मुंबई : 'सैराट' या चित्रपटातून घराघरात पोहोचलेल्या रिंकू राजगुरूचा मोठा चाहतावर्ग आहे. रिंकू सोशल मीडियावर खूप सक्रिय आहे. ती तिचे फोटो व व्हिडीओ इन्स्टाग्रामवर पोस्ट करत असते.मात्र, यावेळी रिंकूने नाही तर भाजपा खासदाराच्या चिरंजीवांनी रिंकूसोबतचा एक फोटो पोस्ट केला आहे. या फोटोची सोशल मीडियावर चर्चा रंगली आहे.
भाजपाचे राज्यसभा खासदार धनंजय महाडिक यांचे सुपूत्र कृष्णराज महाडिक आणि रिंकू राजगुरू सध्या सोशल मीडियावर चर्चेत आहेत. कृष्णराज यांनी रिंकूबरोबरचा एक फोटो इन्स्टाग्रामवर पोस्ट केला, तो फोटो चांगलाच व्हायरल झाला आहे.या फोटोमध्ये कृष्णराज महाडिक व रिंकू राजगुरू श्री महालक्ष्मी मंदिराबाहेर उभे असलेले दिसत आहेत. "आज अभिनेत्री रिंकू राजगुरू कोल्हापूर येथे आल्या आणि त्यांनी करवीर निवासिनी श्री महालक्ष्मी देवीचे दर्शन घेतले," असं कॅप्शन या फोटोला कृष्णराज महाडिक यांनी दिलं आहे.
कृष्णराज महाडिक हे युट्यूबर व उद्योजक आहेत. सोशल मीडियावर ते त्यांचे फोटो, व्हिडीओ व व्लॉग शेअर करत असतात. नुकताच त्यांनी रिंकू राजगुरूबरोबरचा एक फोटो पोस्ट केला, त्यानंतर चर्चांना उधाण आलं आहे. नेटकरी या फोटोवर विविध प्रकारच्या कमेंट्स करत आहेत.दरम्यान, अभिनेत्री रिंकू राजगुरू सोमवारी कोल्हापुरात 'राजर्षी शाहू महोत्सवा'साठी गेली होती. त्यानंतर ती कोल्हापूरच्या अंबाबाई मंदिरात दर्शनाला गेली होती. त्याचवेळी कृष्णराज महाडिक दर्शनासाठी मंदिरात आले होते. त्या भेटीदरम्यान त्यांनी फोटो काढला. तोच फोटो कृष्णा महाडिक यांनी सोशल मीडियावर शेअर केला, अशी माहिती समोर आली आहे.