मुंबई: आयसीसी चॅम्पियन्स ट्रॉफी २०२५मध्ये अफगाणिस्तानच्या संघाने इंग्लंडला हरवत मोठा उलटफेर केला. या मुळे इंग्लंडच्या संघाला सेमीफायनलच्या शर्यतीतून बाहेर जावे लागले. तर अफगाणिस्तानने सेमीफायनलमधील आपली दावेदारी कायम ठेवली आहे. चॅम्पियन्स ट्रॉफीमध्ये आज अफगाणिस्तानचा सामना लाहोरच्या गद्दाफी स्टेडियममध्ये ऑस्ट्रेलियाशी होणार आहे. यावर चाहत्यांचे लक्ष आहे.
अफगाणिस्तानशी होणार भारताचा मुकाबला?
शुक्रवारी जर अफगाणिस्तानच्या संघाने ऑस्ट्रेलियाला हरवले तर ते सेमीफायनलमध्ये पोहोचतील. अफगाणिस्तानचा संघ पहिल्यांदा चॅम्पियन्स ट्रॉफीमध्ये भाग घेत आहे. अशातच जर त्यांनी सेमीफायनलमध्ये एंट्री केली तर त्यांच्यासाठी हा मोठा क्षण असेल. तसेच सेमीफायनलमध्ये अफगाणिस्तानची टक्कर भारताशी होऊ शकते. कसे ते जाणून घ्या...
जर अफगाणिस्तानचा संघ आपल्या ग्रुपमध्ये दुसऱ्या स्थानावर राहतो . तसेच भारत आपल्या ग्रुपमध्ये टॉपवर असेल तर दोघांमद्ये सेमीफायनलचा सामना रंगू शकतो. जर भारतीय संघ आपल्या ग्रुपमध्ये दुसऱ्या स्थानावर असेल आणि अफगाणिस्तानचा संघ ग्रुपमध्ये पहिल्या स्थानावर असेल तर दोघांमध्ये सेमीफायनलचा सामना रंगेल.