कोच्ची : केरळच्या कोच्चीमध्ये बेकायदेशीरपणे राहणाऱ्या आणि काम करणाऱ्या २७ बांगलादेशी (Bangladeshi) घुसखोरांना अटक करण्यात आली आहे. एर्नाकुलम जिल्ह्यातील उत्तर परवूर भागात एर्नाकुलम ग्रामीण पोलिस आणि दहशतवाद विरोधी पथकाने (एटीएस) केलेल्या संयुक्त कारवाईत या घुसखोरांना अटक करण्यात आल्याचे पोलिसांनी सांगितले. पोलिसांनी आज, शुक्रवारी ही माहिती दिली.
यासंदर्भात वरिष्ठ पोलिस अधिकाऱ्याने सांगितले की, बांगलादेशी नागरिक पश्चिम बंगालमधील स्थलांतरित कामगारांच्या नावाखाली विविध ठिकाणी काम करत होते आणि अटक केलेल्यांची सविस्तर चौकशी सुरू आहे. सुमारे २ आठवड्यांपूर्वी तस्लिमा बेगम हिच्या अटकेनंतर एर्नाकुलम ग्रामीण जिल्हा पोलिस प्रमुख वैभव सक्सेना यांनी सुरू केलेल्या विशेष ऑपरेशन 'ऑपरेशन क्लीन'चा भाग म्हणून ही अटक करण्यात आली आहे. उत्तर परवूरमध्ये बांगलादेशी नागरिक राहत असल्याची माहिती मिळाल्यानंतर, एर्नाकुलम ग्रामीण पोलिसांच्या पथकाने एटीएसच्या मदतीने शोध घेतला, असे एका अधिकाऱ्याने सांगितले. त्यांनी सांगितले की त्यांच्या कागदपत्रांची पडताळणी केली असता असे दिसून आले की ते बांगलादेशी नागरिक आहेत जे भारतात बेकायदेशीरपणे राहत होते आणि स्वतःला भारतीय नागरिक असल्याचा दावा करत होते.
धुळे : महाराष्ट्र केसरी (Maharashtra Kesari) कुस्ती स्पर्धेत धुळ्याचा उभरता मल्लयोध्दा चंद्रशेखर गवळी (Chandrashekhar Gawli) याने पहिल्यांदाच वरीष्ठ ८६ किलो वजन गटात सुवर्ण ...
पोलिसांनी दिलेल्या माहितीनुसार, ते पश्चिम बंगालमधून सीमा ओलांडून आले होते, जिथे त्यांनी कोचीला पोहोचण्यापूर्वी एजंट्समार्फत आधार कार्ड आणि इतर कागदपत्रे मिळवली. ते विविध क्षेत्रात काम करत होते, काही कामगार छावण्यांमध्ये राहत होते. त्याच्या कारवायांचा पुढील तपास सुरू असल्याचे पोलिसांनी सांगितले. तसेच यासंदर्भात अधिक माहिती उघड करता येणार नाही कारण एका महिन्याच्या आत देशात बांगलादेशी नागरिकांना झालेली ही सर्वात मोठी अटक असू शकते असे पोलिस अधिकाऱ्यांनी सांगितले. दरम्यान या कारवाईनंतर पोलिसांनी बेकायदेशीर सीमा ओलांडण्यात आणि बनावट ओळखपत्रे आणि आधार कार्ड जारी करण्यात गुंतलेल्या एजंटांचा शोध घेण्यासाठी पश्चिम बंगालमध्ये त्यांचा तपास वाढवण्याचा निर्णय घेतला आहे.