भारताचा हा क्रिकेटर गुडघे टेकत चढला तिरूपती मंदिराच्या पायऱ्या

  48

मुंबई : चॅम्पियन्स ट्रॉफी २०२५पूर्वी भारत आणि इंग्लंड यांच्यात पाच सामन्यांची टी-२० मालिका आणि तीन सामन्यांची एकदिवसीय मालिका खेळवली जाणार आहे. इंग्लंडविरुद्धच्या टी-२० मालिकेसाठी बीसीसीआयने संघाची घोषणा केली आहे. यामध्ये अनेक युवा खेळाडूंची नावे पाहायला मिळाली.यासोबतच बॉर्डर-गावस्कर ट्रॉफी २०२४-२५ च्या मेलबर्न कसोटी गाजवणाऱ्या नितीश कुमार रेड्डीचाही या संघात समावेश आहे. त्यांनतर आता नितीश गुडघ्यावर पायऱ्या चढत असल्याचा व्हिडिओ आता सोशल मीडियावर व्हायरल होत असून हा व्हिडिओ तिरुपती मंदिराचा आहे.


भारतीय क्रिकेट संघाचा अष्टपैलू खेळाडू नितीश कुमार रेड्डी यांनी नुकतेच इंग्लंड मालिकेपूर्वी तिरुपती मंदिराला भेट दिली. नितीशच्या वडिलांचे स्वप्न होते की, त्यांचा मुलगा एके दिवशी टीम इंडियासाठी खेळेल, जे अखेर पूर्ण झाले.ऑस्ट्रेलिया दौरा संपल्यानंतर नितीश भारतात परतला आहे. त्याचे स्वप्न पूर्ण झाल्यानंतर, तो आता देवाचे दर्शन घेण्यासाठी तिरुपती बालाजी मंदिरात पोहोचला.नितीशने गुडघे टेकत पायऱ्या चढून भगवान व्यंकटेश्वराचे आशीर्वाद घेतले. नितीशने त्यांच्या इंस्टाग्राम स्टोरीवर व्हिडिओ शेअर केला आहे. त्याचा हा भक्तीचा व्हिडिओ सोशल मीडियावर मोठ्या प्रमाणात व्हायरल होत असून चाहते त्याच्या साधेपणाचे कौतुक करत आहेत. तिरुपती मंदिरात एकूण ३५५० पायऱ्या आहेत ज्या १२ किलोमीटरचे अंतर कापतात.


 


ऑस्ट्रेलिया दौऱ्यावर आपली क्षमता सिद्ध केल्यानंतर नितीश कुमार रेड्डी आता इंग्लंडविरुद्धच्या टी-20 मालिकेत खेळताना दिसेल. रेड्डीने गेल्या वर्षी ऑक्टोबरमध्ये ग्वाल्हेरमध्ये बांगलादेशविरुद्ध टीम इंडियासाठी टी-20 मध्ये पदार्पण केले. बॉर्डर-गावस्कर ट्रॉफी २०२४-२५ मध्ये सर्वाधिक धावा करणारा नितीश कुमार रेड्डी हा चौथा आणि दुसरा भारतीय फलंदाज ठरला आहे.ऑस्ट्रेलिया दौऱ्यावर त्याने ९ डावात ३७.२५ च्या सरासरीने २९८ धावा केल्या. ज्यात एका शानदार शतकाचाही समावेश होता. मेलबर्न कसोटीच्या पहिल्या डावात नितीशने १८९ चेंडूत ६०.३१ च्या स्ट्राईक रेटने ११४ धावा केल्या. ज्यामध्ये ११ चौकार आणि १ षटकारांचा समावेश होता. आता त्याचा प्रयत्न इंग्लंडविरुद्ध बॅट आणि बॉलने चमत्कार करण्याचा असेल.

Comments
Add Comment

यशस्वी जायसवालने शतक ठोकत रवी शास्त्रींना टाकले मागे, टीम इंडियानेही रचला खास विक्रम!

लंडन: इंग्लंडविरुद्धच्या पाचव्या कसोटी सामन्यात युवा सलामीवीर यशस्वी जायसवालने पुन्हा एकदा आपल्या फलंदाजीची

India vs England 5th Test: ओव्हल कसोटीत भारताने इंग्लंडला दिले ३७४ धावांचे लक्ष्य, सुंदरची 'सुंदर' खेळी

India vs England 5th Test: भारत आणि इंग्लंड यांच्यातील अँडरसन-तेंडुलकर ट्रॉफी २०२५ चा शेवटचा कसोटी सामना लंडनमधील ओव्हल क्रिकेट

"आम्ही पुन्हा प्रयत्न करत आहोत" सायना नेहवाल आणि पी. कश्यपच्या नात्यात यु टर्न

नवी दिल्ली: बॅडमिंटनपटू सायना नेहवाल (Saina Nehwal) आणि पारुपल्ली कश्यप (Parupalli Kashyap) या दोघांच्या नात्यात पुन्हा एकदा गोडवा

जसप्रीत बुमराहच्या आशिया कप खेळण्यावर प्रश्नचिन्ह

नवी दिल्ली:  आशिया कप २०२५ पुढील महिन्यात खेळवला जाणार आहे आणि चाहते या स्पर्धेबद्दल खूप उत्सुक आहेत. पण

ग्रॅन्डमास्टर दिव्या देशमुखला शासनाकडून ३ कोटींचे बक्षीस, मुख्यमंत्री देवेंद्र फडणवीसांच्या हस्ते सत्कार

नागपूर: महाराष्ट्राच्या दिव्या देशमुखने फिडे महिला बुद्धीबळ विश्वचषकात विजेतेपद पटकावल्यामुळे, महाराष्ट्र

नाईट वॉचमन आकाशदीपने इंग्लंडची झोप उडवली

लंडन : भारत आणि इंग्लंड यांच्यात सुरू असलेल्या पाच कसोटी सामन्यांच्या मालिकेतील अखेरचा सामना केनिंग्टन ओव्हल