Mumbai Crime : दादरच्या गेस्ट हाऊसमधून दोघांना अटक, १० कोटींचे अमली पदार्थ जप्त

  43

मुंबई : मुंबई गुन्हे शाखेच्या पथकाने दादर रेल्वे स्थानकाजवळील एका गेस्ट हाऊसवर धाड टाकून जहांगीर शेख आणि सेनुअल शेख या दोघांना अटक केली. या आरोपींकडून पोलिसांनी ५ किलो ४० ग्रॅम एमडी नावाचा अमली पदार्थ जप्त केला. या अमली पदार्थाची आंतरराष्ट्रीय बाजारात किंमत सुमारे १० कोटी ८ लाख रुपये आहे. पोलीस या तस्करी प्रकरणात अटक केलेल्यांची कसून चौकशी करत आहेत. तस्करीशी संबंधित इतर व्यक्तींना शोधून अटक करण्यासाठी पोलीस तपास सुरू आहे.



तस्कर प्लास्टिकच्या झाडूमध्ये अमली पदार्थ लपवून एका ठिकाणाहून दुसऱ्या ठिकाणी नेत होते. झाडूच्या प्लास्टिकच्या नळीमध्ये अमली पदार्थ लपवले जात होते. अमली पदार्थ झाडूच्या प्लास्टिकच्या नळीमध्ये लपवण्याचे तंत्र समजावून सांगणारा एक व्हिडीओ समोर आला आहे. या प्रकरणाचा अधिक तपास गुन्हे शाखेचे युनिट नऊ करत आहे.



आरोपी जहांगीर शेख प्लास्टिकच्या झाडूंमध्ये अमली पदार्थ लपवून तस्करी करत होता. त्याने अमली पदार्थाने भरलेला झाडू दुसरा आरोपी सेनुअल शेखच्या घरी लपवला होता. पोलिसांनी तपासादरम्यान झाडू आणि त्यातील अमली पदार्थ जप्त केले. आरोपींना अमली पदार्थ पुरवणाऱ्या मुख्य पुरवठादाराचा शोध पोलीस घेत आहेत.



प्लास्टिकच्या झाडूमधून अमली पदार्थाच्या तस्करीच्या प्रकरणात माटुंगा पोलिस ठाण्यात एनडीपीएस कायद्याच्या कलम ८ (सी) आर/डब्ल्यू २२ (सी), २९ अंतर्गत एफआयआर नोंदवून तपास सुरू करण्यात आला आहे. पुरवठा साखळीशी संबंधित इतर लोकांचाही शोध सुरू आहे. लवकरच आणखी काही जणांना अटक होईल, असे संकेत पोलिसांनी दिले आहेत.
Comments
Add Comment

‘अखिल भारतीय मराठी नाट्य परिषदे’चे पुरस्कार जाहीर

नीना कुलकर्णी व सुरेश साखवळकर यांना जीवनगौरव पुरस्कार मुंबई : दरवर्षी नाटककार गोविंद बल्लाळ देवल यांच्या

आता मुंबईत किनारा मार्गावर मिळणार थांबा

पालिकेकडून 'या' चार जागांची निवड मुंबई : मरिन ड्राइव्ह ते वरळी ते वांद्रे वरळी सी लिंकपर्यंतच्या मुंबई सागरी

दादर केळुस्कर मार्गाच्या काँक्रिटीकरणाची कामे रद्द

मनसे, रहिवाशांच्या तक्रारीनंतर प्रशासनाचा निर्णय मुंबई (खास प्रतिनिधी): दादर छत्रपती शिवाजी महाराज उद्यान

'प्रहार' रेपो दर कपात प्रतिक्रिया भाग २ - काय होतं आहे रेपो दराचा परिणाम जाणून घ्या तज्ज्ञांकडून......

रेपो दर प्रतिक्रिया भाग २ - काय होतं आहे रेपो दराचा परिणाम जाणून घ्या तज्ज्ञांकडून...... १) इमार इंडियाचे मुख्य

मीरा रोड, भाईंदर स्थानकांदरम्यान ब्लॉक

मुंबई : मेट्रो लाईन ९ साठी गर्डर लावण्याच्या कामाच्या संदर्भात पश्चिम रेल्वेच्या मीरा रोड आणि भाईंदर

आरेतील नव्या काँक्रीट रस्त्याला पुन्हा तडा

मुंबई : आरे वसाहतीतील काँक्रिटीकरण केलेल्या रस्त्याला पुन्हा तडे गेले आहेत. अवघ्या वर्षभरापूर्वीच हा रस्ता