प्रहार    

सोलापूर : धक्कादायक! ५५ वर्षाच्या शिपायाकडून चिमुकलीवर ६ महिन्यांपासून अत्याचार

  129

सोलापूर : धक्कादायक! ५५ वर्षाच्या शिपायाकडून चिमुकलीवर ६ महिन्यांपासून अत्याचार

सोलापूर : शहराच्या मध्यवर्ती भागातील महापौर बंगला परिसरातील नामांकित शाळेत ‘एलकेजी’त शिकणाऱ्या चिमुकलीवर तेथील ५५ वर्षीय शिपायाने अत्याचार केल्याची घटना उघड झाली आहे. ऑक्टोबरपासून म्हणजे सहा महिन्यांपासून त्या चिमुकलीचा लैंगिक छळ होत असल्याचे पोलिस तपासात समोर आले आहे. पीडितेच्या आईने सदर बझार पोलिसांत फिर्याद दिल्यावर पोलिसांनी फ्रान्सिस आशिष पिंटो या शिपायाला शाळेतूनच जेरबंद केले. न्यायालयाने त्याला दोन दिवसांची पोलिस कोठडी ठोठावली असून गुन्ह्याचा तपास सहायक पोलिस आयुक्त यशवंत गवारी यांच्याकडे सोपविण्यात आला आहे.



५५ वर्षीय शिपाईने केला चिमुकलीचा छळ


बदलापूर घटनेनंतर संपूर्ण महाराष्ट्र हादरला होता. असाच प्रकार सोलापूर शहरातील एका नामांकित शाळेत घडला आहे. शाळेतील ५५ वर्षीय शिपाईच एलकेजी शिकणाऱ्या चिमुकलीचा छळ करीत होता. पीडितेच्या पोटात दुखू लागल्यावर हा प्रकार समोर आला आहे. संशयित आरोपी फ्रान्सिस पिंटो याची पोलिस कोठडी उद्या संपणार असून तपास अजून बाकी असल्याने आम्ही आरोपीची पोलिस कोठडी वाढवून घेणार असल्याचे तपास अधिकारी गवारी यांनी सांगितले.



प्रिन्सिपल मान्य करत नव्हते


शहराच्या मध्यवर्ती महापालिकेच्या जवळ असणाऱ्या नामांकित शाळेत हा प्रकार घडल्याने खळबळ उडाली आहे. हा प्रकार समजल्यावर असे काही झालेच नसावे, अशी भूमिका तेथील प्रिन्सिपलची होती, असे पोलिस सूत्रांनी सांगितले. पिन्सिपल दालनात सीसीटीव्ही कॉमेऱ्यांचे चित्रण २४ तास सुरू असते. तरीही हा प्रकार त्यांच्या लक्षात आला नाही. हा प्रकार गंभीर असल्याने वरिष्ठांच्या आदेशानुसार गुन्ह्याचा तपास पोलिस उपनिरीक्षकांकडून काढून सहायक पोलिस आयुक्तांकडे सोपविण्यात आला आहे.

Comments
Add Comment

इम्तियाज जलील यांच्या घरी होणार मटण-चिकन पार्टी, थेट मुख्यमंत्र्यांना पार्टीचं निमंत्रण

१५ ऑगस्ट रोजी, कत्तलखाने आणि मांस विक्रीची दुकाने बंद ठेवण्याचा निर्णय अनेक महापालिकांनी घेतला . या निर्णयावरून,

रायगड : आदिती तटकरेंना ध्वजारोहणाचा मान, रायगडमध्ये पुन्हा पालकमंत्रीपदावरून वाद

महायुतीचं सरकार आल्यापासून रायगडच्या पालकमंत्री पदावरुन असलेला वाद राज्याला सर्वश्रुत आहे.रायगडच्या

रत्नागिरी : लव्ह जिहादला एकत्र येऊन उत्तर द्या, राज्यात हिंदूंचे भक्कम सरकार - नितेश राणे

रत्नागिरीतील चिपळूणमधील रक्षाबंधनानिमित्त राखी संकलनाच्या कार्यक्रमात मंत्री नितेश राणे यांनी लव्ह

कोकणात राष्ट्रवादीला धक्का प्रशांत यादव भाजपमध्ये करणार प्रवेश, मंत्री नितेश राणे यांची घोषणा

मंत्री नितेश राणे यांनी कोकणात राष्ट्रवादी शरद पवार गटाला धक्का दिला आहे. रत्नागिरी जिल्ह्यातील चिपळूणमधील

'ग्लोबल गणेश फेस्टिवल २०२५'च्या अध्यक्षपदी एकनाथ शिंदे, स्वागताध्यक्षपदी चंद्रकांत पाटील

पुणे: गौरवशाली परंपरा असलेल्या पुण्याचा गणेशोत्सवाला आंतरराष्ट्रीय स्तरावर अधिक व्यापक करण्यासाठी ग्लोबल

कांदा शेतकऱ्यांसाठी आनंदाची बातमी! नाशिक जिल्ह्यातील ९६७२ कांदा उत्पादक शेतकऱ्यांना १८ कोटी ५८ लाख रुपयांचे अनुदान वितरीत

येवला: राज्याचे अन्न, नागरी पुरवठा व ग्राहक संरक्षण मंत्री छगन भुजबळ यांच्या प्रयत्नांतून येवला लासलगाव