आसारामवरील वेबसीरिज वादाच्या भोवऱ्यात

अहमदाबाद : एकेकाळी स्वयंघोषीत अध्यात्मिक गुरु अशी आसाराम बापूची ओळख होती. अनेकजण संत आसाराम बापू म्हणजे देवाचे रुप असे म्हणत होते. याच काळात आसाराम आणि त्याच्या मुलावर लैंगिक शोषणाचे आरोप झाले. अल्पवयीन पीडितेचे लैंगिक शोषण केल्याप्रकरणी दोषी आढळल्यामुळे आसारामला जन्मठेपेची शिक्षा झाली. सध्या वय आणि तब्येतीचे कारण देऊन जामिनावर तुरुंगाबाहेर आलेला आसाराम आता वेबसीरिजमुळे चर्चेत आहे.



तब्बल अकरा वर्ष तुरुंगात काढल्यानंतर आसाराम बाहेर आला. काही काळ जोधपूरच्या आश्रमात वास्तव्य केल्यानंतर आसाराम अहमदाबादच्या आश्रमात विश्रांतीसाठी आला आहे. अहमदाबादमध्ये आसारामवर वैद्यकीय उपचार सुरू आहेत. जामिनावर असताच्या काळात तब्येत सुधारावी यासाठी आवश्यक ती काळजी घेत असलेला आसाराम वेबसीरिजमुळे नव्या चिंतेने ग्रासला आहे.



आसारामवरील 'सेंट ऑर सिनर ?' अर्थात 'संत की पापी ?' नावाच्या वेबसरिजमध्ये आसाराम ही व्यक्ती कशी लोकप्रिय झाली ? पुढे आरोप कसे होत गेले ? आसारामच्या अडचणी कशा प्रकारे वाढल्या ? न्यायालयात काय झाले ? आसाराम कोणत्या कारणामुळे दोषी ठरला ? आसारामला न्यायालयाने दिलेली शिक्षा अशा अनेक मुद्यांना वेबसीरिजमध्ये स्पर्श करण्यात आला आहे. या वेबसीरिजवर बंदी घालण्याची मागणी आसारामच्यावतीने त्याच्या वकिलाने केली आहे. वेबसीरिज विरोधात कायदेशीर लढा लढण्याची तयारी आसारामने सुरू केली आहे.



याआधी आसाराम विरोधात न्यायालयात उभ्या असलेल्या पीसी सोलंकी नावाच्या वकिलावर आधारित चित्रपट वादाच्या भोवऱ्यात सापडला होता. बॉलिवूड अभिनेता मनोज वाजपेयी याची प्रमुख भूमिका असलेला 'बस एक बंदा ही काफी है' हा चित्रपट मे २०२३ मध्ये आला. या चित्रपटाला आसाराम बापू न्यासाच्या (ट्रस्ट) वकिलाने विरोध केला होता. उच्च न्यायालयाने बंदी घालण्यास नकार दिला. आसाराम खटल्याशी संबंधित आयपीएस अजयपाल लांबा आणि संजीव माथुर यांनी लिहिलेल्या 'गनिंग फॉर द गॉडमॅन' पुस्तकालाही आसारामकडून विरोध करण्यात आला होता. पण दिल्ली उच्च न्यायालयाने या पुस्तकाव बंदी घालण्यास नकार दिला होता. आता आसारामशी संबंधित वेबसीरिज वादाच्या भोवऱ्यात आहे. आधीचे न्यायालयीन घटनाक्रम बघता, वेबसीरिजवर बंदी येण्याची शक्यता अतिशय कमी आहे. यासाठी आसारामच्या समर्थकांमध्ये संदेश पसरवून वेबसीरिज बघितली जाऊ नये यासाठी आतापासूनच प्रयत्न सुरू झाले आहेत.

Comments
Add Comment

१ नोव्हेंबरपासून जीएसटी नोंदणी आणखी सोपी होणार

नवी दिल्ली :  केंद्र सरकारने १ नोव्हेंबरपासून वस्तू आणि सेवा कर नोंदणी आणखी सोपी करण्यासाठी नवी प्रणाली सुरू

जयंत नारळीकर यांना मरणोत्तर ‘विज्ञान रत्न’

नवी दिल्ली : विज्ञान, तंत्रज्ञान आणि तंत्रज्ञानाधारित नवोन्मेषाच्या विविध क्षेत्रांतील उत्कृष्ट आणि

'तो' एक फोन आणि आयुष्याचा शेवट, आशियाई खेळात भारताचे प्रतिनिधीत्व करणाऱ्या रोहिणी कलमची आत्महत्या!

मध्यप्रदेश: आशियाई खेळात भारताचे प्रतिनिधित्व करणाऱ्या रोहिणी कलमने गळफास घेत आत्महत्या केली आहे. रोहिणी

कुर्नूल येथे झालेल्या भीषण अपघाताचे कारण आले समोर! फॉरेन्सिक रिपोर्टच्या आधारे पोलिसांनी केली प्रकरणाची पुष्टी

हैदराबाद: आंध्र प्रदेशातील कुर्नूल येथे २४ ऑक्टोबरला झालेल्या भीषण बस अपघातप्रकरणी फॉरेन्सिक तपासणी सुरू आहे.

मराठी, मल्याळम, तेलुगू, कन्नड… यांसारख्या ११ भाषांतून पंतप्रधान नरेंद्र मोदींनी केली 'मन की बात'

 मुंबई : पंतप्रधान नरेंद्र मोदी यांच्या 'मन की बात' याचा १२७ व भाग प्रसारित झाला. या कार्यक्रमात पंतप्रधान मोदी

भारत निवडणूक आयोगाची पत्रकार परिषद! SIR बाबत घोषणा करणार असल्याची शक्यता

नवी दिल्ली: भारत निवडणूक आयोग सोमवार, २७ ऑक्टोबर रोजी एक पत्रकार परिषद घेणार आहे. या पत्रकार परिषदेत देशभरातील