पुणे : आपल्या मुलीशी एक १७ वर्षीय मुलगा मैत्री करुन बोलत असल्याचा राग येऊन सदर मुलास मुलीच्या पालकांनी तिच्याशी बोलू नको अशी समज दिली होती. परंतु त्यानंतर देखील तो मुलीशी बोलत असल्याच्या रागातून मुलीचे वडील व भावांनी संबंधित मुलास लाथाबुक्क्यांनी बेदम मारहाण करुन तसेच लोखंडी रॉड डोक्यात मारुन त्याला गंभीर जखमी करत डोक्यात दगड घालून त्याचा निर्घृण खून केल्याचा धक्कादायक प्रकार वाघोली परिसरात घडला आहे. गणेश वाघू धांडे (वय-१७) असे खून झालेल्या मुलाचे नाव आहे.
याप्रकरणी आरोपी लक्ष्मण पेटकर (६०), सुधीर पेटकर (३२) व नितीन पेटकर (३१, तिघे रा. वाघेश्वरनगर, गोरे वस्ती, वाघोली, पुणे) यांच्याविरोधात खुनाचा गुन्हा दाखल करुन त्यांना अटक केली आहे.
याबाबत मयत मुलाचे वडील वाघु मारुती धांडे (वय- ६४, रा. वाघोली, पुणे) यांनी आरोपी विरोधात वाघोली पोलीस ठाण्यात तक्रार दाखल केली आहे.
पोलिसांनी दिलेल्या माहितीनुसार, गणेश धांडे हा दोन जानेवारी रोजी मध्यरात्री साडेबारा वाजता त्याच्या मित्रांसोबत घराजवळ दुचाकीवरुन येत होता. त्यावेळी आरोपींनी मुलीशी बोलत असल्याचा राग मनात धरुन त्यास शिवीगाळ करुन लाथाबुक्क्यांनी बेदम मारहाण करुन लोखंडी रॉड व दगड त्याच्या डोक्यात मारुन त्याचा खून केला. त्यानंतर आरोपी पसार झाले.
पोलिसांना घटनेची माहिती मिळाल्यावर, घटनास्थळी दाखल होऊन मृतदेह ताब्यात घेऊन घटनेचा पंचनामा करत शवविच्छेदनासाठी मृतदेह ससून रुग्णालयात पाठवला. तसेच आरोपींना देखील अटक केली. याबाबत पुढील तपास सहाय्यक पोलीस निरीक्षक विनायक अहिरे करत आहेत.
वाघोली पोलीस स्टेशनचे पोलीस निरीक्षक पंडित रेजितवाड म्हणाले, मयत मुलाचे वडील हे मजुरी काम करत होते व त्यांना मुलगा देखील सहाय्य करत होता. ते राहत असलेल्या ठिकाणाजवळच आरोपी यांचे कुटुंब राहत आहे. कुठल्यातरी अज्ञात कारणास्तव मनात राग धरुन आरोपींनी गणेश यास शिवीगाळ करुन लाथाबुक्क्यांनी मारहाण करुन लोखंडी रॉड व दगडाने मारहाण करत संगनमताने त्यास जीवे ठार मारले आहे.
मृणालिनी कुलकर्णी कन्नड साहित्यिक भैरप्पा यांनी त्यांना सरस्वती सन्मानाचे मिळालेले ‘पाच लाख रुपये परत करतांना…
डाॅ. स्वाती गानू वयाची दहा-बारा वर्षे मुलांशी आपण किती सहज बोलू शकतो, गप्पा मारू शकतो,…
सतीश पाटणकर नारायण गणेश गोरे तथा नानासाहेब गोरे हे समाजवादी विचारवंत तसेच मराठी लेखक आणि…
डॉ. महालक्ष्मी वानखेडकर इवलासा चिमणीसारखा अस्थिर जीव जेमतेम दहा-बारा सेंटीमीटरचा. नाकापासून ते पाठीपर्यंत काळ्या रंगाचे…
श्रीनिवास बेलसरे चित्रपटसृष्टीतील जुन्या कलाकारांनी, विशेषत: गीतकारांनी, सगळ्या नात्यांना किती सुंदरपणे प्रेक्षकांसमोर आणले ते पाहिले…
गुरुनाथ तेंडुलकर या प्रश्नाचं बाळबोध उत्तर-काहीतरी साध्य करण्यासाठी लागणारं सामान म्हणजे साहित्य. बागेत फुलझाडं लावायची…