Priya Bapat & Umesh Kamat New Home : गुढीपाडव्याच्या मुहूर्तावर प्रिया बापट अन् उमेश कामतने घेतलं नवीन घर!

  103

मुंबई : मराठी मनोरंजन विश्वातील आदर्श जोडी म्हणजे प्रिया बापट व उमेश कामत... लग्नाआधी जवळपास ८ वर्षे एकमेकांना डेट केल्यावर २०११ मध्ये प्रिया-उमेशने लग्नगाठ बांधली. मराठमोळ्या पद्धतीत या दोघांचा लग्नसोहळा पार पडला होता. हे सेलिब्रिटी कपल चाहत्यांमध्ये प्रचंड लोकप्रिय आहे. आज गुढीपाडव्याच्या शुभमुहूर्तावर या जोडीने त्यांच्या चाहत्यांना एक आनंदाची बातमी दिली आहे.


प्रिया व उमेश यांनी हक्काचं नवीन घर घेतलं आहे. अभिनेत्रीने गुढीपाडव्याच्या शुभेच्छा नव्या घरातील फोटो शेअर करत दिल्या आहेत. गेल्या काही महिन्यांपासून प्रिया-उमेशच्या घरी इंटिरियरचं काम चालू होतं. तेव्हापासूनच या जोडप्याचं नवीन घर पाहण्याची चाहत्यांच्या मनात उत्सुकता निर्माण झाली होती. अखेर गुढीपाडव्याच्या फोटोंमध्ये प्रिया-उमेशच्या नव्या घराची झलक चाहत्यांना पाहायला मिळाली आहे.





प्रियाने आठवड्याभरापूर्वीच पोस्ट शेअर करत, “आमच्या नवीन घरातील पहिला गुढीपाडवा” असा उल्लेख केला होता. त्यामुळे या दोघांच्या चाहत्यांनी नव्या घरासाठी दोघांवर कौतुकाचा वर्षाव केला आहे. तिचं नवीन घर पाहण्यासाठी चाहते उत्सुक असल्याच्या कमेंट्स देखील करण्यात आल्या आहेत.


प्रिया-उमेशचं २०११ मध्ये लग्न झाल्यावर या जोडप्याने नवीन घर खरेदी केलं होतं. याबद्दल उमेश कामत जुन्या मुलाखतीत म्हणाला होता, “२०११ साली माझं आणि प्रियाचं लग्न झालं. त्यानंतर आम्ही घर घेतलं. घर घेतल्यावर आमचा बँक बॅलन्स शून्य झाला होता. यानंतर मात्र आर्थिक घडी पुन्हा व्यवस्थित बसवण्यासाठी आम्ही पुन्हा जोमाने काम करु लागलो. पण स्व:कष्टातून मुंबईत स्वत:चं घर घेतल्याचा आनंद शब्दात व्यक्त करता येणार नाही.”




 दरम्यान, प्रिया बापट व उमेश कामत यांच्या कामाबद्दल सांगायचं झालं, तर या दोघांनी अनेक चित्रपट व मालिकांमध्ये एकत्र काम केलेलं आहे. सध्या ही जोडी रंगभूमीवरील ‘जर तरची गोष्ट’ या नाटकात एकत्र काम करत आहे.

Comments
Add Comment

"बाळाच्या रंगावरून बोलाल तर खबरदार..." टीव्ही अभिनेत्रीने ट्रोलर्सना खडसावले, केली थेट कायदेशीर कारवाई

हिंदी टीव्ही अभिनेत्री देवोलीना भट्टाचार्जीच्या ७ महिन्यांच्या बाळाला सावळ्या रंगामुळे ट्रोल करण्यात

'दशावतार' सिनेमाचा टीझर रिलीज, दिलीप प्रभावळकर यांच्या वाढदिवसानिमित्त खास भेट

मुंबई : ज्येष्ठ आणि लोकप्रिय अभिनेते दिलीप प्रभावळकर यांच्या वाढदिवसाच्या निमित्ताने त्यांच्या आगामी 'दशावतार'

राष्ट्रीय पुरस्कार जाहीर झाल्यानंतर राणी मुखर्जीने घेतले सिद्धिविनायकाचे दर्शन, फोटो झाले व्हायरल

मुंबई: 'मिसेस चॅटर्जी विरुद्ध नॉर्वे' या चित्रपटासाठी राणी मुखर्जीला सर्वोत्कृष्ट अभिनेत्रीचा पुरस्कार मिळाला

Red Soil Stories चे सुप्रसिद्ध यूट्यूबर शिरीष गवस यांचं निधन, वयाच्या ३३व्या वर्षी घेतला अखेरचा श्वास

कोकणातील खाद्यसंस्कृती यूट्यूब व्हिडीओच्या माध्यमातून लोकांपर्यंत पोहोचवणारे सुप्रसिद्ध Red Soil Stories चे युट्युबर

'दशावतार'च्या गूढ पोस्टरने वाढवली उत्सुकता; १२ सप्टेंबरला उलगडणार रहस्य!

मुंबई: झी स्टुडिओज प्रस्तुत आणि ओशन फिल्म कंपनी व ओशन आर्ट हाऊस निर्मित 'दशावतार' या आगामी मराठी चित्रपटाचे

राष्ट्रीय पुरस्कारांमध्ये ‘श्यामची आई’ सर्वोत्कृष्ट चित्रपट

बालकलाकार, तांत्रिक पुरस्कारांतही मराठी कलावंतांचा डंका नवी दिल्ली  : चित्रपटसृष्टीतील अत्यंत प्रतिष्ठेच्या