Bal Puraskar : वीर बालदिनी राष्ट्रपतींच्या हस्ते १७ मुलांचा राष्ट्रीय बाल पुरस्काराने गौरव

  151

नवी दिल्ली : वीर बालदिनाचे औचित्य साधून राष्ट्रपती द्रौपदी मुर्मू यांच्या हस्ते १७ मुलांचा राष्ट्रीय बाल पुरस्काराने गौरव करण्यात आला. सात वेगवेगळ्या प्रकारातील प्रेरणादायी कार्यासाठी मुलांना गौरविण्यात आले. यंदाच्या विजेत्यांमध्ये चौदा राज्यांतील दहा मुली आणि सात मुलगे यांचा समावेश आहे.



राष्ट्रपती भवनातील सांस्कृतिक केंद्रात पुरस्कार वितारणाचा कार्यक्रम झाला. कला आणि संस्कृती, शौर्य किंवा धाडस, संशोधन, विज्ञान - तंत्रज्ञान, क्रीडा, सामाजिक सेवा, पर्यावरण या क्षेत्रातील मुलांच्या प्रेरणादायी असाधारण कतृत्वाचे राष्ट्रपतींनी कौतुक केले.

पुरस्कार विजेत्यांच्या कतृत्वाचा देशाला अभिमान वाटत असल्याचे राष्ट्रपती द्रौपदी मुर्मू म्हणाल्या. मुलांनी त्यांच्या असामान्य कतृत्वाने नवे आदर्श निर्माण केल्याचेही राष्ट्रपती द्रौपदी मुर्मू म्हणाल्या. पुरस्कार विजेत्या मुलांची कामगिरी आश्चर्यजनक आहे. या कामगिरीतून त्यांच्या अमर्याद क्षमतेची झलक बघायला मिळते, या शब्दात राष्ट्रपती द्रौपदी मुर्मू यांनी मुलांचे कौतुक केले.

मुलांच्या कलागुणांना वाव देणे हे मोठ्यांचे कर्तव्य आहे. यातून नवनिर्मिती होईल. भारताच्या स्वातंत्र्याची शताब्दी २०४७ मध्ये साजरी होणार आहे, त्यावेळी हे पुरस्कार विजेते देशाचे सुबुद्ध नागरिक असतील. ही मुले विकसित भारताचे निर्माते होतील, असा विश्वास राष्ट्रपती द्रौपदी मुर्मू यांनी व्यक्त केला.


शौर्य क्षेत्रातला राष्ट्रीय बाल पुरस्कार
१. नऊ वर्षांच्या सौरव कुमारने बुडत असलेल्या तीन मुलींना वाचवले
२. सतरा वर्षांच्या इओआना थापाने इमारतीला आग लागल्याचे बघून ३६ रहिवाशांना वाचवले


३ अमरावतीच्या कठोरा परिसरातील जय अंबा अपार्टमेंटमध्ये १५ मे २०२४ रोजी लागलेल्या भीषण आगीच्या घटनेत करीना थापाने ७० कुटुंबांचे प्राण वाचवले


कला आणि संस्कृती क्षेत्रातला राष्ट्रीय बाल पुरस्कार
३. बारा वर्षांचा अयान सजाद सुफी गायक म्हणून प्रसिद्ध. काश्मिरी संगीतातील त्यांच्या योगदानासाठी लोकप्रिय
४. चौदा वर्षांची केया हटकर ही दिव्यांग लेखिका आणि वकील
५. पाच हजारांपेक्षा जास्त संस्कृत श्लोक तोंडपाठ करणारा सेरेब्रल पाल्सी झालेला सतरा वर्षांचा व्यास ओम जिग्नेश
संशोधन क्षेत्रातला राष्ट्रीय बाल पुरस्कार
६. पंधरा वर्षांच्या सिंधुरा राजाने पार्किंसन्स झालेल्यांना स्थैर्य देण्यासाठी वाजवी दरातली नाविन्यपूर्ण उपकरणे विकसित केली
७. सतरा वर्षांच्या ऋषीक कुमारने काश्मीरमध्ये पहिली सायबर सुरक्षा फर्म सुरू केली
क्रीडा क्षेत्रातला राष्ट्रीय बाल पुरस्कार
८. हेंबती नाग या नक्षलग्रस्त भागातील ज्युदो खेळाडूने खेलो इंडिया नॅशनल गेम्समध्ये रौप्य पदक जिंकले
९. तीन वर्षांच्या अनिश सरकारने बुद्धिबळात चमकदार कामगिरी केली, तो सर्वात लहान फिडे रँकिंग मिळवणारा बुद्धिबळपटू आहे
१०. एव्हरेस्ट बेस कॅम्प, आफ्रिकेतील सर्वोच्च शिखर, ऑस्ट्रेलियाचे सर्वोच्च शिखर आणि रशिया आणि इराणची सर्वोच्च शिखरे येथे यशस्वी चढाई करणारी पंजाबची नऊ वर्षांची सानवी सूद.

Comments
Add Comment

गंभीर गुन्ह्याप्रकरणी तुरुंगात गेल्यास पीएम सीएमना हटवणाऱ्या विधेयकाप्रकरणी विरोधकांचा रडीचा डाव

नवी दिल्ली : गंभीर गुन्ह्याप्रकरणी किमान ३० दिवस तुरुंगात घालवले किंवा तशी कोठडी देण्यात आली तर संबंधित मंत्री

रस्ते अपघातामध्ये प्रसिद्ध भारतीय क्रिकेटपटूचा मृत्यू, सीसीटीव्हीमध्ये दुर्घटना कैद

जम्मू आणि काश्मीर: रस्ते अपघातामध्ये भारतीय क्रिकेटपटूचा मृत्यू झाल्याची हृदयद्रावक घटना घडली आहे. या अपघाताचं

गगनयान मोहिमेसाठीची इस्रोची एअर ड्रॉप चाचणी यशस्वी

नवी दिल्ली : गगनयान मोहिमेसाठी इस्रोने यशस्वी एअर ड्रॉप चाचणी घेतली. ही पहिली एअर ड्रॉप चाचणी होती, जी पूर्ण

भारताच्या स्वदेशी हवाई संरक्षण यंत्रणांची यशस्वी चाचणी

नवी दिल्ली : डीआरडीओने भारताच्या एकात्मिक हवाई संरक्षण यंत्रणेसाठी शुक्रवारी २३ ऑगस्ट रोजी यशस्वी चाचण्या

भटक्या कुत्र्यांच्या हल्ल्यात २१ वर्षीय विद्यार्थीनी जखमी

लखनऊ : भटक्या कुत्र्यांचा हल्ला सध्या चर्चेत असून भटक्या कुत्र्यांच्या जीवघेण्या हल्ल्याच्या बातम्या अजूनही

ऐन सणासुदीच्या काळात सर्वसामान्यांना महागाईचा फटका, डाळी, रवा, मैदा, खाद्यतेल, साखरेचे भाव वधारले

नवी दिल्ली (वृत्तसंस्था) : गणेश चतुर्थीला ३, ४ दिवस बाकी असून या सणादरम्यान लागणाऱ्या