी होणार

वॉशिंग्टन डी. सी. : अमेरिकेत जाण्याचे स्वप्न बघणाऱ्यांसाठी महत्त्वाची बातमी. आता अमेरिकेच्या व्हिसासाठी अर्ज

३ जणांना फाशी, ७०० जणांना अटक... इराणमध्ये मोसादच्या 'अंडरकव्हर एजंट्स'विरुद्ध जलद कारवाई

इराण इस्रायलच्या अंडरकव्हर एजंट्सविरुद्ध जलद कारवाई तेहरान: इराण आणि इस्रायल यांच्यात शस्त्रसंधी (Iran Israel Ceasefire) 

इराण-इस्रायल युद्ध : ट्रम्प यांच्या युद्धविरामाच्या घोषणेमुळे संभ्रम

पश्चिम आशियातील तणाव: ट्रम्प यांचा दावा, इराणने खोडला तेहरान : इराण-इस्रायल युद्धानं नवं वळण घेतलंय. इराणने

Mosquito Sized Drone: चीनने बनवला डासाच्या आकाराचा रोबोटिक्स ड्रोन, लष्करी ऑपरेशन्समध्ये होणार वापर

बीजिंग: चीनमध्ये एक मायक्रो ड्रोन विकसित करण्यात आला आहे, जो आकाराने डासाच्या आकाराचा आहे. यामुळे हा ड्रोन पकडणे

तोंडावर आपटले ट्रम्प,, युद्धबंदीच्या घोषणेनंतर इराणचे हल्ले सुरूच

तेल अविव: अमेरिकेचे राष्ट्राध्यक्ष डोनाल्ड ट्रम्प (Donald Trump) पुन्हा एकदा तोंडावर आपटले आहेत.  इराण इस्रायलमध्ये