जपा तेवढं बरं : कविता आणि काव्यकोडी

वसई, जळगावची
केळी आम्ही मस्त
काहीजण एक डझन
करून टाकी फस्त


बाराही महिने आम्ही
असतो बाजारात
शक्तिवर्धक फळ म्हणून
आवडीने लोक खातात


पोटाच्या विकारावर
आम्ही फायदेशीर
पचनक्रिया सुधारतो
धरा थोडा धीर


केळींचे शिकरण खा
भारी चवदार
केळींच्या ज‌ॅमला हल्ली
मागणी आहे फार


पोषक तत्त्वांचे
भांडार आमच्याकडे
आरोग्य राखायचे
देतो आम्ही धडे


शरीराला धष्टपुष्ट
करतो आम्ही खरं
पण सालीपासून आमच्या
जपा तेवढं बरं...!



काव्यकोडी - एकनाथ आव्हाड


१) काळे, हिरवे, पिवळे
पांढरे आणि लाल
याच कडधान्याचे
केवढे प्रकार पाहाल


खिचडी आणि आमटी
लाडूसुद्धा होतात छान
कोणते द्विदल धान्य
ज्याला सर्वश्रेष्ठाचा मान?


२) टॅनीन, कॅफिन हानिकारक
यात येते आढळून
तरी येथे अनेक जण
पितात भुरके मारून


घरोघरी हे पेय
हमखास प्यायले जाते
पाहुण्यांचे स्वागत
काय देऊन होते?


३) कोवळी हिरवी सुगंधित
रूचकर आणि स्वादिष्ट
मुखशुद्धीसाठी ही तर
आहे एकदम बेस्ट


गुजरातमधील उंझा
तिची व्यापाराची पेठ
जेवणानंतर हमखास
कुणाची होते भेट?


उत्तर -


१) मूग
२) चहा
३) बडीशेप

Comments
Add Comment

मनाची श्रीमंती!

कथा : रमेश तांबे दिवाळी नुकतीच संपली होती. दिवाळीचे चार-पाच दिवस कसे संपले हे नमिताला कळलेच नव्हते. दिवाळी येणार

पारदर्शक पदार्थ

कथा : प्रा. देवबा पाटील सीता व निता या दोघी बहिणींना जशी अभ्यासाची गोडी होती तशीच वाचनाचीसुद्धा आवड होती. त्या सतत

बदलांचा स्वीकार!

खरे तर बदलांचा स्वीकार करणे याला खूप चांगला इंग्रजी शब्द आहे ऍडॉप्शन! आपण कितीही मनात आणले तरी आपल्याला हवे तसे

कचरा कचराकुंडीतच टाकावा !

लहानशा गोष्टी, मोठा अर्थ : शिल्पा अष्टमकर ‘स्वच्छ मुंबई ,सुंदर मुंबई ‘ असे फलक मुंबईत ठिकठिकाणी आपण पाहतो. अनेक

सूर्यप्रकाशाचे रंग

कथा : प्रा. देवबा पाटील सीता आणि नीता या सख्ख्या बहिणीच असल्याने दोघींचे आपसातही छान मेतकूट जमायचे. दोघीही नेहमी

खरी पूजा

कथा : रमेश तांबे अजितच्या घराजवळच गणपतीचं एक मंदिर होतं. त्याची आजी दररोज सकाळी पूजेसाठी मंदिरात जायची. जवळजवळ