Cement Price Hike : घर बांधणीचा खर्च वाढणार! सिमेंटच्या दरात झाली 'इतकी' वाढ

मुंबई : देशभरात सातत्याने महागाई (Inflation) वाढत चाललल्याचे चित्र दिसून येत आहे. खाद्य तेल, डाळी, भाजीपाला, फळे, साबण, पेट्रोल, डिझेल, सोनं-चांदी अशा गरजेपयोगी वस्तूंसह प्रवासही महागला आहे. त्यामुळे सर्वसामान्यांच्या खिशाला महागाईची मोठी झळ बसत आहे. आता ही महागाई घर बांधकामावरही येत आहे.


काही महिन्यांपूर्वी सळईच्या दरात प्रति टन १५०० ते २००० रुपये वाढ झाली होती. त्यानंतर आता बांधकाम व्यवसायातील प्रमुख साधन सामग्री असलेल्या सिमेंटच्या दरातही वाढ झाल्याचे (Cement Price Hike) पाहायला मिळत आहे. त्यामुळे आता सर्वसामान्यांना घर खरेदी करणे किंवा घर बांधणे यासाठी अतिरिक्त खर्च करावा लागणार आहे.



पाच महिने सिमेंटच्या किंमती स्थिर राहिल्यानंतर आता सिमेंटच्या किंमतीमध्ये मोठी वाढ झाली आहे. पावसाळी मोसमानंतर बांधकाम क्षेत्रात मोठी वाढ झाली आहे. तसेच मोठ्या पायाभूत प्रकल्पांमध्येही सिमेंटची मागणी कायम असल्याने या महिन्यात सिमेंटच्या किमतीत वाढ झाली.



काय आहेत सिमेंटचे दर?



  • पश्चिम भारतात ५० किलो सिमेंटच्या पोत्याच्या किमतींमध्ये ५ ते १० रुपयांची वाढ झाली असून, सध्याच्या किमती ३५० ते ४०० रुपयांदरम्यान आहेत.

  • उत्तर भारतात दिल्लीसह अनेक भागांमध्ये पोत्यामागे २० रुपयांनी वाढ झाली असून किमती ३४० ते ३९५ रुपयांदरम्यान आहेत.

  • दक्षिण भारतातही पोत्यामागे ४० रुपयांपर्यंत किंमत वाढली आहे. त्यानुसार दक्षिण भारतात प्रति सिमेंट पोत्याचे दर ३२० रुपयांवर पोहोचले आहेत.

  • पूर्व भारतातही सिमेंट बॅगची किंमत ३० रुपयांनी वाढली आहे.


दरम्यान, इनक्रेड इक्विटीजच्या अहवालातील अंदाजानुसार, २०२५च्या आर्थिक वर्षाच्या दुसऱ्या टप्प्यात सरकारचा भांडवली खर्च अजून वाढणार आहे, त्यामुळे सिमेंटच्या मागणीत आणखी वाढ होण्याची शक्यता आहे. पण वाढीव उत्पादन क्षमतेमुळे मोठ्या प्रमाणावर दरवाढ नको, अशी मागणी आताच उद्योगातून सुरू झाली आहे. (Cement Price Hike)

Comments
Add Comment

जीएसटी कपातीमुळे भारतात नवरात्रीमध्ये १० वर्षांत सर्वाधिक विक्री

नवी दिल्ली (वृत्तसंस्था): मोदी सरकारच्या नेक्स्ट जेन जी. एस. टी. सुधारणांमुळे केवळ करांचे दर कमी झाले नाहीत तर

तरुणांसाठी ६२,००० कोटी रुपयांची मोठी योजना; मोदी आज करणार सुरू

नवी दिल्ली: पंतप्रधान नरेंद्र मोदी आज देशातील तरुणांना कौशल्ये, शिक्षण आणि रोजगार (Skilling, education, and employment) देण्यासाठी अनेक

सावधान! भारतात ५० लाखांहून अधिक लोकांना चिकनगुनियाचा मोठा धोका

नवी दिल्ली: डासांमुळे होणाऱ्या चिकनगुनिया नावाच्या एका व्हायरल आजाराने भारतात सुमारे ५१ लाख (५.१ दशलक्ष) लोकांना

१,२०० कोटींच्या गोवा जमीन घोटाळ्यात शिवशंकर मायेकरला ED कडून अटक

नवी दिल्ली: सक्तवसुली संचालनालयाने (ED) आज सांगितले की, यशवंत सावंत आणि इतरांशी संबंधित असलेल्या जमीन

दहशतवाद्यांचा 'धर्म' नाही, आम्ही दहशतवादाला मारलं: राजनाथ सिंह यांचा सर्जिकल स्ट्राईकवर जोर

नवी दिल्ली: संरक्षण मंत्री राजनाथ सिंह यांनी आज २०१६ चा सर्जिकल स्ट्राईक, २०१९ चा बालाकोट हवाई हल्ला आणि ऑपरेशन

अरबी समुद्रात धडकणार शक्ती चक्रीवादळ, सतर्कतेचा इशारा

मुंबई : अरबी समुद्रात तयार झालेले कमी दाबाचे क्षेत्राने आता वादळाचे रूप धारण केले आहे. येत्या २४ तासात हे