अर्थसंकल्पात रस्ते आणि विद्यार्थ्यांना प्राधान्य
लखनऊ : उत्तर प्रदेशच्या योगी सरकारचा ९ वा अर्थसंकल्प गुरुवारी विधानसभेत सादर करण्यात आला. उत्तरप्रदेशचे अर्थमंत्री सुरेश खन्ना यांनी ८ लाख ८ हजार ७३६ कोटी रुपयांचा अर्थसंकल्प सरकारने सादर केला. या अर्थसंकल्पात विद्यार्थ्यांना अनेक सोयी सुविधा आणि योजना सरकारने मांडल्या याशिवाय, सरकारी आणि खाजगी क्षेत्रात वैद्यकीय महाविद्यालये/वैद्यकीय संस्था/विद्यापीठे स्थापन करण्यासाठीही अर्थसंकल्पात व्यवस्था करण्यात आली आहे.
या अर्थसंकल्पात अर्थमंत्र्यांनी विधानसभेत २०२५-२०२६ या आर्थिक वर्षाच्या अर्थसंकल्पात अनेक मोठ्या घोषणा केल्या आहेत. तरुणांना आकर्षित करण्यासाठी उत्तर प्रदेश सरकारने या अर्थसंकल्पात अनेक मोठ्या घोषणा केल्या आहेत. आणि राज्याची वाहतूक सुरळीत होण्यासाठी ४ नवीन एक्सप्रेस वे बांधण्याचा निर्णय घेतला.
तरुणांसाठी अर्थसंकल्पात केलेल्या आकर्षक घोषणा
⦁ उत्तर प्रदेश सरकारच्या अर्थसंकल्पात तरुणांना व्याजमुक्त कर्ज दिले जाईल.
⦁ स्टार्टअप्स आणि उद्योगांसाठी व्याजमुक्त कर्ज देण्याची तरतूद.
⦁ विद्यार्थिनींना स्कूटी देण्याची तरतूद.
राज्यातील वाहतूक सुरळीत करण्यासाठी चार नवीन एक्सप्रेसवे
⦁ गंगा एक्सप्रेसवेला प्रयागराज, मिर्झापूर, वाराणसी आणि चंदौली मार्गे सोनभद्रशी जोडण्यासाठी एक्सप्रेसवेच्या बांधकामासाठी ५० कोटी रुपयांची तरतूद.
⦁ मेरठला शहराला हरिद्वारशी जोडण्यासाठी गंगा एक्सप्रेस वे च्या विस्तारीकरणासाठी ५० कोटींचा निधीची तरतूद.
⦁ आगरा-लखनऊ एक्सप्रेस-वे पासून गंगा एक्सप्रेस-वे कौसिया व्हाया फर्रुखाबाद पर्यंत एक ग्रीन फील्ड एक्सप्रेस-वे बांधण्यात येणार आहे ,ज्यासाठी 900 कोटी रुपये निधीची तरतूद.
⦁ बुंदेलखंड ते रिवा प्रस्तावित एक्सप्रेस-वे साठी 50 कोटी रुपयाची तरतूद.
⦁ प्रस्तावित संरक्षण औद्योगिक कॉरिडॉर प्रकल्पासाठी अंदाजे ४६१ कोटी रुपयांची तरतूद केली आहे. याअंतर्गत राज्यात सुमारे साडे नऊ हजार कोटी रुपयांची गुंतवणूक येण्याची शक्यता आहे.