मुंबई : अमरावतीमधील (Amravati News) चांदूर रेल्वे येथील सेंट्रल बँकेच्‍या इमारतीला भीषण आग (Amravati Central Bank Fire) लागल्याची बातमी समोर आली आहे. या आगीमुळे बँकेतील लाखो रुपयांच्‍या नोटा आणि फर्निचर भस्‍मसात झाले आहे. सुदैवाने या आगीत कसलीही जीवितहानी झाली नसून आगीवर नियंत्रण मिळवण्‍याचे शर्थीचे प्रयत्‍न सुरु होते.
मिळालेल्या माहितीनुसार, सेंट्रल बँकेच्‍या चांदूर रेल्वे येथील शाखेत नियमित कामकाज सुरू असताना दुपारी १२ वाजताच्‍या सुमारास एका ठिकाणाहून धूर निघत असल्‍याचे निदर्शनास येताच पळापळ झाली. ग्राहक आणि बँकेतील कर्मचारी लगेच बाहेर पडले. आगीने काही क्षणातच रौद्र रुप धारण केले. (Amravati Central Bank Fire) आगीच्‍या घटनेची माहिती चांदूर रेल्वे नगर परिषदेच्या अग्निशमन दलाला देण्‍यात आली. अग्निशमन दलाचे वाहन घटनास्थळी पोहोचले. आग विझवण्‍याचे प्रयत्‍न सुरू झाले. आग आटोक्यात येत नसल्‍याचे पाहून तिवसा आणि धामणगाव रेल्वे येथून अग्निशमन दलाला पाचारण करण्यात आले.
आगीची माहिती मिळताच घटनास्थळी बघ्‍यांची मोठी गर्दी जमली होती. पोलिसांनी देखील तत्‍काळ पोहचून बंदोबस्‍त वाढवला.बँकेतील एसी मध्‍ये शॉर्ट सर्किट झाले आणि तेथून ही आग पसल्‍याचा अंदाज व्‍यक्‍त केला जात आहे. आगीत नेमके मालमत्‍तेचे किती नुकसान झाले, याची माहिती अद्याप मिळू शकली नाही. दरम्यान, घटनास्थळ नजीकचे सर्व दुकाने बंद करण्यात आले होते. आग लागल्याच्या अर्धा तासानंतर धामणगाव रेल्वे आणि चांदूर रेल्वे नगर परिषदेच्या अग्निशमन दलाच्या गाड्या घटनास्थळी येऊन संपूर्ण आग आटोक्यात आणण्यात यश आले. (Amravati Central Bank Fire)
रत्नागिरी : विश्व मराठी साहित्य संमेलनात दिल्या जाणाऱ्या साहित्यभूषण पुरस्काराची रक्कम या वर्षीपासून १० लाख…
नागपूर: विविध कार्यक्रमांमध्ये तसेच येथील सव्हिल लाईन्स परिसरातील मुख्यमंत्री सचिवालय-हैदराबाद हाऊसमध्ये प्राप्त होणारे जनतेचे अर्ज…
बंद पडलेली टॉय ट्रेन पुन्हा सुरु; मंत्री पीयूष गोयल यांची घोषणा मुंबई (प्रतिनिधी) : संजय…
नागपूर: मुख्यमंत्री देवेंद्र फडणवीस यांनी आज मुख्यमंत्री सचिवालयात आयोजित जनता दरबारात जनतेच्या समस्या जाणून घेतल्या…
प्रा. नंदकुमार काकिर्डे मोदी सरकारने सुरू केलेल्या काही योजना देशातील सर्वसामान्यांपर्यंत चांगल्या रीतीने पोहोचल्या असून…
उमेश कुलकर्णी जागतिक व्यापार संघटनेला ट्रम्प यांच्या टॅरिफ राजवटीने एक मोठा झटका दिला आहे. त्याविरोधात…